Cofnodion:
Priffyrdd a Pheirianneg - Rhaglen
Waith 2023/2024
Derbyniodd yr aelodau wybodaeth am y gwaith priffyrdd a pheirianneg i’w gyflawni ym
mlwyddyn ariannol 2023/24 a
gofynnwyd iddynt gymeradwyo'r rhaglen waith fel y’i
cyflwynwyd yn yr adroddiad a ddosbarthwyd.
Gofynnodd y Cadeirydd am adroddiad
gan swyddogion i'w gyflwyno i'r
Pwyllgor Craffu sydd wedi’i drefnu
ar gyfer 26 Mai sy'n nodi'r meini
prawf a ddefnyddiwyd i asesu a blaenoriaethu’r
cynlluniau yn rhaglen waith priffyrdd
a pheirianneg fel a nodwyd yn yr
adroddiad.
Yn
dilyn craffu, roedd y pwyllgor yn gefnogol o'r
cynigion i'w hystyried gan Fwrdd
y Cabinet.
Rhaglen Caffael Cerbydlu a Pheiriannau Trwm 2023/24
Rhoddwyd gwybod i’r aelodau am y cais i gymeradwyo caffael
cerbydau a pheiriannau trwm newydd yn
2023/24. Yn ogystal â chymeradwyo awdurdod dirprwyedig i’r Pennaeth Gwasanaeth perthnasol brynu cerbydau newydd ar gyfer 25/26 os daw unrhyw grantiau
ar gael i
gynorthwyo gyda phrynu cerbydau, fel y’i cyflwynwyd
yn yr adroddiad
a ddosbarthwyd.
Gofynnodd yr aelodau i adroddiad gael
ei gyflwyno yng nghyfarfod y dyfodol a fydd yn manylu ar
y ffigurau mewn perthynas â chaffael cerbydlu peiriannau a faint y mae'r cyngor wedi
ymrwymo iddo. Byddai hyn yn
rhoi dealltwriaeth i aelodau ar
gostau tendrau pan fyddant yn dod
i’r amlwg. Cytunodd y swyddogion i gyflwyno adroddiad
costau i aelodau bob hanner blwyddyn, fodd bynnag, dywedasant fod y farchnad gerbydau'n heriol ar hyn o bryd
gan fod cyflenwad
a galw’n effeithio ar gostau. Dywedodd
y swyddogion y byddai'r adroddiad yn dibynnu
ar gwblhau manylebau cerbydau a cheisio tendrau i ddarparu costau.
Roedd yr aelodau hefyd am gael diweddariad
ar isadeiledd gwefru cerbydau yn unol â chael
mwy o gerbydau trydan ac adroddiad am hyn. Cadarnhaodd y swyddogion y byddai adroddiad yn cael
ei gyflwyno ac esboniwyd bod yr isadeiledd gwefru cerbydau yn gyfyngedig
ar hyn o bryd o amgylch adeiladau dinesig. Fodd bynnag, i
baratoi ar gyfer ehangu cerbydau
carbon isel y cerbydlu, dechreuwyd ar gontract
gwerth £1.6 miliwn i hwyluso'r broblem
a bydd yn ymdrin yn bennaf
â cherbydlu'r cyngor. Bwriedir cwblhau hyn erbyn diwedd
yr haf o fewn y flwyddyn ariannol hon. Dywedwyd wrth swyddogion hefyd y bydd Cwrt
Tregelles hefyd yn derbyn rhywfaint
o isadeiledd cerbydau trydan gan fod
yr awdurdod ar fin derbyn cerbydau
trydan i gefnogi gwasanaethau'r cyngor.
