Agenda item

Rhoddwyd gwybod i'r aelodau am gamgymeriad yn yr adroddiad a ddosbarthwyd – dylai'r adroddiad fod wedi dweud y caiff penderfyniad ei weithredu ‘ar ôl y cyfnod galw i mewn o dridiau’ yn hytrach na'r hyn a nodwyd, sef ‘ar unwaith’.

Penderfyniadau:

Ar ôl rhoi sylw dyledus i'r Asesiad Effaith Integredig:

1.                        Rhoddir awdurdod dirprwyedig i'r Prif Weithredwr, mewn ymgynghoriad â'r Arweinydd, ymrwymo i Gytundeb y Cyd-bwyllgor â Chyngor Sir Penfro. Mae hyn yn amodol ar Gyngor Sir Penfro yn gwneud yr un peth yn unig, gan ystyried unrhyw fân newidiadau a all fod yn angenrheidiol ac nad ydynt yn newid corff y ddogfen, yn unol â'r manylion yn Atodiad 1 i'r adroddiad a ddosbarthwyd.

2.                        Bydd yr Arweinydd, Aelod y Cabinet dros Gyllid, Perfformiad a Chyfiawnder Cymdeithasol ac Aelod y Cabinet dros Newid Hinsawdd a Thwf Economaidd yn cael eu penodi'n gynrychiolwyr Cyngor Bwrdeistref Sirol Castell-nedd Port Talbot ar y Cyd-bwyllgor.

3.                        Rhoddir awdurdod i unrhyw Aelod Cabinet eistedd fel cynrychiolydd amgen ar y  Cyd-bwyllgor yn absenoldeb yr Arweinydd, Aelod y Cabinet dros Gyllid, Perfformiad a Chyfiawnder Cymdeithasol ac Aelod y Cabinet dros Newid Hinsawdd a Thwf Economaidd.

4.                        Bydd yr aelodau'n nodi adroddiad i'r Cyngor Llawn yn y dyfodol, gan gytuno i sefydlu Cyd-bwyllgor Trosolwg a Chraffu â Chyngor Sir Penfro.

Rheswm dros y Penderfyniadau:

Cytuno i sefydlu Cyd-bwyllgor â Chyngor Sir Penfro mewn perthynas â'r cynlluniau ariannu Ardrethi Annomestig a Chyfalaf Sbarduno a fydd yn cael eu datblygu.

Rhoi'r Penderfyniad ar Waith:

Bydd y penderfyniadau'n cael eu rhoi ar waith ar ôl y cyfnod galw i mewn o dridiau.

Ymgynghoriad:

Datblygwyd y cais Porthladd Rhydd gan y ddau awdurdod lleol, Associated British Ports ac Awdurdod Porthladd Aberdaugleddau, gan weithio mewn partneriaeth. Cafwyd ymgynghoriad ehangach hefyd ag amrywiaeth eang o sefydliadau'r sector cyhoeddus a phreifat, gan gynnwys rhwydweithiau busnes yn ardal arfaethedig y porthladd rhydd.