Penderfyniadau

Penderfyniadau:

Bod y strategaethau a'r polisïau canlynol, fel y nodwyd yn yr adroddiad a ddosbarthwyd, yn cael eu cyflwyno i'r cyngor i'w cymeradwyo:

·        Strategaeth Rheoli'r Trysorlys

·        Strategaeth Buddsoddi Flynyddol

·        Polisi Darpariaeth Isafswm Refeniw

·        Dangosyddion Darbodus

Rheswm dros y Penderfyniad:

Cymeradwyo Strategaeth Rheoli'r Trysorlys, Strategaeth Buddsoddi Flynyddol, Strategaeth Gyfalaf a Pholisi Darpariaeth Isafswm Refeniw yr awdurdod fel sy'n ofynnol gan Ddeddf Llywodraeth Leol 2003 a Chôd Darbodus Sefydliad Siartredig Cyllid Cyhoeddus a Chyfrifyddiaeth ar gyfer Cyllid Cyfalaf mewn Awdurdodau Lleol (2017).

Rhoi'r Penderfyniadau ar Waith:

Rhoddir y penderfyniad ar waith ar ôl ymgynghori â Phwyllgor Craffu'r Cabinet ac wedi i benderfyniad gael ei wneud gan y cyngor.

Penderfyniadau:

Bod y canlynol yn cael ei argymell i'r cyngor i'w cymeradwyo:

·        Y Strategaeth Gyfalaf

·        Y Rhaglen Gyfalaf ar gyfer 2023/2024 i 2025/2026 fel y nodir yn Atodiad 2 yr adroddiad hwn.

·        Y trefniadau dirprwyo fel y nodir yn yr adroddiad a ddosbarthwyd.

Rheswm dros y Penderfyniad:

Cymeradwyo Rhaglen Gyfalaf yr Awdurdod yn unol â'r Cyfansoddiad.

Rhoi'r Penderfyniadau ar Waith:

Caiff y penderfyniad ei roi ar waith ar ôl iddo gael ei ystyried a'i gymeradwyo gan y cyngor.

Penderfyniadau:

Ar ôl rhoi sylw dyladwy i'r asesiad effaith integredig:

1.   Bod y Gyllideb Refeniw ar gyfer 2023/2024 fel y nodir yn Atodiad 1 yr adroddiad a ddosbarthwyd, yn cael ei gymeradwyo.

2.   Bod ffïoedd a thaliadau ar gyfer swyddogaethau gweithredol yn cael eu dirprwyo i'r Cyfarwyddwr Corfforaethol priodol yn dilyn ymgynghoriad ag Arweinydd y Cyngor, yr Aelod Cabinet perthnasol, a Chadeirydd y Pwyllgor Craffu perthnasol a

bod angen pennu ffïoedd a thaliadau ar gyfer swyddogaethau gweithredol sy'n berthnasol ar gyfer y flwyddyn ariannol 2023/2024 sy'n berthnasol mewn unrhyw flwyddyn ariannol ddilynol, ym marn y Cyfarwyddwr Corfforaethol perthnasol, cyn y flwyddyn ariannol am resymau gweithredol.

3.   Bod y ffïoedd a thaliadau ar gyfer swyddogaethau anweithredol yn cael eu dirprwyo i'r Cyfarwyddwr Corfforaethol priodol yn dilyn ymgynghoriad ag Arweinydd y Cyngor, y Dirprwy Arweinydd a Chadeirydd y Pwyllgor Anweithredol perthnasol a

bod angen pennu ffïoedd a thaliadau ar gyfer swyddogaethau anweithredol sy'n berthnasol ar gyfer unrhyw flwyddyn ariannol ddilynol ac, ym marn y Cyfarwyddwr Corfforaethol, cyn y flwyddyn ariannol honno am resymau gweithredol.

4.   Bod awdurdod dirprwyedig yn cael ei roi i'r Prif Swyddog Cyllid, mewn ymgynghoriad â'r Prif Weithredwr, yr Arweinydd ac Aelod y Cabinet dros Gyllid, Perfformiad a Chyfiawnder Cymdeithasol i wneud unrhyw welliant angenrheidiol drwy ddefnyddio cronfeydd wrth gefn cyffredinol o ganlyniad i unrhyw amrywiad rhwng taliad terfynol Llywodraeth Cymru a'r taliad dros dro.

