Penderfyniadau

Nododd yr Aelodau nad oedd yn ofynnol cynnal Asesiad Effaith Integredig fel y nodir yn yr adroddiad a ddosbarthwyd.

 

Penderfyniad:

 

Rhoddir y gymeradwyaeth honno i roi grantiau i fusnesau cymwys ar gyfer 2020/2021 fel y nodir yn yr adroddiad a ddosbarthwyd ac yn unol â'r canllawiau a dderbyniwyd oddi wrth Llywodraeth Cymru.

 

Rheswm dros y penderfyniad:

 

Galluogi'r cyngor i wneud taliadau i fusnesau cymwys yn unol â chynllun Llywodraeth Cymru.

 

Rhoi'r Penderfyniad ar Waith:

 

Caiff y penderfyniad ei roi ar waith ar unwaith.

 

 

Nododd yr Aelodau y dylai'r Polisi Sylwadau, Canmoliaethau a Chwynion ddarllen 2021 ac nid 2024, fel y nodwyd yn yr adroddiad a ddosbarthwyd.

 

Penderfyniad:

 

Ar ôl rhoi ystyriaeth briodol i gam cyntaf yr Asesiad Effaith Integredig, cymeradwyo’r Polisi Sylwadau, Canmoliaethau a Chwynion diwygiedig fel y nodir yn Atodiad 1 i'r adroddiad a ddosbarthwyd.

 

Rheswm dros y penderfyniad:

 

Sicrhau bod gan y cyngor ymagwedd gyson wrth ymdrin â sylwadau, canmoliaethau a chwynion a sicrhau bod arferion a gweithdrefnau'r cyngor ar gyfer ymdrin â chwynion yn unol â Phroses ac Arweiniad Trin Cwynion Model Ombwdsmon Gwasanaethau Cyhoeddus Cymru a gyhoeddwyd gan Ombwdsmon Cymru o dan Adran 38 o Ddeddf Ombwdsmon Gwasanaethau Cyhoeddus (Cymru) 2019.

 

Rhoi'r Penderfyniad ar Waith:

 

Caiff y penderfyniad ei roi ar waith ar ôl y cyfnod galw i mewn o dridiau.

 

 

 

Penderfynwyd:

 

Bod Strategaeth Rheoli'r Trysorlys, y Strategaeth Buddsoddi Flynyddol, y Polisi Darpariaeth Isafswm Refeniw a Dangosyddion Darbodus, fel y nodir yn yr adroddiad a ddosbarthwyd, yn cael eu hargymell i'r cyngor i'w cymeradwyo.

 

Rheswm dros y penderfyniadau:

 

Galluogi'r Awdurdod i gymeradwyo Strategaeth Rheoli'r Trysorlys, Strategaeth Buddsoddi Flynyddol, Strategaeth Gyfalaf a Pholisi Darpariaeth Isafswm Refeniw fel sy'n ofynnol gan Ddeddf Llywodraeth Leol 2003 a Chôd Darbodus ar gyfer Cyllid Cyfalaf mewn Awdurdodau Lleol (2017).

 

Rhoi Penderfyniadau ar Waith:

 

Caiff y penderfyniad ei roi ar waith ar unwaith.

 

 

 

Penderfyniadau:

 

Ar ôl rhoi ystyriaeth briodol i'r Asesiad Effaith Integredig fel y nodir yn yr adroddiad a ddosbarthwyd;

 

1.   Dirprwyo'r materion canlynol i'r Cyfarwyddwr Corfforaethol yn dilyn ymgynghoriad ag Arweinydd y Cyngor, yr Aelod Cabinet perthnasol a Chadeirydd y Pwyllgor Trosolwg a Chraffu perthnasol:-

 

·        Ffïoedd a thaliadau sy'n gymwys ar gyfer blwyddyn ariannol 2021/2022

·        Ffïoedd a thaliadau sy'n berthnasol ar gyfer unrhyw flwyddyn ariannol ddilynol ac, ym marn y Cyfarwyddwr Corfforaethol perthnasol, y mae angen penderfynu arnynt cyn y flwyddyn ariannol am resymau gweithredol.

