Agenda a Chofnodion

Gwnaeth yr aelod canlynol ddatganiad o fudd ar ddechrau'r cyfarfod:-

Y Cynghorydd S Rahaman - Adroddiad ar y cyd gan Bennaeth Cynllunio a Diogelu'r Cyhoedd a Phennaeth Eiddo ac Adfywio - gan ei fod yn gweithio yn y fasnach bwyd yng Nghastell-nedd Port Talbot.

Cymeradwyo cofnodion y cyfarfod blaenorol a gynhaliwyd ar 12 Gorffennaf 2019 fel cofnod cywir.

Craffodd y pwyllgor ar eitemau canlynol Bwrdd y Cabinet:

Dangosyddion Perfformiad Allweddol 2019/2020 - Chwarter 1 (1 Ebrill 2019 - 30 Mehefin 2019)

Derbyniodd yr aelodau drosolwg o'r dangosyddion perfformiad allweddol ar gyfer y chwarter 1af, fel a nodwyd yn yr adroddiad a ddosbarthwyd. 

Nodwyd bod y ffigurau cyffredinol ar gyfer bioamrywiaeth yn dda, er roedd y rhain yn anodd eu mesur gan fod bioamrywiaeth yn faes eang sy'n newid drwy'r amser.

Esboniodd y swyddogion y byddai rhagor o brosiectau bioamrywiaeth, ond roeddent yn ddibynnol ar arian gan Lywodraeth Cymru. Amlygwyd y ffaith y derbyniwyd arian gan Gronfa Dreftadaeth y Loteri er mwyn gwneud gwaith i adfywio'r mawn yng Ngwm Afan, ond byddai rhagor o arian yn ein helpu i ddarparu prosiectau ychwanegol i'r gymuned ehangach.

Nodwyd y byddai adroddiad drafft ar Fioamrywiaeth yn cael ei gyflwyno i Bwrdd y Cabinet ym mis Hydref 2019.

Cafwyd trafodaeth am berfformiad busnesau risg uchel a oedd yn atebol am archwiliadau gan Safonau Masnach, ac amlygwyd y ffaith bod salwch yn y tîm wedi effeithio ar y rhaglen.  Esboniwyd bod trefniadau wedi'u gwneud i sicrhau bod yr holl fusnesau risg uchel yn cael eu harchwilio erbyn y trydydd chwarter.

Yn dilyn proses graffu, cytunwyd i nodi'r adroddiad.

Deddf Cefn Gwlad a Hawliau Tramwy 2000 - ystyried yr Ymgynghoriad Drafft ar y Cynllun Gwella Hawliau Tramwy, a rhoi gweithdrefnau'r cyhoeddiad/ymgynghoriad ar waith

Derbyniodd y pwyllgor wybodaeth ynghylch yr Ymgynghoriad Drafft ar y Cynllun Gwella Hawliau Tramwy, a'r gweithdrefnau ymgynghori i'w rhoi ar waith.

Cafwyd trafodaeth am y Ddeddf Teithio Llesol (Cymru), ac esboniwyd bod cysylltiadau â Theithio Llesol yn yr ymgynghoriad drafft a ddosbarthwyd.

Mewn perthynas â Hawliau Tramwy Cyhoeddus i lwybrau beicio a llwybrau ceffyl, nodwyd bod gofyniad i ddangos tystiolaeth o ddefnydd o’r rhain gan fod fframwaith cyfreithiol i'w ddilyn.

Roedd yr aelodau'n falch bod rhannau o lwybrau halio'r camlesi yng Nghastell-nedd wedi cael eu gwella'n ddiweddar, a'u bod bellach ar agor i feicwyr.

Yn dilyn craffu, roedd y pwyllgor yn gefnogol o'r cynigion i'w hystyried gan Fwrdd y Cabinet.

Iechyd yr Amgylchedd a Safonau Masnach:  Cynllun Cyflawni'r Gwasanaeth Bwyd a Phorthiant 2019-2020 ac Adolygiad Gorfodi'r Gyfraith Bwyd a Phorthiant 2018-2019

Derbyniodd y pwyllgor wybodaeth am gynllun gwaith Gwasanaeth Gorfodi'r Gyfraith Bwyd a Phorthiant yr awdurdod lleol ar gyfer 2019-2020, ac adolygiad o Wasanaeth Gorfodi'r Ddeddf Bwyd a Phorthiant ar gyfer 2018-2019, fel a fanylwyd yn yr adroddiad a ddosbarthwyd.

Esboniwyd bod targedau presennol yn cael eu cyflawni, er y byddai uchafbwyntiau ac isafbwyntiau oherwydd y galw.

Os bydd perchnogion busnes yn anhapus â sgôr yr arolygiad cyntaf o'u mangreoedd bwyd, esboniodd y swyddogion fod ganddynt hawl i wneud cais am ymweliad ailsgorio. Roedd yr ymweliad cyntaf am ddim ac yn ddirybudd, a byddai angen codi tâl am unrhyw ymweliad ailsgorio. Byddai swyddogion yn ailymweld â'r eiddo ymhen 3 mis, ac fe'i nodwyd bod hyn yn gweithio'n dda, er roedd rhai gweithredwyr bwyd yn gofyn iddynt ailymweld yn gynt, ac nid oedd hyn bob amser yn bosib.

Yn dilyn proses graffu, cytunwyd  ...  Gweld y cofnodion lawn ar gyfer eitem 3.

Gyda chaniatâd y Cadeirydd, codwyd yr eitem ganlynol fel eitem frys yn unol ag Adran 100B (4) (b) o Ddeddf Llywodraeth Leol 1972.

Rhesymau dros y brys:

Oherwydd yr elfen amser.

PENDERFYNWYD:     yn unol ag Adran 100A(4) a (5)

Deddf Llywodraeth Leol 1972, gwaherddir y cyhoedd o'r eitem fusnes  ganlynol a oedd yn debygol o ddatgelu gwybodaeth eithriedig

fel a diffinnir ym Mharagraff 14 Rhan 4

Atodlen 12A o'r Ddeddf uchod.

Cafodd y Pwyllgor drosolwg o'r eitemau preifat canlynol a oedd yn eitemau brys gan Fwrdd y Cabinet:-

Cam 2 Ffordd Ddosbarthu Ymylol Port Talbot - Estyn y cyfnod statudol ar gyfer y cais am iawndal gan Associated British Ports Holdings Ltd.

Roedd y pwyllgor yn gefnogol o'r cynigion i'w hystyried gan Fwrdd y Cabinet.