5.   Bod Treth y Cyngor yn cynyddu 4.5% yn 2023/2024. Bod y swm cyfatebol ar gyfer Band D Treth y Cyngor 1,737.72/2021 Cyngor Bwrdeistref Sirol Castell-nedd Port Talbot o £1,737.72, yn cael ei argymell i'r cyngor i'w gymeradwyo.

Rheswm dros y Penderfyniad

Er mwyn cyflawni'r gofyniad statudol i bennu’r gyllideb ar gyfer 2022/2023.

Darparu dull ar gyfer ymdrin ag unrhyw amrywiad rhwng setliadau dros dro a therfynol Llywodraeth Cymru.

Cytuno ar drefniadau ar gyfer gosod ffïoedd a thaliadau.

Rhoi'r Penderfyniadau ar Waith:

Caiff y penderfyniad ei roi ar waith ar ôl iddo gael ei ystyried a'i gymeradwyo gan y cyngor.

Penderfyniad:

Bod yr adroddiad monitro yn cael ei nodi.

Penderfyniad:

Bod y Polisi Rheoli Risgiau Corfforaethol diwygiedig, fel y nodir yn yr adroddiad a ddosbarthwyd, yn cael ei gymeradwyo.

Rheswm dros y penderfyniad:

Er mwyn cefnogi'r cyngor wrth gyflawni ei ddyletswydd i fod yn effeithlon, yn dryloyw ac yn atebol i bobl leol a chynnal safonau uchel o lywodraethu corfforaethol.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod tri diwrnod galw i mewn.

Penderfyniad:

Bod yr ymateb drafft, fel y nodir yn Atodiad 1 i'r adroddiad a ddosbarthwyd, yn cael ei gymeradwyo, a bod awdurdod dirprwyedig yn cael ei roi i'r Prif Weithredwr i gyflwyno’i ymateb ar ran Cyngor Bwrdeistref Sirol Castell-nedd Port Talbot.

Rheswm dros y penderfyniad:

Er mwyn ymateb i ymgynghoriad agored Llywodraeth Cymru ar Reolau drafft Etholiadau Lleol (Prif Ardaloedd) (Pleidlais Sengl Drosglwyddadwy) (Cymru) 2023

Rhoi'r Penderfyniad ar Waith:

Cytunodd y Cadeirydd Craffu y gellid rhoi'r eitem hon ar waith ar unwaith. Ni fyddai unrhyw gyfnod galw i mewn ar gyfer yr eitem hon.

Penderfyniad:

Bod yr adroddiad yn cael ei nodi.

Penderfyniadau:

1.           Bod cymeradwyaeth yn cael ei rhoi i gynnal ymgynghoriad cyhoeddus ar gyfer Strategaeth Hybu'r Gymraeg (yn atodedig yn Atodiad 2 i'r adroddiad a ddosbarthwyd) am gyfnod o 4 wythnos.

2.           Bod yr ymatebion i'r ymgynghoriad yn cael eu hystyried gan Grŵp Tasg a Gorffen Strategaeth Hybu'r Gymraeg a bod copi terfynol Strategaeth Hybu'r Gymraeg yn cael ei gyflwyno i'r Cabinet am benderfyniad.

Rhesymau dros y Penderfyniadau:

Er mwyn sicrhau bod Castell-nedd Port Talbot yn cydymffurfio â Rheoliadau Safonau’r Gymraeg (Rhif 1) 2015.

Rhoi'r Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Ymgynghoriad:

Bydd yr eitem hon yn destun ymgynghoriad allanol.

Tynnwyd yr eitem hon oddi ar agenda cyfarfod heddiw gan fod y fersiwn anghywir o'r Adroddiad Ymgynghori wedi'i dosbarthu. Byddai'r strategaeth yn cael ei hailgyflwyno i'r Cabinet ar ddyddiad diweddarach.

Derbyniodd yr aelodau gopi o'r adroddiad a baratowyd gan y Grŵp Tasg a Gorffen Gwastraff a gymeradwywyd gan y Pwyllgor Craffu ar  Wasanaethau'r Amgylchedd, Adfywio a Strydlun.

Penderfyniad:

Paratoi adroddiad ar gyfer y Pwyllgor Craffu ar Wasanaethau'r Amgylchedd, Adfywio a Strydlun sy'n cynnwys ymateb Bwrdd y Cabinet i'r materion a godwyd.

