Agenda item

Penderfyniad:

Ar ôl rhoi sylw dyledus i'r asesiad effaith integredig a'r asesiadau risg, argymhellir, yn unol ag Adran 48 o Ddeddf Safonau a Threfniadaeth Ysgolion (Cymru) 2013, fod yr ymgynghoriad ar gynnig i gau darpariaeth y ganolfan cefnogi dysgu arbenigol ar gyfer disgyblion oedran uwchradd â nam ar eu golwg yn Ysgol Gyfun Cefn Saeson, yn cael ei gymeradwyo.

Rhesymau dros y penderfyniad arfaethedig:

Mae angen y penderfyniad hwn i gydymffurfio â gofynion yr ymgynghoriad ffurfiol a osodir ar y Cyngor gan y Côd Trefniadaeth Ysgolion. Yn amodol ar ganlyniad yr ymgynghoriad, bydd rhoi'r cynnig ar waith yn galluogi'r Cyngor i hyrwyddo safonau addysgol uchel a chyflawni potensial pob plentyn. Bydd hefyd yn galluogi'r Cyngor i gyflawni ei ddyletswydd i sicrhau bod adnoddau'n cael eu defnyddio'n effeithiol yn unol â'r angen am leoedd arbenigol yn y Fwrdeistref Sirol.

Rhoi'r penderfyniad ar waith:

Cynigir rhoi'r penderfyniad ar waith ar ôl y cyfnod galw i mewn o dridiau.