Penderfyniadau

Penderfyniad:

Ar ôl rhoi sylw dyledus i'r Asesiad Effaith Integredig, bod cynllun gweithredu'r Asesiad o Ddigonolrwydd Cyfleoedd Chwarae sy'n amlinellu'r blaenoriaethau ar gyfer darparu a datblygu chwarae yn yng Nghastell-nedd Port Talbot, yn cael ei gymeradwyo.

Rheswm dros y Penderfyniad:

Galluogi'r cyngor i ymgymryd â chynllun gweithredu statudol a gaiff ei ddatblygu o Asesiad o Ddigonolrwydd Cyfleoedd Chwarae 2022 i sicrhau bod cymaint â phosib o adnoddau ar gael ar gyfer chwarae er mwyn gwella ansawdd y ddarpariaeth a gynigir ar draws y sir.

Rhoi'r Penderfyniad ar Waith:

Gyda chytundeb y Cadeirydd Craffu Addysg, Sgiliau a Lles, caiff y penderfyniad ei roi ar waith yn syth ac ni fydd y cyfnod galw i mewn o dridiau'n berthnasol iddo. Caiff y penderfyniad ei roi ar waith ar unwaith.

Ymgynghoriad:

Nid yw'n ofynnol cynnal ymgynghoriad allanol.

Penderfyniad:

a)    Ar ôl rhoi sylw dyledus i gam cyntaf yr Asesiad Effaith Integredig, bod y tir a'r fangre yng Nghanolfan Hamdden Castell-nedd yn Heol Dyfed, Castell-nedd yn cael ei ddatgan fel eiddo nad oes ei angen mwyach ar gyfer gofynion Gwasanaethau Hamdden strategol, parhaus y Gwasanaeth Addysg, Hamdden a Dysgu Gydol Oes.

b)    Pan fydd Canolfan Hamdden Castell-nedd yn wag, bod y cyfrifoldeb parhaus am reoli a gwaredu'r fangre yn y dyfodol yn cael ei drosglwyddo i'r Pennaeth Eiddo ac Adfywio.

c)   Bod awdurdod dirprwyedig yn cael ei roi i'r

Pennaeth Cyfranogiad

 a'r Pennaeth Eiddo ac Adfywio i dderbyn ildiad y brydles bresennol ar gyfer y cyfleuster gan y tenant presennol.

d)    Bod y Pennaeth Eiddo ac Adfywio, ar y cyd â Phennaeth y Gwasanaethau Cyfreithiol, yn cael awdurdod dirprwyedig i gyflwyno rhybudd o derfyniad a sicrhau y ceir meddiant gwag o ran o'r cyfleuster gan yr is-denant presennol.

e)    Bod awdurdod dirprwyedig yn cael ei roi i'r Pennaeth Eiddo ac Adfywio, ar y cyd â Phennaeth y Gwasanaethau Cyfreithiol, i ymrwymo i brydles tymor byr er mwyn i Hamdden Celtic weithredu Canolfan Hamdden newydd Castell-nedd o'i hagoriad tan ddyddiad trosglwyddo'r gwasanaethau hamdden dan do i'r cyngor ar 31 Mawrth 2023 (neu os na fodlonir y dyddiad 31 Mawrth 2023, y dyddiad pan ddaw'r gwasanaethau hamdden yn ôl yn fewnol).

Rheswm dros y Penderfyniad:

Ni fydd Canolfan Hamdden Castell-nedd yn Heol Dyfed, Castell-nedd yn weithredol mwyach pan fydd y cyfleuster yn cau a staff a defnyddwyr yn cael eu hadleoli i Ganolfan Hamdden newydd yng nghanol y dref yn ystod Hydref 2022 ac felly, ni fydd angen cyfleuster Heol Dyfed mwyach at ddibenion hamdden gweithredol a strategol parhaus y Gyfarwyddiaeth Addysg, Hamdden a Dysgu Gydol Oes. Bydd trefnu i Hamdden Celtic weithredu'r Ganolfan Hamdden newydd tan yr amser pan fydd y cyngor yn dod yn gyfrifol am gynnal ei wasanaethau hamdden yn sicrhau gweithrediad y cyfleusterau newydd o'u hagoriad, a darpariaeth barhaus cyfleusterau hamdden yng Nghastell-nedd.

