Agenda item

Dewis eitemau priodol o Agenda Bwrdd y Cabinet ar gyfer craffu

cyn penderfynu (amgaeir adroddiadau Bwrdd y Cabinet aa gyfer yr

Aelodau Craffu)

Strategaeth Cyfranogiad y Cyhoedd Ddrafft 2023-2028

Ystyriodd yr aelodau’r adroddiad fel a nodwyd yn y pecyn agenda.

Mynegodd aelodau bryderon ynghylch y strategaeth ddrafft. Nodwyd bod 71 o ymatebion gan Banel y Dinasyddion mewn perthynas â'r holiadur cychwynnol a defnyddiwyd y rhain i baratoi ar gyfer y Strategaeth Ddrafft. Mae 500 o aelodau ar Banel y Dinasyddion, felly mae hyn yn adlewyrchu ymateb isel iawn i'r ymgynghoriad. Mynegodd aelodau eu pryder ymhellach mewn perthynas â'r ymgynghoriad ehangach, lle'r oedd cyfradd ymateb o 0.35% o boblogaeth Castell-nedd Port Talbot.

Holodd aelodau a dylai'r ymgynghoriad fandadu bod holl gwestiynau'r ymgynghoriad yn cael eu hateb, fel bod data cymeradwy ar gael.

Amlinellodd aelodau, os caiff y strategaeth ei chymeradwyo gan y Cabinet, dylai bod gofyniad am fonitro llym o'r strategaeth a gwelliannau ym maes ymgysylltu â'r cyhoedd.

Dywedodd swyddogion fod y 71 o ymatebion gan Banel y Dinasyddion yn ymatebion manwl a ddefnyddiwyd i lywio'r strategaeth. Cydnabu swyddogion, gyda'r ymgynghoriad ehangach, efallai bod y nifer llai o ymatebion o ganlyniad i flinder ymgynghori. Fodd bynnag, dywedodd swyddogion fod yr ymatebion a dderbyniwyd yn fanwl. Cadarnhaodd swyddogion fyddai'r strategaeth yn cael ei monitro bob chwe mis.

Nododd swyddogion awgrymiadau gan aelodau ynghylch gwella cyfathrebu ac ymgysylltu â'r cyhoedd a chytunwyd i drafod hyn â'u cydweithwyr fel y bo'n briodol. Rhoddwyd gwybod i aelodau bod dolen i'r adran 'Dweud eich dweud' ar y wefan ar hafan bresennol wefan y cyngor.

Cytunodd swyddogion fod y pwyntiau sy'n berthnasol i adborth gwasanaeth cwsmeriaid yn werthfawr, fodd bynnag, dywedwyd eu bod y tu allan i gylch gwaith yr eitem hon. Ymdrinnir â'r pwyntiau a godwyd yn yr adolygiad o wasanaethau cwsmeriaid a strategaethau eraill.

Pwysleisiodd yr aelodau bwysigrwydd gael adborth gan aelodau'r cyhoedd gan mai nhw yw'r bobl yr effeithir arnynt yn uniongyrchol gan wasanaethau'r cyngor. Gofynnodd aelodau hefyd sut y gall aelodau'r cyhoedd canmol y cyngor, oherwydd ffurflen gwyno yn unig sydd ar gael ar y wefan.

Sefydlwyd Panel y Dinasyddion ychydig cyn y pandemig a dyluniwyd y panel i gynrychioli poblogaeth oedolion y fwrdeistref. Y bwriad oedd i'w ddefnyddio i gael canlyniadau a oedd yn ddilys yn ystadegol. Nid yw'n ddilys ar lefel fwrdd unigol. Dywedodd y Prif Weithredwr ei fod yn debygol bod angen i'r panel gael yr wybodaeth ddiweddaraf o ran y cyfranogwyr. Bydd y syniadau amrywiol a gyflwynwyd gan aelodau yn ystod y cyfarfod yn cael eu hystyried yn fanylach.

Yn dilyn craffu, roedd yr aelodau'n gefnogol o'r argymhellion i'w hystyried gan y Cabinet.

Cynllun Corfforaethol - Rhaglen Newid Strategol ar gyfer y cyfnod o 2023-2024

Ystyriodd yr aelodau’r adroddiad fel a nodwyd yn y pecyn agenda.

