Agenda a Chofnodion

Cytunwyd y byddai’r Cynghorydd P.D. Richards yn cael ei benodi’n Gadeirydd ar gyfer y cyfarfod.

Y dylid cymeradwyo cofnodion y cyfarfod blaenorol a gynhaliwyd ar 19 Rhagfyr 2019.

Y dylid nodi’r flaenraglen waith ar gyfer 2019/2020.

Penderfyniad:

Y dylid nodi’r adroddiad.

Penderfyniad:

Y dylid rhoi caniatâd i’r Pennaeth Gwasanaethau i Oedolion ddechrau ymgysylltu a chyfathrebu â’r gweithlu Gwasanaethau i Oedolion.

Rheswm dros y Penderfyniad:

I sicrhau bod gennym Wasanaeth i Oedolion sy’n gallu ateb anghenion cyfnewidiol a galwadau ein poblogaeth leol a sicrhau bod y gweithlu’n cael cyfle i lywio a hysbysu’r gwaith o wneud penderfyniadau mewn perthynas â’r model at y dyfodol.

Rhoi’r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghori:

Mae’r adroddiad yn gofyn am ganiatâd i ymgynghori â staff am ailfodelu Gwasanaethau i Oedolion. Byddai ymgynghori ynghylch unrhyw newidiadau i’r gweithlu yn unol â’n gofynion cyfreithiol a’n polisïau adnoddau dynol mewnol a byddai’n cynnwys adran adnoddau dynol y Cyngor a chynrychiolwyr undebau.

Penderfyniad:

Y dylid nodi’r adroddiad.

Penderfyniadau:

1.   Y dylid caniatáu awdurdod dirprwyedig i’r Pennaeth Gwasanaethau Plant a Phobl Ifanc i gytuno telerau terfynol y Cytundeb Rhyngasiantaethol gyda Dinas a Sir Abertawe ar gyfer darparu gwasanaeth therapi iaith a lleferydd rhanbarthol ar gyfer Cartref Diogel i Blant Hillside a’r Gwasanaeth Cyfiawnder Ieuenctid ac Ymyrraeth Gynnar;

2.   Ar ôl cytuno ar delerau terfynol y Cytundeb Rhyngasiantaethol, dylid caniatáu awdurdod dirprwyedig i’r Pennaeth Gwasanaethau Plant a Phobl Ifanc i sefydlu contract gyda Dinas a Sir Abertawe hyd at 31 Mawrth 2021;

3.   Y dylid penodi Dinas a Sir Abertawe fel y sefydliad arweiniol ar gyfer prynu’r gwasanaeth hwn gan Fwrdd Iechyd Prifysgol Bae Abertawe ac arwain y dasg o reoli’r contract rhanbarthol.

Rheswm dros y Penderfyniadau:

I alluogi’r Cyngor i ateb y galwadau am wasanaethau Therapi Iaith a Lleferydd a sicrhau bod cytundeb cyfreithiol-rwymol yn ei le sy’n nodi’r telerau cymeradwyedig ar gyfer gweithio mewn partneriaeth â Dinas a Sir Abertawe.

Rhoi’r Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyn gwahardd y cyhoedd o’r eitemau canlynol yn unol ȃ Rheoliad 4 (3) a (5) Offeryn Statudol 2001 Rhif 2290 a’r paragraffau eithriedig perthnasol o Ran 4 Atoldlen 12A o Ddeddf Llywodraeth Leol 1972

Penderfyniadau:

1.   Y dylid caniatáu awdurdod dirprwyedig i’r Pennaeth Gwasanaethau Plant a Phobl Ifanc i sefydlu contractau gyda:

·        Barnardos ar gyfer darparu ‘Gwasanaeth Dyfodol Gwell’

a

·        Dinas a Sir Abertawe ar gyfer darparu ‘Gwasanaeth Wynebu’r Her’;

2.   Y dylid rhedeg y contractau hyd at 31 Mawrth 2021 gyda’r opsiwn os yw’n ofynnol i ymestyn hyd at 31 Mawrth 2022.

Rheswm dros y Penderfyniadau:

I sicrhau bod fframwaith cyfreithiol-rwymol yn ei le rhwng y partïon ac i barhau â’r gwasanaethau hanfodol hyn.

Rhoi’r Penderfyniadau ar Waith:

Caiff y penderfyniadau eu rhoi ar waith ar ôl y cyfnod galw i mewn o dridiau.

Penderfyniadau:

Yn ddarostyngedig i gadarnhad Llywodraeth Cymru ynghylch dyrannu Grant Cymorth Tai i Gyngor Bwrdeistref Sirol Castell-nedd Port Talbot:

1.   Y dylid caniatáu awdurdod dirprwyedig i’r Pennaeth Gwasanaethau i Oedolion i sefydlu contractau gyda:

a.   Caer Las Cymru

b.   Cyfiawnder Tai Cymru

c.   Calan DVS

d.   Hafan Cymru

e.   Thrive

f.     Grŵp Tai Coastal Housing

g.   Platfform

2.   Y dylai’r contractau redeg hyd at 31 Mawrth 2021, yn ddarostyngedig i gyfnod rhybudd o 3 mis.

Rheswm dros y Penderfyniadau:

I sicrhau bod fframwaith cyfreithiol-rwymol yn ei le rhwng y partïon ac i barhau â’r gwasanaethau hanfodol hyn.

Rhoi’r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyniad:

Y dylid nodi’r adroddiad.