Agenda a chofnodion drafft

Croesawodd y Cadeirydd bawb i'r cyfarfod.

Dywedodd y Cadeirydd fod un eitem yn unig ar yr agenda ac y byddant yn craffu arno.

Y Cyng. J Miller - Eitem 3a - Mae aelodau o'i deulu'n rhentu gan Tai Tarian.

Y Cyng. C Edwards - Eitem 3a – Mae’n bosib bod aelod o'i theulu'n byw mewn llety sy'n cael ei rentu gan Tai Tarian.

Gwnaeth yr aelodau sylw am y fersiwn hawdd ei darllen o'r ddogfen a ddarparwyd. Heblaw am fod ychydig yn fyrrach, nododd yr aelodau ei bod yn dal i gynnwys manylion ac iaith gymhleth y byddai llawer o bobl yn cael trafferth eu deall. Nodwyd ei bod yn ddogfen gyfreithiol a byddai angen iddi gynnwys iaith benodedig. Dywedodd swyddogion Tai Tarian unwaith y byddai'r ddogfen gyfreithiol yn cael ei chymeradwyo byddant yn ystyried ymgysylltu â grŵp o denantiaid ac ymgeiswyr i benderfynu a allent greu rhywbeth i gyd-fynd â'r ddogfen.

Darparodd swyddogion Tai Tarian gyflwyniad i aelodau.

Yn dilyn trosglwyddo'r stoc tai yn 2011, roedd CNPT wedi cadw’i rôl fel yr Awdurdod Tai Strategol Lleol O fewn y rôl honno, mae gan y cyngor y cyfrifoldeb cyfreithiol i drefnu, mabwysiadu a diwygio cynllun dyrannu a lle bo'n briodol, ymgynghori ar newidiadau arfaethedig iddo.

O dan gytundeb trosglwyddo 2010, cytunwyd ar Bolisi Gosodiadau Tai a Rennir rhwng y cyngor a Tai Tarian ac mae'r ddau bellach yn rhannu cyfrifoldeb parhaus am newidiadau i'r Polisi Gosodiadau Tai a Rennir gan gynnwys ei adolygiad cyfnodol.

Roedd y ddogfen yr oedd aelodau'n ei hystyried yn destun ymgynghoriad 90 o ddiwrnodau ar y pryd. Cynhaliwyd yr adolygiad diwethaf yn 2015 a dechreuodd y broses adolygu bresennol yn 2017. Gwnaed ymdrech sylweddol i sicrhau bod y ddogfen ddrafft yn cynnwys eitemau perthnasol yn unig. Gohiriwyd y prosiect er mwyn ymateb i'r pandemig.

Mae Tai Tarian yn bartner gweithredol gyda'r cyngor o ran lliniaru ac atal digartrefedd. Roedd llawer o'r gwaith yn ystod y pandemig yn canolbwyntio ar ymateb i ddigartrefedd. Mae Tai Tarian yn bartner gweithredol gyda'r cyngor ac mae ganddo nifer o gytundebau amrywiol ar waith ar lefel weithredol a strategol i gynorthwyo gydag ymateb i ddigartrefedd a'i atal. 

O ran yr Asesiad Effaith Integredig (AEI), nid oes gan y drafft unrhyw effeithiau negyddol ar aelwydydd ymgeiswyr sy'n hysbys ar hyn o bryd neu rai disgwyliedig yn rhinwedd nodweddion gwarchodedig unrhyw aelod o'r aelwyd. Caiff drafft ymgynghorol yr AEI ei ddiweddaru i adlewyrchu profi a chanfyddiadau pellach ac unrhyw ymatebion i'r ymgynghoriad a dderbynir.

Cynhaliwyd profion effaith i benderfynu a oedd y newidiadau wedi cael effaith negyddol ar ymgeiswyr a thenantiaid presennol. Ystyriwyd pob ffactor arweiniol yn ei dro. Mae'r ffactor arweiniol yn penderfynu pa fand fydd yr ymgeisydd ynddo. Roedd y profi'n edrych ar ymgeiswyr presennol ac yn penderfynu a oedd newidiadau materol i'w cais.

Roedd y Timau Opsiynau Tai hefyd yn edrych ar eu hachosion presennol ac yn penderfynu a fyddai unrhyw effaith o'r drafft newydd. Aeth y swyddog trwy ganlyniadau'r profion. O’r 75 a brofwyd, roedd 73 heb newidiadau. Roedd gan y 2 sy'n weddill newidiadau cadarnhaol. Arddangosodd y profi cyffredinol na fyddai'r newidiadau arfaethedig yn cael effaith negyddol ond mewn rhai achosion byddant yn cael effaith gadarnhaol. 

Gofynnodd aelodau beth oedd y gwahaniaeth rhwng contract meddiannaeth safonol a chontract meddiannaeth diogel. Mae Tai Tarian yn gweithredu ar sail dwy denantiaeth ar hyn o bryd. Y gyntaf yw'r cytundeb tenantiaeth byrddaliad. Mae'r  ...  Gweld y cofnodion lawn ar gyfer eitem 4.