Rhoi'r Penderfyniad ar Waith:

Gyda chytundeb y Cadeirydd Craffu Addysg, Sgiliau a Lles, caiff y penderfyniad ei roi ar waith yn syth ac ni fydd y cyfnod galw i mewn o dridiau'n berthnasol iddo.

Ymgynghoriad:

Nid yw'n ofynnol cynnal ymgynghoriad allanol.

Penderfyniad:

Ar ôl rhoi sylw dyledus i'r Asesiad Effaith Integredig, bod cymeradwyaeth yn cael ei roi i gyflwyno Cynllun Strategol y Gymraeg mewn Addysg i'r cyngor er mwyn cael caniatâd i'w gyhoeddi a bwrw ati i'w roi ar waith.

Rheswm dros y Penderfyniad:

Cydymffurfio â Rheoliadau Cynlluniau Strategol Cymraeg mewn Addysg (Cymru) 2019.

Rhoi'r Penderfyniad ar Waith:

Gyda chytundeb y Cadeirydd Craffu Addysg, Sgiliau a Lles, caiff y penderfyniad ei roi ar waith yn syth ac ni fydd y cyfnod galw i mewn o dridiau'n berthnasol iddo. Caiff y penderfyniadau eu rhoi ar waith ar unwaith.

Ymgynghoriad:

Roedd yr eitem yn destun ymgynghoriad cyhoeddus cynhwysfawr a oedd yn cynnwys amrywiaeth eang o randdeiliaid am gyfnod o naw wythnos.

Penderfyniad:

Bod yr oriau agor a chau ar gyfer y Nadolig a’r Flwyddyn Newydd, ar gyfer llyfrgelloedd, theatrau, canolfannau cymunedol, Parc Gwledig Margam, canolfannau hamdden a phyllau nofio yn cael eu cymeradwyo, fel y nodwyd yn Atodiad 1 a 2 yr adroddiad a ddosbarthwyd.

Rheswm dros y Penderfyniad:

Fel bod cyfleusterau'r cyngor ar gael i'r cyhoedd lle mae galw amdanynt i fod ar agor, ac i reolwyr wneud trefniadau priodol gyda staff rheng flaen.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun, 31 Hydref 2022.

Ymgynghoriad:

Nid oes gofyniad i ymgynghori'n allanol ar yr eitem hon.

Penderfyniad:

Nodir yr adroddiad.

Penderfyniad:

Ar ôl rhoi sylw dyledus i'r asesiad effaith sgrinio integredig:

1.   bod Gwasanaeth Archifau Gorllewin Morgannwg yn cael ei adleoli o'r Ganolfan Ddinesig, Abertawe i hen siop British Home Stores a WHAT!

2.   nodir bod y cyfrifoldebau rheoli'n trosglwyddo o Bennaeth y Gwasanaethau Cyfreithiol a Democrataidd i Bennaeth y Gwasanaethau Cefnogi a Thrawsnewid.

3.   bod Pennaeth y Gwasanaethau Cyfreithiol a Democrataidd yn cael awdurdod dirprwyedig i gytuno ar a chwblhau Gweithred Amrywio, i Gytundeb y Cyd-bwyllgor ar 11 Ebrill 2014, ac yn rhoi argymhellion 1 a 2 ar waith.

Rheswm dros y Penderfyniad:

Er mwyn i breswylwyr Castell-nedd Port Talbot gael mynediad at wasanaeth archifau, yn unol â Deddf Llywodraeth Leol (Cofnodion) 1972.

Rhoi ar waith:

Bydd y penderfyniadau'n cael eu rhoi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun, 31 Hydref 2022.

Ymgynghoriad:

Nid yw'n ofynnol cynnal ymgynghoriad mewn perthynas â'r adroddiad hwn. Mae trafodaethau â Chyngor Dinas a Sir Abertawe wedi bod yn mynd rhagddynt fel rhan o'r gwaith datblygu.

