Cofnodion:
Cytunodd
y Pwyllgor yn y cyfarfod a gynhaliwyd ar 27 Tachwedd i sefydlu dau grŵp
Tasg a Gorffen mewn perthynas ag Ymdrin ag Aflonyddu a Bygwth ac Amrywiaeth
mewn Democratiaeth.
Amlinellodd
y Pennaeth Gwasanaethau Cyfreithiol a Democrataidd fanylion y ddogfen gwmpasu
Ymdrin ag Aflonyddu a Bygwth, fel a gynhwysir ym mhecyn adrodd yr agenda, gan
ganolbwyntio ar y cwestiynau allweddol, y canlyniadau a fwriedir ac aelodaeth
posib y grwpiau. Awgrymwyd y dylid cynnal y cyfarfod cyntaf yn ystod ail hanner
mis Mai, lle gellir cynnal trafodaeth bord gron i nodi materion aelodau. Nodwyd
bod Cynllun Gweithredu Amrywiaeth mewn Democratiaeth wedi cael ei gyhoeddi yn
2021 cyn yr Etholiadau Llywodraeth Leol yn 2022. Nod y Grŵp Tasg a Gorffen
byddai adolygu'r cynllun gweithredu a nodi ffyrdd y gellir ei hyrwyddo gan y
Cyngor. Nodwyd y gellir cynnal cyfarfodydd y ddau grŵp Tasg a Gorffen ar
yr un pryd.
Nododd
aelodau y gall fod yn addas estyn y gwahoddiad i asiantaethau partner a nodwyd
bod Swyddogion Atal Troseddu yn Heddlu De Cymru ar gael i ddarparu cyngor am ddiogelwch yn y cartref a
diogelwch personol i aelodau. Roedd aelodau'n teimlo bod trafodaethau ar y ddau
bwnc yn amserol, ac y byddai'n ddefnyddiol trafod amrywiaeth cyn yr etholiadau
llywodraeth leol nesaf. Mae angen i ni fel Cyngor ganolbwyntio ar y camau
gweithredu y gellir eu cymryd i fynd i'r afael â'r newid mewn diwylliant a
nodi'r llwybrau y gall bygwth ac aflonyddu eu dilyn.
Cadarnhaodd
y Pennaeth Gwasanaethau Cyfreithiol a Democrataidd y gellir cynnwys hyn fel
pedwerydd cwestiwn yn y ddogfen gwmpasu.
Gofynnodd
yr aelodau am faint posib y grwpiau Tasg a Gorffen.
Cadarnhaodd
y Pennaeth Gwasanaethau Cyfreithiol a Democrataidd nad oedd unrhyw gynllun i
gyfyngu ar faint y grwpiau, ond roedd hyn yn dibynnu ar lefel y diddordeb a
ddangosir. Os yw nifer mawr o bobl yn mynegi diddordeb, gall fod angen i'r
pwyllgor ystyried dulliau amgen o hwyluso hyn; os nad oes modd rheoli'r
niferoedd, bydd angen lleihau'r cwmpas.
Gofynnodd
y Cadeirydd a fyddai'r cyfarfodydd yn cael eu cynnal fel rhai hybrid neu wyneb
yn wyneb. Dywedodd yr aelodau fod y pwnc yn fwy addas ar gyfer trafodaeth wyneb
yn wyneb.
Cadarnhaodd
y Rheolwr Gwasanaethau Democrataidd, gan nad yw'r cyfarfodydd Tasg a Gorffen
wedi'u galw o dan ddeddfwriaeth, gall y Cadeirydd ofyn i aelodau fynychu
cyfarfodydd yn bersonol, ond byddai'r cyfarfodydd yn cael eu cynnal fel
cyfarfodydd hybrid ar amser a oedd yn addas i'r rhan fwyaf o aelodau.
Cytunodd
y Pwyllgor Gwasanaethau Democrataidd i estyn y gwahoddiad i holl aelodau'r
Cyngor yr oedd ganddynt ddiddordeb mewn bod yn rhan o'r grwpiau Tasg a Gorffen.
Byddai trefniadau'n cael eu gwneud i gael adborth gan yr holl aelodau, nid yn
unig y rheini sy'n rhan o'r grwpiau Tasg a Gorffen.