Agenda item

(Ailymunodd y Cynghorydd S Jones â'r cyfarfod)

Penderfyniadau:

Ar ôl rhoi sylw dyledus i gam cyntaf yr Asesiad Effaith Integredig, cytunwyd ar y canlynol:

1.              Bydd swyddogion yn bwrw ymlaen â'r opsiwn a ffefrir (Opsiwn 1 yn yr Astudiaeth Ddichonoldeb a gynhyrchwyd gan Counter Culture, fel a fanylir yn yr adroddiad a ddosbarthwyd) ar gyfer defnyddio adeilad gwag y llyfrgell yng Nghastell-nedd fel hwb creadigol yn y dyfodol.

2.              Bydd swyddogion yn bwrw ymlaen ag ymarfer caffael i dendro ar gyfer sefydliad i brydlesu a gweithredu'r adeilad.

Rheswm dros y Penderfyniadau:

Galluogi Cyngor Castell-nedd Port Talbot i fwrw ymlaen â'r gwaith o ailwampio hen adeilad pwysig a gwag Llyfrgell Castell-nedd er mwyn ei ddefnyddio er budd y gymuned fel hwb creadigol ac atal yr adeilad rhag dadfeilio ymhellach.

Rhoi Penderfyniadau ar Waith:

Bydd y penderfyniadau'n cael eu rhoi ar waith ar ôl y cyfnod galw i mewn o dridiau.

Ymgynghoriad:

Cynhaliwyd ymgynghoriad gan Counter Culture gyda rhanddeiliaid allweddol ac ymgynghoriad ehangach mewn perthynas â chymaryddion fel rhan o'r astudiaeth dichonoldeb.