Penderfyniad:

Nodir yr adroddiad.

Penderfyniad:

1.   Ar ôl rhoi sylw dyledus i gam cyntaf yr Asesiad Effaith Integredig: bod yr Adroddiad Blynyddol i Lywodraeth Cymru yn cael ei gymeradwyo.

2.   Bod cynnwys adroddiad Llyfrgelloedd Cymru ar gyfer 2020-21 yn cael ei nodi.

Rheswm dros y Penderfyniad:

Er mwyn i'r cyngor gydymffurfio â'i ddyletswydd statudol i ddarparu gwasanaeth llyfrgell yng Nghastell-nedd Port Talbot.

Rhoi ar waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun, 31 Hydref 2022.

Ymgynghoriad:

Nid yw'n ofynnol cynnal ymgynghoriad allanol.

Penderfyniad:

1.   Bod y Rhaglen Cymorth Fugeiliol newydd a'r amserlen lai yn cael eu cymeradwyo.

2.   Bod yr arweiniad darparwyr amgen yn cael ei fabwysiadu.

Rheswm dros y Penderfyniad:

Bydd y rhaglen a'r arweiniad darparwyr amgen yn cryfhau trefniadau a phrosesau monitro ymhellach ar gyfer dysgwyr sydd mewn peryg o ymddieithriad.

Rhoi ar waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun 31 Hydref 2022.

Ymgynghoriad:

Cynhaliwyd ymarfer ymgynghori â'r rhanddeiliaid perthnasol.

Penderfyniad:

1.   Bod yr offeryn llywodraethu, a atodir fel atodiad A, o'r adroddiad a gylchredwyd, yn cael ei gymeradwyo, gyda dyddiad ymgorffori 1 Mawrth 2023, gan greu corff llywodraethu parhaol.

2.   Bod yr ysgol yn cael ei henwi'n Ysgol Gynradd Gymraeg Tregeles.

Rheswm dros y Penderfyniad:

I gydymffurfio â gofynion deddfwriaethol ar gyfer sefydlu'r ysgol newydd, sef Ysgol Gynradd Gymraeg Tregeles.

Rhoi ar waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun, 31 Hydref 2022.

Penderfyniad:

Ar ôl rhoi sylw dyladwy i'r Asesiad Effaith Integredig, bod y Polisi Derbyn i Ysgolion Cymunedol 2024/2025, yn cael ei gymeradwyo i ymgynghori arno.

Rheswm dros y Penderfyniad:

Er mwyn i'r cyngor gyflawni'i ddyletswyddau statudol a chanllawiau arfer da mewn perthynas â derbyn disgyblion i ysgolion cymunedol.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun, 31 Hydref 2022.

Ymgynghoriad:

Mae angen ymgynghoriad â chyrff llywodraethu ysgolion cymunedol, cyrff llywodraethu ysgolion a gynorthwyir yn wirfoddol h.y. ysgolion ffydd, a phob awdurdod lleol cyfagos. Yn ogystal, bydd y cyngor yn ymgynghori ar y Fforwm Derbyniadau, a bydd y broses ymgynghori'n dod i ben ar 30 Rhagfyr 2022.

Penderfyniad:

Ar ôl rhoi sylw dyladwy i'r Asesiad Effaith Integredig, bod Atodiad 2 y pecyn adroddiad a gylchredwyd, sef y Strategaeth Cyfranogiad ac Ymgysylltu, yn cael ei gymeradwyo i ymgynghori arno.

Rheswm dros y Penderfyniad:

Er mwyn cwblhau a gwreiddio'r Strategaeth Cyfranogiad ac Ymgysylltu yn dilyn yr ymgynghoriad.

Rhoi ar waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn, a ddaeth i ben am 9.00am ddydd Llun, 31 Hydref 2022.

Ymgynghoriad:

Cynhelir yr ymgynghoriad â'r holl randdeiliaid, gan gynnwys ysgolion, y trydydd sector, gwasanaethau partner, asiantaethau, rhieni/gofalwyr a phlant a phobl ifanc.

Penderfyniad:

Nodir yr adroddiad.