Cyfeiriodd aelodau at dudalen 160 o becyn yr agenda sy'n cyfeirio at deithio llesol ac annog rhagor o bobl i gerdded a beicio. Fodd bynnag, tynnwyd y cyfeiriad at leihau'r ddibyniaeth ar gerbydau preifat oddi ar y cynllun arfaethedig. Dywedodd swyddogion fod angen i'r broses o leihau'r ddibyniaeth ar gerbydau preifat fod yn gyfiawn. Cydnabuwyd wrth gynyddu teithio llesol, dylai hyn leihau'r ddibyniaeth ar gerbydau preifat.

Nodwyd hefyd bod y golofn pwyntiau gweithredu ar dudalen 160 yn cyfeirio at hawliau tramwy cyhoeddus yn unig a gofynnodd aelod a oedd hyn yn berthnasol i deithio llesol gan eu bod yn eitemau gwahanol. Dywedodd aelodau eu bod yn awyddus i fesur perfformiad teithio llesol. Dywedodd swyddogion nad oedd cyllideb benodol ar gael mewn perthynas â rhwydwaith hawliau tramwy cyhoeddus ar hyn o bryd, felly mae gwelliannau i'r rhwydwaith wedi'u cyfyngu gan hyn.

Cyfeiriodd aelodau at dudalen 164 o'r agenda, a oedd yn cyfeirio at gynllun teithio llesol. Holodd aelodau a oedd un yn bodoli oherwydd nad oeddent yn ymwybodol ohono. Cadarnhaodd swyddogion fod map llwybrau a map rhwydwaith integredig sydd eisoes yn bodoli, a dylent gyfeirio atynt yn benodol, ac nid fel cynllun teithio llesol cyffredinol. Caiff y derminoleg hon ei newid yn unol â hynny.

Mynegodd aelodau eu pryderon ynghylch sut y mae'r ddogfen yn cynnwys teithio llesol a'r ffaith ei fod wedi'i wasgaru ar draws amcanion amrywiol o fewn y cynllun.

Atgoffodd y Prif Weithredwr yr aelodau fod y cynllun presennol wedi'i ddrafftio wrth i'r cyngor ddechrau'r cyfnod adfer yn dilyn y pandemig. Rhoddwyd gwybod i aelodau y bydd adolygiad mwy manwl o'r cynllun corfforaethol yn cael ei gyflawni o fewn y 6-9 mis nesaf. Gellid ystyried cam gweithredu clir a'i roi ar waith yn y cynllun corfforaethol o ran yr hyn a fydd yn cael ei wneud y flwyddyn nesaf mewn perthynas â theithio llesol.

Mynegodd aelodau eu pryder nad oedd y ddogfen yn adlewyrchu'r cytundeb gan y cyngor i ddatgan argyfwng hinsawdd. Cadarnhaodd swyddogion fod cyfeiriad byr at y cynnig blaenorol ar dudalen 133. Dywedodd y Prif Weithredwr, ar gyfer drafft terfynol y cynllun, bydd hanfod y mudiant newid yn yr hinsawdd y cytunwyd arno'n flaenorol yn cael ei adlewyrchu'n glir a chaiff y cytundeb i'r mudiant blaenorol ei ailddatgan ar dudalen 134. Bydd hynny'n ei wneud yn glir o fewn y meysydd y canolbwyntir arnynt eu bod yn cael eu penderfynu o fewn yr ymrwymiad cyffredinol i newid yn yr hinsawdd.

Yn dilyn craffu, roedd aelodau'n gefnogol o'r argymhelliad i'r Cabinet gyda'r diwygiad fel y nodir:

ymestyn ar y cyfeiriad at newid yn yr hinsawdd ar dudalen 133 o'r adroddiad a ddosbarthwyd i adlewyrchu'r cynnig newid yn yr hinsawdd a gymeradwywyd yng nghyfarfod y cyngor yn gynharach yn ystod y flwyddyn ddinesig hon ac ailadrodd yr ymrwymiad hwn ar dudalen 134 o'r adroddiad a ddosbarthwyd i bwysleisio'r ymrwymiad at symud ymlaen â'r gwaith hwn yn ystod y flwyddyn ddinesig hon yn dilyn adolygiad llawnach o'r cynllun corfforaethol ar gyfer y cyfnod o 1 Ebrill 2024 ymlaen.