Agenda item

Darparwyd adroddiad i'r aelodau a oedd â'r nod o ailgyfansoddi Cyd-bwyllgor Corfforedig De-orllewin Cymru (CBC De-orllewin Cymru), a oedd yn cynnwys nodi'r trefniadau gweinyddol a llywodraethu ar gyfer y flwyddyn ddinesig sydd ar ddod.

Cyfeiriodd Swyddog Monitro CBC De-orllewin Cymru at y cynigion yn yr adroddiad a ddosbarthwyd, a oedd yn rhan o'r ailgyfansoddiad.

Un o'r cynigion newydd a amlygwyd oedd sefydlu tri Is-bwyllgor â thema yn hytrach na'r pedwar Is-bwyllgor a oedd ar waith y flwyddyn ddinesig diwethaf. Nodwyd mai'r tri Is-bwyllgor fyddai Trafnidiaeth Ranbarthol, Cynllunio Strategol a Lles Economaidd; byddai thema ynni'n cael ei gynnwys yn y Pwyllgor Lles Economaidd yn lle bod yn is-bwyllgor ar wahân.

Rhoddwyd gwybod i'r Pwyllgor am newid i aelodaeth yr Is-bwyllgor Trosolwg a Chraffu, wrth i'r Cynghorydd Tony Wilcox gynrychioli Cyngor Sir Penfro yn lle'r Cynghorydd Marc Tierney.

Nodwyd newid arall, sef bod Jan Williams yn Aelod Cyfetholedig i gynrychioli Bwrdd Iechyd Prifysgol Bae Abertawe yn hytrach na Steven Spill.

Cafwyd trafodaeth mewn perthynas â Bwrdd Cynghori'r Sector Cyhoeddus. Roedd yr adroddiad a ddosbarthwyd yn nodi rhestr o gynghorwyr a oedd wedi'u penodi i Fwrdd Cynghori'r Sector Cyhoeddus yn dilyn cymeradwyaeth CBC De-orllewin Cymru ar 3 Rhagfyr 2024; cynigiwyd ailbenodi'r cynghorwyr hyn. Eglurodd swyddogion y byddai Bwrdd Cynghori'r Sector Cyhoeddus yn penodi ei Gadeirydd yn yr wythnosau nesaf a fyddai'n cael ei gyfethol yn awtomatig i CBC De-orllewin Cymru.

Yn dilyn yr uchod, cyflwynodd Swyddog Monitro CBC De-orllewin Cymru'r diwygiad canlynol i argymhelliad (j) a nodwyd yn yr adroddiad a ddosbarthwyd, a gefnogwyd gan yr aelodau:

Rhoi awdurdod dirprwyedig i Brif Weithredwr CBC De-orllewin Cymru, mewn ymgynghoriad â Chadeirydd CBC De-orllewin Cymru, i benodi unrhyw aelodau newydd i Fwrdd Cynghori'r Sector Preifat.

PENDERFYNWYD:

·        Nodi penodiad aelodau'r CBC De-orllewin Cymru a nodwyd ym mharagraff 5 yr adroddiad a ddosbarthwyd.

·        Cymeradwyo cyfetholiad aelodau'r Awdurdodau Parciau Cenedlaethol i CBC De-orllewin Cymru ar gyfer pob mater (ac eithrio cynllunio strategol o ystyried eu statws pleidleisio) heb bleidlais ar gyfer y flwyddyn ddinesig 2025/2026.

·        Cymeradwyo creu'r Is-bwyllgorau (a nodwyd ym mharagraff 9 ac yn unol â'r cylch gorchwyl yn Atodiad A o'r adroddiad a ddosbarthwyd) a'r cynrychiolwyr arfaethedig a benodir i'r Is-bwyllgor, fel y nodwyd ym mharagraffau 9 a 10 o'r adroddiad a ddosbarthwyd.

·        Cymeradwyo cyfetholiad aelodau o Awdurdodau'r Parciau Cenedlaethol i Is-bwyllgorau CBC De-orllewin Cymru ar gyfer pob mater (ac eithrio ar gyfer cynllunio strategol o ystyried eu statws pleidleisio) heb bleidlais ar gyfer y flwyddyn ddinesig 2025/2026.

·        Cymeradwyo sefydlu'r Is-bwyllgor Llywodraethu ac Archwilio ar gyfer CBC De-orllewin Cymru fel y nodir ym mharagraffau 14-19 o'r adroddiad a ddosbarthwyd.

·        Cymeradwyo’r penderfyniad i ddynodi Pwyllgor Safonau Cyngor Bwrdeistref Sirol Castell-nedd Port Talbot fel Pwyllgor Safonau Cyd-bwyllgor Corfforedig De-orllewin Cymru.

·        Cymeradwyo sefydlu Is-bwyllgor Trosolwg a Chraffu ar gyfer CBC De-orllewin Cymru fel y nodir ym mharagraffau 23-29 o'r adroddiad a ddosbarthwyd; gan gynnwys y diwygiad sy'n nodi y bydd y Cynghorydd Tony Wilcox yn cynrychioli Cyngor Sir Penfro yn lle'r Cynghorydd Marc Tierney.

·        Cymeradwyo'r amserlen ar gyfer cyfarfodydd yn y dyfodol ar gyfer CBC De-orllewin Cymru a'i bwyllgorau cysylltiedig fel y nodir ym mharagraff 30 o'r adroddiad a ddosbarthwyd.

·        Cymeradwyo adnewyddu penodiad aelodau cyfetholedig, a nodwyd ym mharagraff 32 o'r adroddiad a ddosbarthwyd, ar gyfer y flwyddyn ddinesig 2025/2026; gan gynnwys y diwygiad sy'n nodi mai Jan Williams fydd yn cynrychioli Bwrdd Iechyd Prifysgol Bae Abertawe yn lle Steven Spill.

·        Cymeradwyo adnewyddu penodiad yr ymgynghorwyr, a nodwyd ym mharagraff 34 o'r adroddiad a ddosbarthwyd, ar gyfer y flwyddyn ddinesig 2025/2026; gan gynnwys y diwygiad sy'n nodi y rhoddir awdurdod dirprwyedig i Brif Weithredwr CBC De-orllewin Cymru, mewn ymgynghoriad â Chadeirydd CBC De-orllewin Cymru, i benodi unrhyw aelodau newydd i Fwrdd Cynghori'r Sector Preifat.