Roedd yr aelodau hefyd am wybod pam fod yr adroddiad
yn cyfeirio’n unig at y posibilrwydd o gael cerbydau trydan
ar gyfer lorïau gwastraff. Trafodwyd y byddai adolygiad trafnidiaeth yn dechrau yn
y flwyddyn ariannol hon, gyda chynllun 5 mlynedd o ran sut y bydd y cerbydlu’n cael ei ddatblygu
a'i ehangu. Esboniodd swyddogion fod grantiau ar
gael i helpu
gyda'r gwahaniaeth mewn costau wrth
newid o gerbydau diesel i gerbydau trydan
er mwyn helpu i ddatgarboneiddio'r cerbydlu gwastraff erbyn 2030 a bod y swyddogion yn gobeithio pe bai’r cyngor yn
penderfynu newid y cerbydlu gwastraff i gerbydlu trydan,
y bydd Llywodraeth Cymru'n gallu cefnogi
prynu cerbydau newydd ar gyfer
y cerbydlu. Os na, bydd angen
i'r cyngor edrych ar yr
hyn sy'n fforddiadwy. Mae swyddogion wedi tynnu sylw
Llywodraeth Cymru st y ffaith bod y cyngor yn adnewyddu'r rhan fwyaf o'r
cerbydlu fel y gallant ystyried hyn wrth
adolygu eu grantiau.
Yn
dilyn trafodaethau, teimlai'r aelodau y dylai'r prif gerbydau
a brynir fod yn gerbydau di-allyriadau er mwyn sicrhau bod y cyngor yn cyflawni ei
dargedau amgylcheddol.
Felly, cyflwynwyd y diwygiad
canlynol gan y Pwyllgor Craffu i Aelodau’r Cabinet ei ystyried wrth
wneud eu penderfyniad:
• Bod Aelodau'n
cymeradwyo prynu'r cerbydau di-allyriadau yn y Rhaglen Caffael
Cerbydau/Peiriannau arfaethedig ar gyfer 2023/24 fel y nodir yn atodiad
A.
• Rhoi Awdurdod Dirprwyedig i'r Pennaeth Gwasanaeth
mewn ymgynghoriad ag Aelod y Cabinet dros Gynllunio Strategol, Trafnidiaeth a Chysylltedd i brynu unrhyw
gerbydau di-allyriadau er mwyn sicrhau argaeledd
arian grant a all fod ar gael
i gynorthwyo gyda chost prynu'r
cerbydau.
• Bod prynu cerbydau sy'n cael
eu pweru gan danwyddau ffosil,
sydd wedi'u cynnwys yn atodiad
A, ac unrhyw gerbydau ychwanegol, yn destun adroddiadau pellach i fwrdd
y cabinet i'w cymeradwyo, gyda chyfiawnhad o ran pam nad oes modd
prynu dewis arall heb allyriadau.
Yn
dilyn craffu, cefnogwyd y diwygiad uchod gan Fwrdd
y Cabinet.
Dangosyddion Perfformiad Allweddol
2022/2023 - Perfformiad Chwarter
3 (1 Ebrill 2022 - 31 Rhagfyr
2023)
Derbyniodd aelodau adroddiad
Data Rheoli Perfformiad Chwarter 3 ac adroddiad Canmoliaeth a Chwynion ar gyfer y cyfnod
rhwng 1 Ebrill 2022 a 31 Rhagfyr 2023 mewn perthynas â Gwasanaethau'r Amgylchedd, Adfywio a Strydlun, yn unol
â'r adroddiad.
Nododd yr aelodau, yn dilyn cyfarfod
blaenorol y Pwyllgor Craffu, fod nifer
o argymhellion a diwygiadau
wedi’u cyflwyno i swyddogion mewn
perthynas ag adrodd ar y dangosyddion perfformiad allweddol. Nodwyd nad oedd
yr holl geisiadau
wedi’u cynnwys yn yr adroddiad
oherwydd amserlenni a chasglu data. Felly, dywedwyd wrth y Pwyllgor Craffu y byddai’r wybodaeth lawn yn cael ei chynnwys
yn yr adroddiadau
hyn maes o law.
Yn
dilyn craffu, nodwyd cynnwys yr adroddiad.