 

2.   Bod sefyllfa ddiweddaraf y gyllideb 2020/2021 yn cael ei hargymell i'r cyngor i gymeradwyo sefyllfa a threfniadau diwygiedig y gyllideb ar gyfer 2020/2021.

 

3.   Penderfynwyd argymell y canlynol i'r cyngor i'w cymeradwyo:

 

a)   Y sefyllfa gyllidebol ddiwygiedig ddiweddaraf ar gyfer 2020/2021 a'r trefniadau ar gyfer 2020/2021;

b)   Cyllideb Refeniw'r Cyngor 2021/2022. Ystyried effeithiau'r Asesiad Effaith Integredig a Throsedd ac Anhrefn wrth benderfynu ar y gyllideb ar gyfer 2021/2022.

c)   Cymeradwyo gofynion y Gyllideb Refeniw Net ar gyfer 2021/2022, a chynlluniau'r gwasanaeth ar gyfer cyflwyno’r cyllidebau.

ch) Cymeradwyo'r arbedion yn y gyllideb/blaengynllun 

     ariannol a amlinellir yn Atodiad 4 i'r adroddiad a

     ddosbarthwyd.

d)   Cyfarwyddo Cyfarwyddwyr Corfforaethol i weithredu'r arbedion a'r rhaglen wella ar gyfer yr Awdurdod.

 

4.   Penderfynwyd argymell y canlynol i'r cyngor i'w cymeradwyo:

 

a)    Dirprwyo ffïoedd a thaliadau ar gyfer swyddogaethau anweithredol i'r Cyfarwyddwr Corfforaethol priodol yn dilyn ymgynghoriad ag Arweinydd y Cyngor, y Dirprwy Arweinydd a Chadeirydd y Pwyllgor Anweithredol perthnasol.

b)    Ffïoedd a thaliadau sy'n gymwys yn 2021/2022

 

c)     Ffïoedd a thaliadau sy'n berthnasol ar gyfer unrhyw flwyddyn ariannol ddilynol ac, ym marn y Cyfarwyddwr Corfforaethol, y mae angen penderfynu arnynt cyn y flwyddyn ariannol am resymau gweithredol.

 

5.   Bod y swm cyfatebol ar gyfer Band D Treth y Cyngor 2021/2021 Cyngor Bwrdeistref Sirol Castell-nedd Port Talbot o £1,660.02, yn cael ei argymell i'r cyngor i'w gymeradwyo.

 

Rhesymau dros y Penderfyniadau:

 

Galluogi'r cyngor i gyflawni ei ofyniad statudol i benderfynu ar gyllideb ar gyfer 2021/2022.

 

Sicrhau cefnogaeth i Flaengynllun Ariannol y cyngor a rhoi trefniadau ar waith ar gyfer talu Ffïoedd a Thaliadau.

 

Rhoi Penderfyniadau ar Waith:

 

Bydd y penderfyniadau i'w rhoi ar waith ar unwaith.

 

Ymgynghoriad:

 

Cynhaliwyd ymgynghoriad ac ymgysylltu helaeth rhwng 13 Ionawr 2021 a 12 Chwefror 2021 fel y nodir yn yr adroddiad a ddosbarthwyd.

 

 

 

 

 

 

Penderfyniadau:

 

1.   Argymell y Strategaeth Gyfalaf a Rhaglen Gyfalaf ar gyfer 2021/2022 i 2023/2024, fel a nodwyd yn Atodiad 2 i'r adroddiad a ddosbarthwyd i'r cyngor i'w chymeradwyo;

 

2.   Caiff y Rhaglen Gyfalaf ei hadolygu a'i diweddaru dros y flwyddyn sydd i ddod.

 

Rheswm dros y penderfyniadau:

 

Cymeradwyo Rhaglen Gyfalaf yr Awdurdod yn unol â'r Cyfansoddiad.