Rheswm dros y Penderfyniad:

I helpu'r cyngor i gyrraedd y targed ailgylchu statudol nesaf, sef 70% yn 2024/25.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyniad:

Ar ôl rhoi sylw dyledus i'r asesiad effaith integredig, cymeradwyo hysbysebu’r croesfan toucan uchel arfaethedig, gorchmynion rheoleiddio traffig a mesurau tawelu traffig (fel y nodwyd yn Atodiad A ac Atodiad B i'r adroddiad a ddosbarthwyd) ac os na dderbynnir unrhyw wrthwynebiadau, dylid rhoi'r cynigion ar waith ar y safle fel y'u hysbysebir.

Rheswm dros y penderfyniad:

1.           Bydd y groesfan toucan uchel arfaethedig yn darparu man croesi diogel i gerddwyr a beicwyr er budd diogelwch ffyrdd.

2.           Bydd y mesurau tawelu traffig arfaethedig yn arafu traffig cerbydau ac mae eu hangen er budd diogelwch ffyrdd.

3.           Bydd y gorchmynion rheoleiddio traffig arfaethedig yn atal parcio diawahaniaeth ac yn hwyluso hynt traffig cerbydau er diogelwch ffyrdd.

Rhoi'r Penderfyniad ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Ymgynghoriad:

Ymgymerir ag ymarfer ymgynghori pan gaiff y cynllun ei hysbysebu.

Penderfyniad:

Ar ôl rhoi sylw dyladwy i'r asesiad effaith integredig, rhoddir cymeradwyaeth i hysbysebu'r cyfyngiadau 'Gwahardd Aros, Llwytho a Dadlwytho ar Unrhyw Adeg' (fel y manylir yn Atodiad A i'r adroddiad cylchredeg) ac os na chaiff unrhyw wrthwynebiadau eu derbyn, gweithredir y cynigion ar y safle fel y'u hysbysebir.

Rheswm dros y Penderfyniad:

Er mwyn atal parcio diwahaniaeth wrth gyffyrdd er budd diogelwch ffyrdd gan sicrhau digon o allu i symud a mynediad ar gyfer cerbydau casglu gwastraff/sbwriel.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Ymgymerir ag ymarfer ymgynghori pan gaiff y cynlluniau eu hysbysebu.

Penderfyniad:

Ar ôl rhoi sylw dyledus i'r asesiad effaith integredig, diystyru'r gwrthwynebiad i'r B4242 Heol Pont-nedd-fechan, Glyn-nedd (Dirymiad) a (Terfyn Cyflymder 30mya) - Gorchymyn 2022 (fel y manylir yn Atodiad A i'r adroddiad a ddosbarthwyd), rhoi'r cynllun ar waith fel y'i hysbysebir, a hysbysu’r gwrthwynebydd am y penderfyniad yn unol â hynny.

Rheswm dros y Penderfyniad:

Mae angen y Gorchymyn i gynnal y terfyn cyflymder presennol o 30mya ar y B4242 Heol Pont-nedd-fechan, Glyn-nedd o fewn y fwrdeistref wedi i Lywodraeth Cymru basio deddfwriaeth i roi terfyn cyflymder diofyn o 20mya mewn ardaloedd trefol ar waith ledled Cymru er diogelwch ffyrdd.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Mae'r eitem hon wedi bod yn destun ymgynghoriad allanol.

Penderfyniad:

Ar ôl rhoi sylw dyledus i'r asesiad effaith integredig, cymeradwyo hysbysebu gorchmynion rheoleiddio traffig Lleoedd Parcio Unigol i'r Anabl, ar gyfer y lleoliadau amrywiol, fel y nodwyd yn Atodiad A i'r adroddiad a ddosbarthwyd, ac os na dderbynnir unrhyw wrthwynebiadau, rhoi'r cynigion ar waith ar y safle fel y'u hysbysebir.

Rheswm dros y Penderfyniad:

Mae angen y lleoedd parcio unigol i'r anabl oherwydd mae'r preswylwyr yn bodloni'r holl feini prawf y mae eu hangen ar gyfer lleoedd parcio unigol i'r anabl, i'w gosod mewn lleoliadau amrywiol ar draws y Fwrdeistref.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Ymgymerir ag ymarfer ymgynghori pan gaiff pob cynllun ei hysbysebu.

