Penderfyniadau

Gyda chytundeb y Cadeirydd, symudwyd yr eitem hon o sesiwn breifat i un gyhoeddus (ac eithrio atodiadau B ac C sy'n aros yn eithriedig o dan baragraffau 13, 14 a 15).

Penderfyniadau:

1.           Mewn perthynas â'r ymgynghoriadau a gwblhawyd, gadarnhau'r penderfyniad mewn egwyddor blaenorol i newid y Ganolfan Adfer Deunyddiau ac Ynni (CADY) yn orsaf drosglwyddo a fydd yn gallu ailgylchu rhagor o ddeunydd;

2.           Cyflwyno strwythur diwygiedig i'r Pwyllgor Personél mewn perthynas â staff er mwyn gweithredu gorsaf drosglwyddo a fydd yn gallu ailgylchu rhagor o ddeunydd, er mwyn iddo benderfynu arno, a darparu hysbysiadau o newid a/neu golli swyddi fel y'u hystyrir yn briodol gan y Pwyllgor Personél (bydd Amodau a Thelerau Llywodraeth Leol yn berthnasol i unrhyw rolau newydd).

3.           Nodi gofynion cyfalaf a chymeradwyo dyrannu £5.55m o raglen gyfalaf y cyngor, gan gynnwys cronfa wrth gefn;

4.           Rhoi awdurdod dirprwyedig i'r Pennaeth Gofal Strydoedd i amrywio'r hawlen amgylcheddol yn unol â'r newid i'r gwasanaeth;

5.           Rhoi awdurdod dirprwyedig i'r Pennaeth Gofal Strydoedd a Phennaeth y Gwasanaethau Cyfreithiol i ymgymryd ag ymarfer caffael ar gyfer contract trin gwastraff gweddilliol am hyd at 5 mlynedd, ac i wneud unrhyw drefniadau sy'n briodol er mwyn hwyluso'r ymarfer caffael hwn a dyfarnu'r contract i'r cynigiwr sy'n sgorio uchaf;

6.           Bydd y Pennaeth Gofal Strydoedd yn ymchwilio i ddichonoldeb a manteision ail-leoli cerbydlu casglu gwastraff ac ailgylchu'r cyngor i'r Orsaf Drosglwyddo, ac yn adrodd yn briodol wrth yr Aelodau am ganfyddiadau er mwyn cael penderfyniad pellach.

Rheswm dros y penderfyniad:

Penderfynu ar ddyfodol y CADY, mewn perthynas â'r newidiadau y cytunwyd arnynt yn flaenorol mewn egwyddor, ac sy'n destun ymgynghoriad. Bydd y cyfeiriad teithio ar gyfer gwastraff gweddilliol yn parhau ar duedd am i lawr wrth i ailddefnyddio ac ailgylchu etc. barhau i gynyddu. Ni fydd y trefniadau gwasanaeth presennol felly'n cyd-fynd â'r cyd-destun rheoli gwastraff sy'n datblygu os na wneir newidiadau.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Ymgynghoriad:

Mae'r eitem hon wedi bod yn destun ymgynghoriad â staff.

Gobeithiwyd y byddai rhagor o gyllid ar gael gan Lywodraeth Cymru drwy gydol y flwyddyn o ganlyniad i'r costau cynyddol a gafwyd yn ystod pandemig COVID-19. Nododd yr aelodau y byddai costau ychwanegol pellach wrth i'r cyfyngiadau symud gael eu llacio a dod i ben ar draws y wlad.

Penderfyniadau:

1.           Cymeradwyo'r trosglwyddiadau a'r symudiadau o ran arian wrth gefn a gynigir, fel y nodwyd yn yr adroddiad a ddosbarthwyd.

2.           Nodi'r materion gweithredol ac ariannol a ddisgrifir yn yr adroddiad a ddosbarthwyd.

3.           Bydd y cyngor yn parhau i weithio gyda Llywodraeth Cymru ac yn unol â deddfwriaeth, rheoliadau a chyfeiriadau, i gyflwyno gwasanaethau yn ystod yr adeg heriol hon.

4.           Nodi'r grantiau ychwanegol a dderbyniwyd.

5.           Bydd y cyngor yn parhau i geisio arian ychwanegol gan Lywodraeth Cymru i dalu am ganlyniadau COVID-19 sef gwariant uwch, colli incwm, cost gynyddol Cymorth Treth y Cyngor a diffygion o ran casglu trethi, sy'n effeithio'n andwyol ar gyllid a gweithgarwch y cyngor.

Rheswm dros y penderfyniad:

Diweddaru Cyllideb y cyngor ar gyfer 2020/21 a hysbysu'r Aelodau o'r risgiau ariannol sy'n codi o COVID-19.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Yn dilyn sylwadau ychwanegol gan y Bwrdd Iechyd, ychwanegwyd argymhelliad arall gan swyddogion yn ystod y cyfarfod, a chytunodd yr Aelodau arno (penderfyniad 2 isod):

Penderfyniadau:

1.           Cymeradwyo'r Strategaeth Perthnasoedd Iach ar gyfer Cymunedau Cryfach' - ymateb ar y cyd y cyngor a'r Bwrdd Iechyd i Ddeddf Trais yn erbyn Menywod, Cam-drin Domestig a Thrais Rhywiol (Cymru) 2015.

2.           Rhoi awdurdod dirprwyedig i Aelod y Cabinet dros Ddiogelwch Cymunedol a Diogelu'r Cyhoedd i gytuno ar unrhyw fân newidiadau terfynol i'r strategaeth cyn ei chyhoeddi.