 

Rhoi Penderfyniadau ar Waith:

 

Bydd y penderfyniadau i'w rhoi ar waith ar unwaith.

 

Penderfyniadau

 

 

1.   Bod y symudiadau o ran arian wrth gefn fel y'u nodir yn yr adroddiad a ddosbarthwyd, yn cael eu cymeradwyo;

 

2.   Bod y trosglwyddiadau o ran arian wrth gefn sy'n fwy na £500,000 yn cael eu hargymell i'r cyngor i'w cymeradwyo.

 

3.   Bod y materion gweithredol ac ariannol fel y'u nodir yn yr adroddiad a ddosbarthwyd, yn cael eu nodi;

 

4.   Bydd y cyngor yn parhau i weithio gyda Llywodraeth Cymru ac yn unol â deddfwriaeth, rheoliadau a chyfeiriadau, i gyflwyno gwasanaethau yn ystod yr adeg heriol hon;

 

5.   Bod y grantiau ychwanegol a dderbyniwyd yn cael eu nodi;

 

6.   Bod y cyngor yn parhau i geisio cyllid ychwanegol gan Lywodraeth Cymru i dalu am ganlyniadau COVID-19.

 

Rheswm dros y penderfyniadau:

 

Diweddaru Cyllideb y cyngor ar gyfer 2020/2021 a rhoi gwybod i'r Aelodau am y risgiau ariannol sy'n deillio o COVID-19.

 

Rhoi Penderfyniadau ar Waith:

 

Bydd y penderfyniadau i'w rhoi ar waith ar unwaith.

 

Derbyniodd yr Aelodau ddiweddariad llafar y dylai rhoi'r penderfyniad ar waith fod wedi nodi i'w weithredu ar unwaith ac nid fel y nodwyd yn yr adroddiad ar gyfer y cyfnod galw i mewn o dridiau. 

 

Penderfyniadau:

 

 

1.   Bod Rhaglen Gyfalaf 2020/2021 yn cael ei hargymell i'r cyngor i'w chymeradwyo.

 

2.   Cymeradwyo cyllideb 2020/2021 gwerth cyfanswm o £65.387m;

 

3.   Nodi'r £39.1m o wariant ar 31 Ionawr 2021.

 

Rheswm dros y penderfyniadau:

 

Diweddaru Rhaglen Gyfalaf y cyngor ar gyfer 2020/2021.

 

Rhoi Penderfyniadau ar Waith:

 

Bydd y penderfyniadau i'w rhoi ar waith ar unwaith.

 

 

Penderfyniadau:

 

1.  Bod egwyddorion cytundeb y Cynllun Argyfwng Bysiau 2 fel y nodir yn Atodiad 2 i'r adroddiad a ddosbarthwyd yn cael eu cymeradwyo i sicrhau cymorth ariannol (amodol) i'r sector bysiau ac i sefydlu perthynas â'r awdurdod arweiniol rhanbarthol a'r llofnodwr, sy'n sicrhau bod y cyllid brys parhaus yn cyflawni blaenoriaethau'r awdurdod ac yn cael ei ddarparu ar ei ran.

 

2.   Rhoddir yr awdurdod dirprwyedig hwnnw i Gyfarwyddwr yr Amgylchedd ac Adfywio a'r Pennaeth Peirianneg a Thrafnidiaeth mewn ymgynghoriad â'r Arweinydd a'r Aelod Cabinet perthnasol i ymrwymo i Gytundeb Partneriaeth Gwirfoddol ymbarél newydd gyda Thrafnidiaeth Cymru Llywodraeth Cymru, y cynghorau a'r gweithredwyr rhanbarthol cyfansoddol yn ôl y gofyn.

