Agenda item

Penderfyniad:

Ar ôl rhoi sylw dyladwy i'r ymatebion i'r ymgynghoriad a'r asesiadau effaith a risg integredig, yn unol ag Adran 53 o Ddeddf Safonau a Threfniadaeth Ysgolion (Cymru) 2013, fod yr aelodau'n penderfynu ar y canlynol:-

1. Rhoi cynnig ar waith i gau'r ddarpariaeth canolfan cymorth dysgu arbenigol ar gyfer disgyblion oedran uwchradd â nam ar eu golwg yn Ysgol Gyfun Cefn Saeson, o 1 Medi 2025 ymlaen.

2: Rhoi awdurdod dirprwyedig i'r Pennaeth Trawsnewid i weithredu'r cynnig.

Rhesymau dros y penderfyniad arfaethedig:

Mae'r penderfyniad hwn yn angenrheidiol er mwyn cydymffurfio â'r gofynion cyhoeddi ffurfiol a osodir ar y cyngor gan y Côd Trefniadaeth Ysgolion a'r ddeddfwriaeth gysylltiedig. Bydd rhoi'r cynnig ar waith yn galluogi'r cyngor i hyrwyddo safonau addysgol uchel a chyflawni potensial pob plentyn. Bydd hefyd yn galluogi'r cyngor i gyflawni ei ddyletswydd i sicrhau addysg effeithlon yn ei ardal.

Rhoi'r penderfyniad ar waith

Cynigir rhoi'r penderfyniad ar waith ar ôl y cyfnod galw i mewn o dridiau.