Agenda a Chofnodion

Cytunwyd y dylid penodi'r Cynghorydd L C Jones yn Gadeirydd ar gyfer y cyfarfod.

Penderfyniad:

Cymeradwyo cofnodion cyfarfod 6 Medi 2019.

Adroddiad ar y cyd gan Bennaeth Cynllunio a Diogelu'r Cyhoedd, y Prif Weithredwr Cynorthwyol a'r Prif Swyddog Digidol

Penderfyniadau:

Diwygio'r trefniadau dirprwyo mewn perthynas â Gwasanaeth Iechyd yr Amgylchedd a Safonau Masnach a nodir yn fersiwn 2.08/16 o gyfansoddiad y cyngor [h.y. Rhan 3 - Swyddog Trefniadau Dirprwyo'r cyngor: {c} Iechyd yr Amgylchedd a Safonau Masnach - Atodlen 1] i:

a)           Ychwanegu rheoliadau swyddogol Rheolaethau Swyddogol ar Fwyd Anifeiliaid a Bwyd (Cymru) 2009, Rheoliadau'r Fasnach mewn Anifeiliaid a Chynhyrchion Perthynol (Cymru) 2011 a Rheoliadau Hylendid Bwyd (Cymru) 2006 a Deddf Cyfraith Eiddo 1925 at y rhestr o ddeddfwriaethau [a nodir yn y ddogfen y cyfeirir ati uchod, Atolden 1] a ddirprwyir i Gyfarwyddwr yr Amgylchedd, Pennaeth Cynllunio a Diogelu'r Cyhoedd a Rheolwr Iechyd yr Amgylchedd a Safonau Masnach;

b)           Dirprwyo'r swyddogion hynny [a] uchod yn yr awdurdod i awdurdodi swyddogion unigol, cymwys a chymwysedig i weithredu o dan y ddeddfwriaeth honno;

c)           Dirprwyo'r swyddogion hynny [a] uchod yn yr awdurdod i gychwyn achos cyfreithiol dan y ddarpariaethau a gynhwysir yn Rheoliadau Rheolaethau Swyddogol ar Fwyd Anifeiliaid a Bwyd (Cymru) 2009, Rheoliadau'r Fasnach mewn Anifeiliaid a Chynhyrchion Perthynol (Cymru) 2011 a Rheoliadau Hylendid Bwyd (Cymru) 2006 a Deddf Cyfraith Eiddo 1925 yn unol â Phennaeth y Gwasanaethau Cyfreithiol [gan gynnwys llofnodi unrhyw rybuddion yn unol â chanllawiau'r Swyddfa Gartref] a, lle bo troseddwr honedig yn cael ei gadw yn y ddalfa mewn perthynas â throsedd, i gychwyn achos drwy ddwyn cyhuddiad yn ei erbyn;

d)           Bod Pennaeth Gwasanaethau Cyfreithiol yn cael ei awdurdodi i geisio diwygio cyfansoddiad y cyngor maes o lawr er mwyn adlewyrchu'r newidiadau uchod i drefniadau dirprwyo'r awdurdod.

Rhesymau dros y Penderfyniadau:

Sicrhau bod y cyfansoddiad yn adlewyrchu rhoi'r darn ychwanegol hon o'r ddeddfwriaeth ar waith.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Adroddiad gan Bennaeth Cynllunio a Diogelu'r Cyhoedd

Penderfyniad:

Dylid nodi'r adroddiad.

Adroddiad gan Bennaeth Cynllunio a Diogelu'r Cyhoedd

Penderfyniad:

Cytuno ar yr ymatebion i ymgynghoriad Llywodraeth Cymru ar fersiwn ddrafft y Fframwaith Datblygu Cenedlaethol (NDF) 2020-2040 a nodwyd yn Atodiad 3 yr adroddiad a gylchredwyd a rhoi caniatâd i gyflwyno ymateb i Lywodraeth Cymru.

Rheswm dros y Penderfyniad:

Sicrhau bod buddion yr awdurdod yn cael eu cynrychioli a'u bod yn unol â'i ddyletswyddau statudol amrywiol.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Adroddiad gan Bennaeth Cynllunio a Diogelu'r Cyhoedd

Penderfyniadau:

1)       Nodi cynnwys Adroddiad Cynnydd Ansawdd Aer 2019 a'r Asesiad Manwl o Ansawdd Aer a chytuno arnynt.

2)       Cyhoeddi Adroddiad Cynnydd Ansawdd Aer 2019 ar wefan y cyngor fel ei fod ar gael i'r cyhoedd a rhanddeiliaid eraill ac anfon copi at Lywodraeth er gwybodaeth.

Rhesymau dros y Penderfyniadau:

Darparu gwybodaeth am ansawdd aer yn unol â gofynion deddfwriaethol.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Adroddiad gan Bennaeth Cynllunio a Diogelu'r Cyhoedd

Penderfyniadau:

1.           Nodi canfyddiadau Swyddfa Archwilio Cymru o'r gwaith dilynol a wnaed sy'n seiliedig ar adroddiad: 'Cyflwyno gyda llai - Gwasanaethau Iechyd yr Amgylchedd'.

2.           Cymeradwyo'r cynllun gweithredu mewn ymateb i'r cynigion gwella a gyflwynwyd gan Swyddfa Archwilio Cymru. 

Rhesymau dros y Penderfyniadau:

Er mwyn anfon y cynllun gweithredu a gymeradwywyd ymlaen at Swyddfa Archwilio Cymru.

Rhoi Penderfyniadau ar Waith:

Caiff y penderfyniadau eu rhoi ar waith ar ôl y cyfnod tri diwrnod galw i mewn.

Penderfyniad:

Nodi'r Blaenraglen Waith ar gyfer 2019/20.