 

3.   Bod y broses gaffael bresennol a'r ymgynghoriad ar gyfer y rhwydwaith bysiau lleol cymorthdaledig yn cael eu terfynu a bod y trefniadau contract presennol yn cael eu hestyn gyda gweithredwyr am gyfnod o flwyddyn hyd at 31 Awst 2022 ac eithrio gofynion Rheol 11 o'r Rheolau Caffael Contractau.

 

4.   Bod adroddiad ar y cynigion i ddiwygio bysiau sy'n ymwneud â rheoli'r gwasanaethau bysiau yng Nghymru yn y dyfodol yn cael ei gyflwyno i'r Cabinet yng Ngwanwyn 2021.

 

Rheswm dros y penderfyniadau:

 

Sicrhau'r cyllid ar gyfer gweithredwyr bysiau tra bo nawdd yn isel ac wrth i'r pandemig effeithio ar wasanaethau.

 

Rhoi Penderfyniadau ar Waith:

 

Bydd y penderfyniadau i'w rhoi ar waith ar unwaith.

 

Ymgynghoriad:

 

Ymgynghorwyd yn llawn â phartneriaid rhanbarthol, Cymdeithas Llywodraeth Leol Cymru a'r Gymdeithas Swyddogion Cydlynu Trafnidiaeth.

 

Penderfyniad:

 

Bod y rhestr o Gamau Brys yn cael ei nodi.

 

Penderfyniad:

 

Bod y cynnydd hanner blwyddyn a wnaed ar y Cynllun Gweithredu Gwella Llywodraethu Corfforaethol ar gyfer 2020-2021 ar gyfer y cyfnod rhwng 1 Awst a 31 Ionawr 2021 fel y nodir yn Atodiad 1 i'r adroddiad a ddosbarthwyd yn cael ei nodi.

 

Nododd yr Aelodau nad oedd yn ofynnol cynnal Asesiad Effaith Integredig fel y nodir yn yr adroddiad a ddosbarthwyd.

 

Penderfyniadau:

 

1.   Nodi'r cynnydd a wnaed yn erbyn y camau gweithredu yng Nghynllun Gweithredu Strategaeth Hybu'r Gymraeg ar gyfer y cyfnod Hydref 2019 – Mawrth 2020.

 

2.   Cymeradwyo'r trefniadau adrodd newydd fel y nodir yn yr adroddiad a ddosbarthwyd.

 

Rheswm dros y penderfyniadau:

 

Galluogi'r cyngor i fodloni gofynion statudol y Gymraeg.

 

Rhoi Penderfyniadau ar Waith:

 

Caiff y penderfyniad ei roi ar waith ar ôl y cyfnod tri diwrnod galw i mewn.

 

 

Nododd yr Aelodau nad oedd yn ofynnol cynnal Asesiad Effaith Integredig fel y nodir yn yr adroddiad a ddosbarthwyd.

 

      Penderfyniadau:

 

1.   Cymeradwyo Cynllun Cydraddoldeb Strategol 2015-2019 ac Adroddiad Blynyddol 2019-2020.

 

2.   Bod y Pennaeth Datblygu Dynol a Sefydliadol yn cael awdurdod dirprwyedig i wneud unrhyw newidiadau y gallai fod eu hangen i'r Adroddiad Blynyddol cyn cyhoeddi, ar yr amod nad yw newidiadau o'r fath yn newid cynnwys y ddogfen a ystyriwyd gan y Cabinet yn sylweddol.

 

Rheswm dros y penderfyniadau:

 

Bodloni'r gofynion statudol a nodir yn Rheoliadau Deddf Cydraddoldeb 2010 (Dyletswyddau Statudol) (Cymru) 2011.

 

Rhoi Penderfyniadau ar Waith:

 

Caiff y penderfyniad ei roi ar waith ar ôl y cyfnod tri diwrnod galw i mewn.