Penderfyniadau

Penderfyniad:

Ar ôl rhoi sylw dyladwy i’r Asesiad Effaith Integredig a ddosbarthwyd, cymeradwyir cefnogi Strategaeth Gofalwyr Rhanbarthol Pum Mlynedd Gorllewin Morgannwg a’r ddogfen ganllaw Cyfeirio Cyflym.

Rheswm dros y penderfyniad:

Gwella ymhellach y broses o nodi, cydnabod a chefnogi gofalwyr ar draws rhanbarth Gorllewin Morgannwg.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyniad:

Dylid nodi'r adroddiad.

Penderfyniad:

Ar ôl rhoi sylw dyladwy i’r Asesiad Effaith Integredig a ddosbarthwyd, cymeradwyir Pecyn Cyd-gynhyrchu Rhanbarthol Gorllewin Morgannwg, sy'n cynnwys Fframwaith Cyd-gynhyrchu, Pecyn Cymorth Cyd-gynhyrchu a Siarter Cyd-gynhyrchu.

Rheswm dros y penderfyniad:

Gwella cyd-gynhyrchu ymhellach wrth ymgymryd â rhaglenni, prosiectau a fforymau rhanbarthol Gorllewin Morgannwg.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ar gais y Cyfarwyddwr, cytunwyd y dylid dileu'r eitem hon o gyfarfod heddiw er mwyn cysoni'r polisi â deddfwriaeth. Byddai'n cael ei chyflwyno mewn cyfarfod yn y dyfodol er mwyn penderfynu arni.

Penderfyniad:

Gohirir ystyried yr adroddiad yng nghyfarfod heddiw.

Penderfyniad:

Cymeradwyo amseroedd agor a chau'r Nadolig a'r Flwyddyn Newydd fel y nodir yn Atodiad 1 a 2 i'r adroddiad a ddosbarthwyd.

Rheswm dros y Penderfyniad

Sicrhau bod cyfleusterau'r cyngor ar gael i'r cyhoedd pan fydd galw iddynt fod ar agor a galluogi rheolwyr i wneud trefniadau priodol gyda staff rheng flaen o ran eu gwyliau blynyddol.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyniadau:

1.   Bydd y Rheolwr Gwasanaeth TGCh yn gwneud archebion drwy blatfform Llywodraeth Cymru i brynu dyfeisiau ar gyfer ysgolion fel y nodir yn yr adroddiad a ddosbarthwyd.

2.   Bydd y cyllid ychwanegol hwnnw o £303,500 ar gael o Raglen Gyfalaf yr Awdurdod i ariannu'r dyfeisiau ychwanegol gofynnol.

Rheswm dros y penderfyniadau:

Er mwyn galluogi'r cyngor i ddarparu cymorth TG i ddysgwyr fel y nodir yn yr adroddiad a ddosbarthwyd.

Rhoi Penderfyniadau ar Waith:

Caiff y penderfyniadau eu rhoi ar waith ar unwaith.

(Ar y pwynt hwn yn y cyfarfod, ailddatganodd y Cynghorydd D Jones ei budd yn yr eitem hon, a gadawodd y cyfarfod am y drafodaeth a'r bleidlais ar ôl hynny.)

Penderfyniadau:

1.   Bydd y gwrthwynebiadau'n cael eu cadarnhau gyda mesurau lleihau cyflymder parhaol amgen yn cael eu ceisio ar y cyd â Llywodraeth Cymru a Gan Bwyll.

2.   Cynghori Llywodraeth Cymru yn unol â hynny.

3.   Hysbysu gwrthwynebwyr o'r penderfyniad.

Rheswm dros y penderfyniadau:

Lleihau cyflymder traffig yn barhaol er budd diogelwch ar y ffyrdd.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Cynhaliwyd ymarfer ymgynghori ym mis Medi 2020 gyda thua 30 eiddo yn derbyn llythyrau wedi'u dosbarthu â llaw gyda chynllun fel y nodir yn yr adroddiad a ddosbarthwyd.