Penderfyniadau:

Ar ôl rhoi sylw dyladwy i'r Asesiad Effaith Integredig, bod y Rhestr o Gontractwyr Cymeradwy yn cael ei newid fel a ganlyn:-

Cwmnïau i'w hychwanegu at y Rhestr o Gontractwyr Cymeradwy.

Mae'r cwmnïau canlynol wedi gwneud cais i gael eu cynnwys ar y rhestr ac wedi pasio'r asesiadau angenrheidiol:-

Cwmnïau categorïau ychwanegol i'w hychwanegu at y Rhestr o Gontractwyr Cymeradwy

Mae'r cwmnïau canlynol wedi gwneud cais i gael eu cynnwys ar y rhestr ar gyfer categorïau ychwanegol ac wedi pasio'r asesiadau angenrheidiol:-

Rheswm dros y Penderfyniad:

Sicrhau bod y Rhestr o Gontractwyr Cymeradwy yn gyfoes, a chyhyd ag y bo modd, sicrhau proses gaffael gystadleuol.

Caiff yr argymhellion hyn eu mabwysiadu at ddiben darparu Rhestr o Gontractwyr Cymeradwy ar gyfer gwahoddiad i dendro yn y categori perthnasol.

Rhoi'r Penderfyniadau ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Penderfyniad:

Ar ôl rhoi sylw dyladwy i'r asesiad effaith integredig, bod y gwrthwynebiadau i'r Gorchymyn (Dirymu) Gwahardd Aros, Llwytho a Dadlwytho Ar Unrhyw Adeg) a (Gwahardd Aros Ar Unrhyw Adeg) 2022 ar gyfer Cei Mariners, Ffordd y Dywysoges Margaret a Heol Victoria, Port Talbot, yn cael eu cefnogi'n rhannol (fel y nodwyd yn Atodiad A i'r adroddiad a gylchredwyd) a bod y cynllun diwygiedig (fel y nodwyd yn Atodiad B i'r adroddiad a gylchredwyd) yn cael ei roi ar waith ar y safle, a  bod y gwrthwynebwyr yn cael eu hysbysu o'r penderfyniad yn unol â hynny.

Rheswm dros y Penderfyniad:

Bydd y gorchymyn rheoleiddio traffig arfaethedig yn hwyluso traffig i deithio'n ddiogel ac yn atal parcio diwahaniaeth er diogelwch ar y ffyrdd.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Penderfyniad:

Ar ôl rhoi sylw dyladwy i'r asesiad effaith integredig, bod cymeradwyaeth yn cael ei roi i hysbysebu'r gorchymyn rheoleiddio traffig oddi ar y stryd ar Iard Mackworth, a'r gorchymyn rheoleiddio traffig ar Ffordd Fairfield mewn cysylltiad â'r Datblygiad Manwerthu a Hamdden newydd yng Nghastell-nedd, (fel y nodwyd yn Atodiad A ac Atodiad B i'r adroddiad a gylchredwyd) ac os na dderbynnir unrhyw wrthwynebiadau, fod y cynigion yn cael eu rhoi ar waith ar y safle fel y'u hysbysebwyd.

Rheswm dros y Penderfyniad:

Bydd y gorchmynion rheoleiddio traffig arfaethedig yn atal parcio diawahaniaeth ac yn hwyluso hynt traffig cerbydau er diogelwch ffyrdd.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Tynnodd swyddogion sylw at y ffaith bod gwall wedi'i gynnwys yn yr adroddiad a gylchredwyd, a chyfeiriwyd ato yn y drafodaeth a gynhaliwyd yng nghyfarfod Pwyllgor Craffu Gwasanaethau'r Amgylchedd, Adfywio a Strydlun, a gynhaliwyd cyn cyfarfod Bwrdd y Cabinet.

