Agenda a Chofnodion

Cymeradwywyd cofnodion y cyfarfodydd blaenorol fel y nodir isod:

·        24 Medi 2021

·        5 Tachwedd 2021

Dewis eitemau priodol o agenda’r Cabinet ar gyfer craffu cyn penderfynu (amgaeir adroddiadau ar gyfer yr Aelodau Craffu

Craffodd y Pwyllgor ar yr eitemau canlynol ar agenda Bwrdd y Cabinet:

Dangosyddion Perfformiad Allweddol 2021/2022 - Perfformiad Chwarter 2 (1 Ebrill 2021 - 30 Medi 2021)

Derbyniodd yr aelodau ddiweddariad ar ddata rheoli perfformiad chwarter 2 ar gyfer y cyfnod 1 Ebrill 2021 i 30 Medi 2021 ar gyfer y Strydlun a Pheirianneg, fel y nodwyd yn yr adroddiad a ddosbarthwyd.

Holodd yr Aelodau ynghylch tynhau'r cyfyngiadau ynghylch gwastraff rhyngwladol a holwyd a fyddai hyn yn cael effaith bosib ar y cyngor. Esboniodd swyddogion ein bod ar hyn o bryd yn gwasgaru‘n holl wastraff o fewn y DU ac felly ni fyddem yn mynd i unrhyw gostau rhyngwladol.

Cafwyd trafodaethau ynghylch elfen Canmoliaeth a Chwynion yr adroddiad. Roedd yr aelodau’n gyntaf yn falch o weld cynnydd yn y ganmoliaeth a dderbyniwyd yn 21/22. Fodd bynnag, cwestiynodd yr aelodau anghywirdeb yn yr adroddiad ynghylch y ffigurau canmoliaeth ar gyfer 2020/21. Mynegodd yr Aelodau eu siom hefyd wrth gofnodi'r ffigurau cwynion. Eglurodd y swyddogion y byddai'r aelod hwnnw'n cael dadansoddiad o'r holl ffigurau yn yr adroddiad sicrhau ansawdd a fyddai'n cael ei gyflwyno i gyfarfod y Pwyllgor Strydlun a Pheirianneg yn y dyfodol.

Amlygodd yr aelodau bwysigrwydd ailgylchu plastigion ac a oedd unrhyw bosibiliadau o addysgu ymhellach ar gynyddu ailgylchu. Tynnodd swyddogion sylw'r aelodau at y dadansoddiadau sy'n cael eu cynnal ar hyn o bryd o wastraff cartrefi a fyddai’n helpu i ddarparu data ar y mathau o wastraff sy’n cael/nad ydynt yn cael eu hailgylchu. Tynnwyd sylw hefyd at y ffaith bod Castell-nedd Port Talbot wedi dod yn 7fed yng Nghymru allan o 22 awdurdod ym mherfformiad y llynedd ar ailgylchu.

Yn dilyn craffu, nodwyd cynnwys yr adroddiad.

Nodi'r Blaenraglen Waith