Penderfyniadau:

1.           Ar ôl rhoi sylw dyledus i'r asesiad effaith integredig, cymeradwyo hysbysebu'r Gorchmynion Rheoleiddio Traffig Terfyn Cyflymder 30 mya sy'n gysylltiedig â Ffordd Amazon, ac unrhyw Eithriadau Terfyn Cyflymder 30 mya ychwanegol y mae eu hangen o fewn ardal weinyddol Cyngor Bwrdeistref Sirol Castell-nedd Port Talbot sy'n gysylltiedig â Chyflwyno Terfyn Cyflymder Diofyn 20mya Llywodraeth Cymru 2023 (fel y nodir yn Atodiad A ac Atodiad B i'r adroddiad a ddosbarthwyd) yn unol â'r gofynion statudol.

2.           Rhoi'r cynlluniau ar waith yn unol â'r gofynion statudol perthnasol sydd wedi'u cynnwys o fewn Rheoliadau Traffig y Ffordd presennol, os na cheir unrhyw wrthwynebiadau, ac os bydd unrhyw wrthwynebiadau yn cael eu derbyn mewn perthynas ag unrhyw gynlluniau, bydd y rhain yn cael eu hadrodd yn ôl i Fwrdd Gwasanaethau'r Amgylchedd, Adfywio a Strydlun y Cabinet am benderfyniad.

Rhesymau dros y Penderfyniadau:

Bydd y gorchmynion rheoleiddio traffig arfaethedig yn newid y llwybrau strategol yn ôl i derfyn cyflymder o 30mya ar ôl cyflwyno'r terfyn cyflymder diofyn 20mya yn genedlaethol er mwyn cynnal llif y traffig ar y prif rwydwaith ffyrdd.

Rhoi'r Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Ymgynghoriad:

Ymgymerir ag ymarfer ymgynghori pan gaiff y cynllun ei hysbysebu.

Penderfyniad:

Ar ôl rhoi sylw dyledus i'r asesiad effaith integredig, rhoi'r C250 o Gymer i Lyncorrwg (Dirymiad) a (Terfyn Cyflymder 30mya) - Gorchymyn 2022 (fel y manylir yn Atodiad A i'r adroddiad a ddosbarthwyd) ar waith fel y'i hysbysebir, diystyru'r gwrthwynebiad, a hysbysu'r gwrthwynebydd yn unol â hynny.

Rheswm dros y Penderfyniad:

Mae angen y Gorchymyn i gynnal y terfyn cyflymder presennol o 30mya ar rannau o'r C250 o'r Cymer i Lyncorrwg o fewn y fwrdeistref wedi i Lywodraeth Cymru basio deddfwriaeth i roi terfyn cyflymder diofyn o 20mya mewn ardaloedd trefol ar waith ledled Cymru er diogelwch ffyrdd.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Mae'r eitem hon wedi bod yn destun ymgynghoriad allanol.

Derbyniwyd diwygiadau awgrymedig i argymhellion Swyddogion gan y Pwyllgor Craffu blaenorol, fel y nodwyd isod mewn teip trwm:

1.           Bod Aelodau'n cymeradwyo prynu'r cerbydau heb allyriadau yn y Rhaglen Caffael Cerbydau/Peiriannau arfaethedig ar gyfer 2023/24 fel y nodir yn atodiad A.

2.           Rhoi Awdurdod Dirprwyedig i'r Pennaeth Gwasanaeth mewn ymgynghoriad ag Aelod y Cabinet dros Gynllunio Strategol, Trafnidiaeth a Chysylltedd i brynu unrhyw gerbydau heb allyriadau er mwyn sicrhau argaeledd arian grant a all fod ar gael i gynorthwyo gyda chost prynu'r cerbydau.

3.           Bod prynu cerbydau sy'n cael eu pweru gan danwyddau ffosil, sydd wedi'u cynnwys yn atodiad A, ac unrhyw gerbydau ychwanegol, yn destun adroddiadau pellach i fwrdd y cabinet i'w cymeradwyo, gyda chyfiawnhad o ran pam nad oes modd prynu dewis arall heb allyriadau.

Ar ôl derbyn cyngor gan swyddogion, nododd Aelodau'r Cabinet nad oedd rhai cerbydau arbenigol (fel cerbydau JCB) ar gael ar hyn o bryd fel amrywiolion heb allyriadau. Eglurodd swyddogion y byddai derbyn argymhellion y Pwyllgorau Craffu yn niweidiol i gyflwyno gwasanaethau, ac y byddai'n ychwanegu cryn oedi i'r rhaglen gaffael. Am y rhesymau hyn, ac er bod Aelodau'r Cabinet yn deall pryderon y Pwyllgor Craffu, dewisodd Bwrdd y Cabinet beidio â chefnogi'r diwygiadau a wnaed gan y Pwyllgor Craffu.