Penderfyniadau:

Yn dilyn cynnig Pwyllgor Craffu Gwasanaethau'r Amgylchedd, Adfywio a Strydlun, a gynhaliwyd cyn y cyfarfod hwn, roedd yr Aelodau'n gefnogol o ychwanegu rhif 4 at yr argymhelliad, fel y nodir isod:

Ar ôl rhoi sylw dyledus i gam cyntaf yr Asesiad Effaith Integredig:

1.   Bod y Cyngor yn cymryd rhan ym mhrosiect Y Gofrestr Asedau Tanddaearol Genedlaethol (CATG) ac yn llofnodi'r Cytundeb Dosbarthu Data mewn perthynas ag Opsiwn 2 yn yr adroddiad a gylchredwyd;

2.   Bod Cyfarwyddwr yr Amgylchedd ac Adfywio, mewn ymgynghoriad â Phennaeth y Gwasanaethau Cyfreithiol a Democrataidd, yn cael ei awdurdodi i lofnodi'r Cytundeb Dosbarthu Data ar ran y cyngor;

3.   Petai pwysau refeniw yn deillio o gymryd rhan yn y prosiect mewn perthynas ag Opsiwn 2, byddai angen nodi cyllid o fewn y gyllideb bresennol ar gyfer yr Amgylchedd ac Adfywio petai parhad yn cael ei ystyried yn flaenoriaeth;

4.   Bod adolygiad ar gostau a manteision opsiwn 2, a gynhwysir yn yr adroddiad a gylchredwyd, yn cael ei ddwyn yn ôl i Bwyllgor Craffu Gwasanaethau'r Amgylchedd, Adfywio a Strydlun ym mis Ebrill 2024 sy'n manylu ar barhad posib y cynllun.

Rheswm dros y Penderfyniad:

Penderfynu ar yr ymateb i gais i ymuno â

Chofrestr Asedau Tanddaearol Genedlaethol Llywodraeth y DU.

Rhoi'r Penderfyniadau ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Eglurodd swyddogion fod y trydydd paragraff o dan adran 'Asesiad Effaith Integredig' yr adroddiad a gylchredwyd wedi'i gynnwys trwy gamgymeriad, ac ni ddylid ei ystyried fel rhan o'r adroddiad.

Penderfyniadau:

Ar ôl rhoi sylw dyledus i'r asesiad effaith sgrinio integredig:

1.   Bod cymeradwyaeth yn cael ei rhoi i hysbysebu'r Gorchmynion Rheoleiddio Traffig Terfyn Cyflymder 30mya sy'n gysylltiedig â bwriad Llywodraeth Cymru i gyflwyno terfyn cyflymder diofyn o 20mya yn genedlaethol yn 2023 (fel y nodwyd yn Atodiad A i'r adroddiad a gylchredwyd) yn unol â'r gofynion statudol.

2.   Bod y cynlluniau'n cael eu rhoi ar waith yn unol â'r gofynion statudol perthnasol a gynhwysir yn y Rheoliadau Traffig Ffyrdd cyfredol, ar yr amod na dderbynnir unrhyw wrthwynebiadau. Os bydd unrhyw wrthwynebiadau'n cael eu derbyn mewn perthynas ag unrhyw gynlluniau, adroddir yn ôl am y rhain wrth Fwrdd Gwasanaethau'r Amgylchedd, Adfywio a Strydlun y Cabinet am benderfyniad.

Rheswm dros y Penderfyniad:

Bydd y gorchmynion rheoleiddio traffig arfaethedig yn newid y llwybrau strategol yn ôl i derfyn cyflymder o 30mya ar ôl cyflwyno'r terfyn cyflymder diofyn 20mya yn genedlaethol er mwyn cynnal llif y traffig ar y prif rwydwaith ffyrdd.

Rhoi'r Penderfyniadau ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Penderfynwyd:

Bod yr adroddiad yn cael ei nodi.

Penderfyniad:

Ar ôl rhoi sylw dyledus i'r Asesiad Effaith Sgrinio Integredig, bod Gorchymyn Diddymu llwybr cyhoeddus yn cael ei wneud yn unol ag Adran 118 o Ddeddf Priffyrdd 1980, mewn perthynas â'r llwybr a ddangosir A-B-C-D a ddangosir ar gynllun atodedig yr adroddiad a gylchredwyd. Bod y gorchymyn hwn hefyd yn cael ei gadarnhau fel un diwrthwynebiad os na dderbynnir unrhyw wrthwynebiadau iddo.