Rheswm dros y penderfyniad:

Cymeradwyo'r strategaeth yn ffurfiol a sicrhau bod y cyngor yn cydymffurfio â'r dyletswyddau o dan adran 5 (1) Deddf Trais yn erbyn Menywod, Cam-drin Domestig a Thrais Rhywiol (Cymru) 2015.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Ymgynghoriad:

Mae'r eitem hon wedi bod yn destun ymgynghoriad allanol.

Penderfyniad:

Rhoi cymeradwyaeth i hysbysebu Gorchymyn Gwahardd Aros, 8am i 6pm 2020 ar gyfer Evelyn Terrace a Manor Street, Port Talbot, 2020 (fel y nodwyd yn Atodiad A yr adroddiad a ddosbarthwyd) ac os na dderbynnir unrhyw wrthwynebiadau, rhoi'r cynigion ar waith ar y safle fel y'u hysbysebwyd. 

Rheswm dros y penderfyniad:

Atal parcio diwahaniaeth er diogelwch y briffordd.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Bydd yr eitem hon yn destun ymgynghoriad allanol.

Penderfyniad:

Rhoi cymeradwyaeth i hysbysebu Gorchymyn Gwahardd Aros, dydd Llun i ddydd Gwener, 8am i 6pm, 2020 ar gyfer Cyncoed Road a Bertha Road, Margam, (fel y nodwyd yn Atodiad A yr adroddiad a ddosbarthwyd) ac os na dderbynnir unrhyw wrthwynebiadau, rhoi'r cynigion ar waith ar y safle fel y'u hysbysebwyd. 

Rheswm dros y penderfyniad:

Atal parcio diwahaniaeth er diogelwch y briffordd.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Bydd yr eitem hon yn destun ymgynghoriad allanol.

Penderfyniad:

Gwrthod y gwrthwynebiad i'r Gorchymyn (Arbrofol er mwyn Gwahardd Gyrru) 2019 ar gyfer y ffordd ger 63 a 65 Beechwood Road, Margam, Port Talbot, a gwneud y Gorchymyn yn Arbrofol yn barhaol fel yr hysbysebwyd, a hysbysu'r gwrthwynebydd yn briodol.

Rheswm dros y penderfyniad:

Atal mynediad i draffig cerbydau er mwyn diogelu plant ysgol er diogelwch y ffordd.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Mae'r eitem hon wedi bod yn destun ymgynghoriad allanol.

Penderfyniad:

Gwrthod y gwrthwynebiadau i Orchymyn (Gwahardd Aros, Llwytho neu Ddadlwytho ar Unrhyw Adeg) (Arhosiad cyfyngedig) a (Deiliaid Hawlen i Breswylwyr) 2020 (fel y nodwyd yn Atodiad A i'r adroddiad a ddosbarthwyd) ar gyfer Ormond Street,  Ymysmaerdy Road ac Old Road, Llansawel, Castell-nedd, a rhoi'r Gorchymyn Rheoleiddio Traffig ar waith fel y'i hysbysebwyd.

Rheswm dros y penderfyniad:

Atal parcio diwahaniaeth er diogelwch y briffordd a darparu cynllun parcio i breswylwyr yn unig yn unol â pholisi parcio i breswylwyr presennol y cyngor.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Mae'r eitem hon wedi bod yn destun ymgynghoriad allanol.

Penderfyniadau:

1.           Bydd y cyngor yn ymgymryd ag ymarfer ymgynghori cyhoeddus ar gynnig i estyn y Gorchmynion Diogelu Mannau Cyhoeddus yn Nhraeth Aberafan.

2.           Ar ôl cwblhau'r ymgynghoriad, cyflwynir adroddiad pellach a fydd yn cynnwys crynodeb o'r ymatebion a'r argymhellion, er mwyn penderfynu arno

Rheswm dros y penderfyniad:

Sicrhau bod y Gorchmynion Diogelu Mannau Cyhoeddus sy'n gweithredu’n dymhorol yn Nhraeth Aberafan ar hyn o bryd yn cael eu hadolygu'n amserol fel y gellir eu hestyn os oes angen.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Ymgynghoriad:

Bydd yr eitem hon yn destun ymgynghoriad allanol.

Penderfyniadau:

Argymell yr argymhellion canlynol i'r cyngor i'w cymeradwyo:

1.           Cytuno ar yr ymatebion a'r argymhellion a wnaed i'r sylwadau a dderbyniwyd ac fel y nodwyd yn Atodiad 1 yr adroddiad a ddosbarthwyd.

2.           Cytuno ar yr Adroddiad Adolygu terfynol fel y nodwyd yn Atodiad 2 i'r adroddiad a ddosbarthwyd.

Rheswm dros y penderfyniad:

Sicrhau y cydymffurfir ag Adran 69 Deddf Cynllunio a Phrynu Gorfodol 2004; Rheoliadau Cynllunio Gwlad a Thref (Cynllun Datblygu Lleol) (Cymru) (Diwygio) 2015; a Llawlyfr Cynlluniau Datblygu (Rhifyn 3) 2020, ac i sicrhau y rhoddir y gweithdrefnau mabwysiadu a chyhoeddi ar waith fel y'u nodir yn yr adroddiad.

Rhoi Penderfyniadau ar Waith:

Rhoddir y penderfyniadau ar waith ar ôl i'r cyngor eu cymeradwyo.

Ymgynghoriad:

Mae'r eitem hon wedi bod yn destun ymgynghoriad allanol.

Penderfyniad:

Cytuno ar feini prawf diwygiedig Cronfa Gymunedol yr Aelodau, fel y nodwyd yn yr adroddiad a ddosbarthwyd.

Rheswm dros y penderfyniad:

Hwyluso llywodraethu a chyflwyno Cronfa'r Aelodau yn ei ail dymor

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.