Penderfyniad:

Cymeradwyo ymgynghori ar bolisi derbyn arfaethedig ysgolion cymunedol 2022/2023 fel y nodir yn yr adroddiad a ddosbarthwyd.

Rheswm dros y penderfyniad:

Er mwyn galluogi'r cyngor i gyflawni dyletswyddau statudol a chanllawiau arfer da mewn perthynas â derbyn disgyblion i ysgolion   cymunedol.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Mae'n ofynnol i'r cyngor, fel awdurdod lleol, ymgynghori bob blwyddyn ar y trefniadau derbyn ar gyfer yr ysgolion hynny y mae'n awdurdod derbyn iddynt.

Cyngor Bwrdeistref Sirol Castell-nedd Port Talbot yw'r awdurdod derbyn ar gyfer ysgolion cymunedol.  Cyfrifoldeb y cyrff llywodraethu perthnasol yw derbyn i ysgolion a gynorthwyir yn wirfoddol (h.y. Ffydd).

Nodir gofynion yr ymgynghoriad yng Nghôd Derbyn i Ysgolion Llywodraeth Cymru.

Yn achos y cyngor hwn, mae angen ymgynghori â'r canlynol:

·        cyrff llywodraethu ysgolion cymunedol

·        cyrff llywodraethu gwirfoddol a gynorthwyir (h.y. ysgolion ffydd)

·        pob awdurdod lleol cyfagos

Yn ogystal â hyn, dylai'r cyngor hefyd ymgynghori â'r Fforwm Derbyn ar gyfer yr ardal berthnasol.  Daw'r broses ymgynghori i ben ar 29 Ionawr 2021.

Penderfyniadau:

1.   Bydd yr ail bleidlais ar gyfer BID Castell-nedd yn cael ei chefnogi gan y cyngor i helpu i adfer canol trefi.

2.   Bydd y cyngor yn gweithredu fel deiliad y bleidlais at ddibenion yr ail bleidlais.

Rheswm dros y Penderfyniadau:

Mae BID Castell-nedd wedi cael cefnogaeth dros y 5 mlynedd diwethaf ac wedi gwella canol y dref. O ganlyniad, cefnogwyd BID ym Mhort Talbot gan CBSCNPT yn 2019.  Mae BID Castell-nedd yn nesáu at ddiwedd ei dymor (21 Mawrth) ac mae'n awyddus i barhau.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Ymgynghorwyd â busnesau dros y ddau fis blaenorol gan 'Neath Inspired' i roi gwybod iddynt am y sefyllfa bresennol ac i benderfynu pa welliannau ar gyfer y tymor nesaf fyddai'n fuddiol.  Cynhaliwyd holiadur canfyddiad busnes i benderfynu pa fusnesau yr hoffent fynd i'r afael â hwy a  pha welliannau yr hoffent eu gweld.  Bydd yr wybodaeth yn cael ei defnyddio i ffurfio eu cynnig pum mlynedd nesaf a fydd ar gael i bob busnes yn yr ardal BID cyn y bleidlais.

Cynhaliwyd yr ymgynghoriad gyda dros 50% o dalwyr ardoll, ac roedd 87 o'r 125 yr ymgynghorwyd â hwy wedi dychwelyd yr holiadur. Dangosodd y canlyniadau hynny fod 72% o blaid parhau â'r BID, nid oedd 10% o blaid ac roedd 13% heb benderfynu. Methodd 5% â rhoi sylwadau ar y cwestiwn penodol hwnnw.

Penderfyniadau   

1.   Cytuno ar brosiectau cynllun gweithredu profiad ymwelwyr wedi'u blaenoriaethu erbyn 31 Mawrth 2021 fel y nodir yn yr adroddiad a ddosbarthwyd (paragraffau 19.1 i 19.2).

2.   Bydd gweithgor swyddogion yn cael ei ffurfio i gysylltu â phartneriaid allweddol ar gyflawni'r camau gweithredu sy'n weddill o fewn y cynllun gweithredu profiad ymwelwyr dros gyfnod o 3-5 mlynedd.