Rheswm dros y Penderfyniad:

1.   Mae angen datrys y ffordd y darlunnir llwybr cyhoeddus sy'n rhedeg trwy dai pan fo dewis arall addas yn bodoli.

2.   Ni chafodd y dewis arall a ddarparwyd yn wreiddiol erioed ei wneud yn destun gorchymyn dargyfeirio adeg y datblygiad tai. Ond eto, ers ei gau, does dim galw wedi bod i'w ailagor.

3.   Oherwydd bodolaeth ffyrdd y stad o fewn y datblygiad tai, mae dewis arall addas ar gael trwy'r llwybrau troed sy'n cefnogi'r achos nad oes angen y llwybr A-B-C-D ymhellach.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Penderfyniadau:

Ar ôl rhoi sylw dyledus i'r Asesiad Effaith Sgrinio Integredig:

1.   Bod Gorchymyn Diddymu llwybr cyhoeddus yn cael ei wneud yn unol ag Adran 118 o Ddeddf Priffyrdd 1980, mewn perthynas â'r llwybr a ddangosir A-F-B-B ac F-G-H-I-E a ddangosir ar y cynllun atodedig yn Atodiad 2 o'r adroddiad a gylchredwyd. Bod y gorchymyn hwn hefyd yn cael ei gadarnhau fel un diwrthwynebiad os na dderbynnir unrhyw wrthwynebiadau iddo.

2.   Bod Gorchymyn Creu llwybr cyhoeddus yn cael ei wneud yn unol ag Adran 26 o Ddeddf Priffyrdd 1980, mewn perthynas â'r llwybr a ddangosir fel A-B ac C-D-E a ddangosir ar y cynllun atodedig yn Atodiad 2 yr adroddiad a gylchredwyd. Bod y gorchymyn hwn hefyd yn cael ei gadarnhau fel un diwrthwynebiad os na dderbynnir unrhyw wrthwynebiadau iddo.

Rheswm dros y Penderfyniad:

Gwneir y gorchmynion hyn gan yr ystyrir ei fod yn fuddiol symud cyffordd y tri llwybr hyn o fuarth fferm Gelliwarog a darparu mynediad ffurfiol i'r cyhoedd ar draws y tir yn lle'r hydoedd presennol sydd dan sylw.

Rhoi'r Penderfyniadau ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 1 Tachwedd 2022.

Penderfyniad

Nodi'r adroddiad.

Penderfyniadau

Ar ôl rhoi sylw dyladwy i'r asesiad effaith sgrinio integredig:

1.     Rhoi awdurdod dirprwyedig i Ganol Tref Castell-nedd am flwyddyn yn unol ag adran 101 o Ddeddf Llywodraeth Leol 1972 ac adran 19 o Ddeddf Llywodraeth Leol 2000 i weithredu gwasanaeth prydau cymunedol yng Nghaffi Tref Castell-nedd yn unol â Deddf Iechyd a Gwasanaethau Cymdeithasol a Dyfarniadau Nawdd Cymdeithasol 1983.

2.     Rhoi awdurdod dirprwyedig i'r Pennaeth Gwasanaethau Oedolion mewn ymgynghoriad â'r Pennaeth Gwasanaethau Cyfreithiol a Democrataidd i ymrwymo i gytundeb addas i ddogfennu'r ddirprwyaeth hon.

Rheswm dros y penderfyniad

Byddai methu â rhoi dirprwyaeth yn golygu y byddai darparu gwasanaeth prydau cymunedol yng Nghaffi Tref Castell-nedd yn dod i ben.

Rhoi'r Penderfyniad ar Waith

Cynigir rhoi'r penderfyniad ar waith ar ôl y cyfnod tri diwrnod galw i mewn sy'n dod i ben ar 15 Hydref 2022.

Penderfyniad

Ar ôl rhoi sylw dyledus i'r asesiad effaith sgrinio integredig.

1.     Rhoi awdurdod dirprwyedig i'r Cyfarwyddwr Gofal Cymdeithasol, Iechyd a Thai i gwblhau'r trafodaethau â Grŵp Pobl i ymestyn y contract presennol mewn perthynas â Threm y Glyn am gyfnod o 12 mis, gan gynnwys cytuno'r cyfraddau contract diwygiedig.