Penderfyniadau:

Ar ôl rhoi sylw dyledus i'r Asesiad Effaith Integredig -

1.           Cymeradwyo'r Rhaglen Caffael Cerbydau/Peiriannau ar gyfer 2023/24, fel y nodir yn atodiad A i'r adroddiad a ddosbarthwyd.

2.           Rhoi'r Awdurdod Dirprwyedig i'r Pennaeth Peirianneg a Thrafnidiaeth mewn ymgynghoriad ag Aelod y Cabinet dros Gynllunio Strategol, Trafnidiaeth a Chysylltedd i brynu unrhyw gerbydau er mwyn sicrhau argaeledd arian grant a all fod ar gael i gynorthwyo gyda chost prynu'r cerbydau.

Rhesymau dros y Penderfyniadau:

1.           Bydd y cerbydau a'r peiriannau trwm newydd naill ai’n rhai heb unrhyw allyriadau, yn hybrid-drydan neu o safon Ewropeaidd uwch, a fydd yn galluogi'r cerbydlu i fod yn fwy effeithlon o ran tanwydd drwy ddefnyddio llawer llai o danwydd a lleihau ôl troed carbon y cyngor drwy leihau allyriadau.

2.           Mae Gwasanaeth y Cerbydlu ar y cyd â Gwasanaeth Ynni Llywodraeth Cymru wedi cynnal adolygiad o Gerbydlu'r Cyngor i sefydlu'r defnydd o fewn adrannau a lle mae cyfleoedd i gyflwyno cerbydau a pheiriannau trydan llawn a rhai eraill heb allyriadau i leihau ymhellach allyriadau carbon y cyngor yn unol â Chynllun Trawsnewid Cerbydlu'r cyngor.

Rhoi'r Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Penderfyniad:

Cymeradwyo'r rhaglen waith, fel y nodir yn Atodiad C i'r adroddiad a ddosbarthwyd ar gyfer 2023/2024.

Rheswm dros y Penderfyniad:

Er mwyn cynnal asedau y mae'r cyngor yn gyfrifol amdanynt a mynd i'r afael â phryderon y gymuned mewn perthynas â'r un peth.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Cynhaliwyd Cymorthfeydd Aelodau gydag Aelodau Ward Lleol fel rhan o baratoi'r rhaglen.

Penderfyniad:

Y dylid nodi'r adroddiad monitro.

Penderfyniadau:

Ar ôl rhoi sylw dyladwy i'r Asesiad Effaith Integredig, argymhellir bod y Rhestr o Gontractwyr Cymeradwy yn cael ei newid fel a ganlyn:-

Cwmnïau i'w hychwanegu at y Rhestr o Gontractwyr Cymeradwy

Mae'r cwmnïau canlynol wedi gwneud cais i gael eu cynnwys ar y rhestr ac wedi pasio'r asesiadau angenrheidiol:-

Rhesymau dros y Penderfyniadau:

Cadw'r Rhestr o Gontractwyr Cymeradwy’n gyfoes a chyhyd ag y bo modd, sicrhau proses gaffael gystadleuol, ac at ddibenion cyflenwi Rhestr o Gontractwyr Cymeradwy am wahoddiad i dendro o fewn y categori perthnasol.

Rhoi'r Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Penderfyniad:

Ar ôl rhoi sylw dyledus i'r asesiad effaith integredig, cefnogi’n rhannol y gwrthwynebiadau i'r B4242 Heol Pont-nedd-fechan, Glyn-nedd – Gorchymyn Gwahardd Aros Ar Unrhyw Adeg Arfaethedig, a Gorchymyn Rheoleiddio Traffig Gwahardd Aros Ar y Troedffordd ar Unrhyw Adeg Arfaethedig 2022 (fel y manylir yn Atodiad A i'r adroddiad a ddosbarthwyd), ac ymgynghorir ar gynllun diwygiedig hefyd (fel y manylir yn Atodiad B i'r adroddiad a ddosbarthwyd), ac os na chaiff unrhyw wrthwynebiadau eu   derbyn, caiff y cynigion eu rhoi ar waith ar y safle fel y'u hysbysebir.

Rheswm dros y Penderfyniad:

Atal parcio diwahaniaeth er diogelwch y briffordd.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Mae'r eitem hon wedi bod yn destun ymgynghoriad allanol.