3.   Bydd swyddogion yn cynnal ymchwil pellach i'r ffrydiau ariannu sydd ar gael ar gyfer y bwriad i ddatblygu llety i ymwelwyr ar y safle, yn ogystal â chynnal ymarfer mynegiant o ddiddordeb gyda'r sector preifat.

4.   Bydd canfyddiadau'r ymarferion hyn yn cael eu dwyn yn ôl i'r aelodau er mwyn gallu cytuno ar fodel cyflawni.

      Rheswm dros y penderfyniadau:

      Er mwyn galluogi'r cyngor i hwyluso'r gwaith o wella cyfleusterau a mynediad ym Mharc Gwledig Ystâd y Gnoll, gan alluogi'r parc i barhau i ddenu cynulleidfa leol wrth gynyddu ei gyfraniad i'r economi ymwelwyr hefyd drwy ddatblygu llety i ymwelwyr ar y safle.

      Rhoi'r Penderfyniad ar Waith:

      Caiff y penderfyniad ei roi ar waith ar ôl y cyfnod galw i mewn o dridiau.

      Ymgynghoriad:

      Cynhaliwyd arolwg fel rhan o'r brif broses gynllunio gyda'r gymuned leol, ymwelwyr presennol.  Cafwyd 818 o ymatebion, adlewyrchwyd yr adborth yng nghynllun gweithredu profiad ymwelwyr fel y nodir yn Atodiad 1 i'r adroddiad a ddosbarthwyd.

      Cynhaliwyd gweithdai hefyd gydag aelodau lleol, staff y parc, Cyfeillion Parc Gwledig y Gnoll a Coed Cadw i ofyn am eu barn ar sut y dylai'r parc ddatblygu.

Penderfyniadau:

1.   Bydd grant o £800 y flwyddyn yn cael ei ddarparu, yn amodol ar adolygiad yn unol ag adolygiadau rhent o fis Ebrill 2021 i Ymddiriedolwyr Clwb Bechgyn a Merched Baglan, Clwb Pêl-droed Baglan Dragons a Chlwb Criced Baglan fel y nodir yn Atodiad 1 i'r adroddiad a ddosbarthwyd.

2.   Bydd grant o £125 y flwyddyn yn cael ei ddarparu, yn amodol ar adolygiad yn unol ag adolygiadau rhent o fis Ebrill 2021 i Siglen Rhianna fel y nodir yn Atodiad 1 i'r adroddiad a ddosbarthwyd.

3.   Bod grant o £1,800 y flwyddyn yn cael ei ddarparu, yn amodol ar adolygiad yn unol ag adolygiadau rhent o fis Ebrill 2021 i Gyngor Tref Coed-ffranc fel y nodir yn Atodiad 1 i'r adroddiad a ddosbarthwyd.

Rheswm dros y penderfyniadau:

Galluogi cytuno ar gymorth ariannol mewn perthynas â'r ceisiadau am grant.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyniad:

Y dylid nodi'r adroddiad monitro.

Penderfyniad:

Dylid nodi'r adroddiad.

Penderfyniad:

Gan ystyried yr Asesiad Effaith Integredig a ddosbarthwyd, y dylid rhoi caniatâd i Swyddogion ymgynghori ar y Fframwaith Sicrhau Ansawdd arfaethedig ar gyfer Darparu Gwasanaethau Anabledd Dysgu a Byw gyda Chymorth Iechyd Meddwl yng Nghastell-nedd Port Talbot, fel y nodir yn Atodiad 1 i'r adroddiad a ddosbarthwyd.

Rheswm dros y penderfyniad:

I sicrhau bod cynlluniau byw â chymorth cynaliadwy o ansawdd da ar gael i ddiwallu anghenion oedolion yng Nghastell-nedd Port Talbot sydd ag anableddau dysgu ac anghenion iechyd meddwl.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Bydd yr eitem hon yn destun ymgynghoriad allanol.