2.     Rhoi awdurdod dirprwyedig i'r Cyfarwyddwr Gofal Cymdeithasol, Iechyd a Thai i atal gofynion Rheolau Gweithdrefnau Contractau'r cyngor dan reol 5, yn enwedig y gofyniad am gystadleuaeth.

3.     Ar ddiwedd y trafodaethau hyn, ymrwymo i Weithred Amrywio i ymestyn cyfnod y contract am gyfnod pellach o 12 mis, gyda'r costau terfynol yn cael eu hadrodd yn ôl i'r Cabinet at ddibenion gwybodaeth.

4.     Cyflwyno strategaeth ar gyfer gwasanaethau pobl hŷn ym mis Medi 2023 er mwyn i'r Aelodau wneud penderfyniad gwybodus ar Drem y Glyn ar ôl mis Mawrth 2024.

Rheswm dros y penderfyniad

Sicrhau digonolrwydd gofal yng Nghastell-nedd Port Talbot.

Rhoi'r Penderfyniad ar Waith

Cynigir rhoi'r penderfyniad ar waith ar ôl y cyfnod tri diwrnod galw i mewn a ddaeth i ben ar 15 Hydref 2022.

 Penderfyniad

1.     Cymeradwyo a chyhoeddi Adroddiad ar Sefydlogrwydd Marchnad Rhanbarthol Gorllewin Morgannwg.

2.     Cymeradwyo a chyhoeddi Adroddiad ar Sefydlogrwydd Marchnad Castell-nedd Port Talbot.

Rhesymau dros y penderfyniad

Cefnogi'r gwaith o gynllunio a chomisiynu gwasanaethau a sicrhau cydymffurfiaeth ag Adran 144B o Ddeddf Gwasanaethau Cymdeithasol a Llesiant (Cymru) 2014 a'r Trefniadau Partneriaeth (Diwygio), Tudalen 272

a Rheoliadau Gwasanaethau Rheoleiddiedig (Adroddiadau ar Sefydlogrwydd y Farchnad) (Cymru) 2021.

Rhoi'r Penderfyniad ar Waith

Caiff y penderfyniad ei roi ar waith ar ôl y cyfnod tri diwrnod galw i mewn sy'n dod i ben ar 15 Hydref 2022.

Penderfyniadau

Ar ôl rhoi sylw dyledus i'r Asesiad Effaith Integredig, rhoi cymeradwyaeth i Swyddogion weithredu a chyhoeddi Strategaeth y Rhaglen Cymorth Tai fel y nodir yn Atodiad 1 yr adroddiad a ddosbarthwyd.

Rheswm dros y penderfyniad

Sicrhau bod amrywiaeth o gymorth sy'n gysylltiedig â thai o ansawdd da ar gael i ddiwallu anghenion preswylwyr Castell-nedd Port Talbot a bod y cyngor yn cydymffurfio â Rhan 2 o Ddeddf Tai (Cymru) 2014.

Rhoi'r Penderfyniad ar Waith

Caiff y penderfyniad ei roi ar waith ar ôl y cyfnod tri diwrnod galw i mewn sy'n dod i ben ar 15 Hydref 2022.

Penderfyniadau

Ar ôl rhoi sylw dyladwy i'r asesiad effaith integredig:

1.     Rhoi awdurdod dirprwyedig i‘r Pennaeth Gwasanaethau Oedolion i ddyrannu £240,000 o gyllid a ddarperir drwy grant Llywodraeth Cymru er mwyn cefnogi darparwyr gofal cartref a gomisiynwyd i gynyddu cyfraddau milltiredd ar gyfer eu gweithluoedd.

2.     Rhoi awdurdod dirprwyedig i’r Pennaeth Gwasanaethau Oedolion i ddefnyddio £210,000 o'r grant gan Lywodraeth Cymru sydd ar gael ar gyfer prynu ceir trydan, pwyntiau gwefru ar gyfer cerbydau trydan a gosod pwyntiau gwefru ar gyfer cerbydau trydan ac at ddefnydd Tîm Lles Cymunedol y cyngor i'w rhannu.

