Cofnodion:
Gwahoddodd
y Maer y Cynghorydd Clement Williams i ofyn cwestiwn, a gyflwynwyd dan Reol 9.2
Rheolau Gweithdrefn y Cyngor.
Gofynnodd
y Cyng. Clement Williams,
"Mae ein Grŵp
Llafur o’r farn nad yw'r Cynigion Cyllideb sy'n destun ymgynghoriad ar hyn o
bryd yn cyflwyno cyllideb gytbwys. Nid oes unrhyw dablau incwm a gwariant ac
rydym yn pryderu bod dogfennaeth y gyllideb yn sylfaenol iawn ac yn brin o
fanylion manwl.
Yn ystod cyfarfod craffu'r
Cabinet mynegodd y Grŵp Llafur bryderon am y diffyg manylion, a chawsant
ein sicrhau gan Swyddogion y byddai rhagor o wybodaeth yn cael ei hychwanegu
a'i hanfon gyda'r ddogfen ymgynghori. Nid yw hyn wedi digwydd.
Felly gofynnwn y cwestiwn
canlynol: Gan fod yr ymgynghoriad eisoes
wedi dechrau ac yn dod i ben ar 10 Chwefror, dylai'r cyngor ddarparu a
rhyddhau'r wybodaeth hon erbyn diwedd y flwyddyn fel y gall preswylwyr sy'n
ymateb i'r ymgynghoriad gael cyfle i ddweud eu dweud ar yr hyn y mae'r gyllideb
yn ei golygu i'w gwasanaethau."
Ymatebodd
y Cyng. Simon Knoyle (Aelod y Cabinet dros Gyllid, Perfformiad a Chyfiawnder
Cymdeithasol) a nododd fod 'fideo esbonio'r gyllideb' wedi cael ei gynhyrchu
a'i lanlwytho ar wefan y cyngor, a'i fod wedi cael ei hyrwyddo ar sianeli
cyfryngau cymdeithasol ac mae copi caled hefyd yn cael ei gynhyrchu a'i
ddosbarthu.
Nododd
fod sesiynau briffio cyllidebol wyneb yn wyneb a hybrid yn parhau o hyd fel
rhan o'r cynllun cyfathrebiadau, a'u bod wedi cael eu rhannu ag aelodau'r
pwyllgor craffu. Adroddodd y Cabinet fod yr adroddiad ar 19 Ionawr 2023 yn
dangos cyllideb gytbwys, y mae'n ofynnol i'r cyngor ei chyhoeddi yn ôl y
gyfraith, sy'n ffurfio sylfaen y ddogfen ymgynghori, ynghyd â dadansoddiad
manwl o'r risgiau mewn perthynas â'r strategaeth gyllideb arfaethedig. Mae'r
dogfennau hyn hefyd wedi cael eu cyflwyno i bob pwyllgor craffu er mwyn
caniatáu ar gyfer cymaint o gyfranogaeth aelodau â phosib.
Ymatebodd
y Cynghorydd Clement Williams gyda phryderon am gymorthdaliadau a ffioedd a
thaliadau sy'n benodol i'r gyllideb, nad oedd yn meddwl eu bod wedi'u cynnwys
yn fanwl yn nogfennaeth ymgynghori'r gyllideb. Pwysleisiodd y pryder ynghylch y
diffyg manylion a sut mae dogfennaeth y gyllideb yn cyfeirio at benderfyniadau
dirprwyedig mewn perthynas â ffioedd a thaliadau.
Eglurodd
y Maer y broses ar gyfer gofyn cwestiwn dan reol 9.2 a daeth â'r cwestiynau i
ben.