Rheswm dros y penderfyniad:

Fel bod y cyngor yn gallu dosbarthu'r grant a oedd ar gael mewn ffordd sy'n cefnogi'r farchnad gofal cartref orau.

Rhoi'r Penderfyniad ar Waith

Caiff y penderfyniad ei roi ar waith ar ôl y cyfnod tri diwrnod galw i mewn

sy'n dod i ben 15 Hydref 2022.

Penderfyniadau

Ar ôl rhoi sylw dyledus i'r Asesiad Effaith Integredig, cymeradwyo Cynllun Ailgartrefu Cyflym Cyngor Bwrdeistref Sirol Castell-nedd Port Talbot fel y nodir yn Atodiad 2.

Rheswm dros y penderfyniad:

Er mwyn cydymffurfio â gofynion Llywodraeth Cymru;

Er mwyn gwella ein hymateb i ddigartrefedd, gan ddarparu gwasanaeth mwy effeithiol i sicrhau bod digartrefedd yn "brin, yn fyr ac yn brofiad na chaiff ei ailadrodd";

I gefnogi staff sy'n gweithio mewn amgylchiadau heriol; ac

er mwyn sicrhau bod gan bawb sy'n ddigartref y llety a'r gefnogaeth sydd eu hangen arnynt i fyw bywydau cadarnhaol yn ein cymunedau.

Rhoi'r Penderfyniad ar Waith:

Cynigir rhoi'r penderfyniad ar waith ar ôl y cyfnod tri diwrnod galw i mewn a ddaeth i ben ar 15 Hydref 2022.

Penderfyniad

Nodi'r adroddiad.

Penderfyniadau

Ar ôl rhoi sylw dyladwy i'r asesiad effaith sgrinio integredig:

1.     Cymeradwyo rhoi dirprwyaeth blwyddyn i Gyngor Tref Llansawel yn unol ag adran 101 o Ddeddf Llywodraeth Leol 1972 ac adran 19 o Ddeddf Llywodraeth Leol 2000 i weithredu gwasanaeth prydau cymunedol yn Liberty Hall, Llansawel. Yn unol â Deddf Iechyd a Gwasanaethau Cymdeithasol a Dyfarniadau Nawdd Cymdeithasol 1983.

2.     Rhoi awdurdod dirprwyedig i'r Pennaeth Gwasanaethau Oedolion mewn ymgynghoriad â'r Pennaeth Gwasanaethau Cyfreithiol a Democrataidd i ymrwymo i gytundeb addas i ddogfennu'r ddirprwyaeth hon.

Rheswm dros y penderfyniad

Byddai methu â rhoi dirprwyaeth yn golygu y byddai darparu gwasanaeth prydau cymunedol yn Liberty Hall, Llansawel yn dod i ben.

Rhoi'r Penderfyniad ar Waith

Caiff y penderfyniad ei roi ar waith ar ôl y cyfnod tri diwrnod galw i mewn sy'n dod i ben ar 15 Hydref 2022.

Penderfyniad:

Ar ôl rhoi sylw dyladwy i'r Asesiad Effaith Integredig, caiff y Cynllun Cyfiawnder Ieuenctid ac Ymyrryd yn Gynnar Drafft Castell-nedd Port Talbot 2022/23 ei gyflwyno i'r cyngor i'w gymeradwyo.

Rheswm dros y Penderfyniad:

Galluogi Gwasanaeth Cyfiawnder Ieuenctid Castell-nedd Port Talbot (Ymyrryd yn Gynnar ac Atal) ar ran Cyngor Castell-nedd Port Talbot i ymgymryd â'i ddyletswyddau i ddarparu gwasanaethau cyfiawnder ieuenctid yn unol â Deddf Trosedd ac Anhrefn 1998.

Rhoi'r Penderfyniad ar Waith:

Cynigir rhoi'r penderfyniad ar waith ar ôl y cyfnod tri diwrnod galw i mewn sy'n dod i ben ar 15 Hydref 2022.