Agenda item

Cyflwynodd Aelod y Cabinet dros Dai a Diogelwch Cymunedol a Phennaeth y Gwasanaethau i Oedolion yr adroddiad yn lle Cyfarwyddwr y Gwasanaethau Democrataidd.

Nododd aelodau fod yr adroddiad yn edrych ar y gorffennol a bod sefyllfa'r gwasanaeth ar hyn o bryd ychydig yn wahanol i'r sefyllfa a disgrifiwyd yn yr adroddiad, a bod argyfwng ym maes gofal cymdeithasol ar hyn o bryd.

Gwnaeth yr aelodau sylwadau ar y gwaith gwych a wnaed drwy gydol y pandemig, gan fod syniadau newydd wedi cyflawni gwelliannau go iawn mewn rhai meysydd gwasanaeth.

Holodd yr aelodau am y model ymyrryd mewn argyfwng ar gyfer Iechyd Meddwl y cyfeiriwyd ato ar dudalen 31, a'r gwaith parhaus mewn perthynas â'r 'rhestr wirio atgyfeirio' gan ei bod yn amlwg bod hyn bellach yn sefyllfa ddiffygdalu ar gyfer y rheini sy'n defnyddio'r gwasanaeth. Esboniwyd y materion ynghylch y trefniadau 'drws blaen' iechyd meddwl, gan fod y pwynt mynediad unigol yn fodel meddygol ac yn waith ar y gweill er mwyn ei wneud yn fwy addas at y diben.

Nodwyd bod y cyngor yn gweld cynnydd yn y galw am atgyfeiriadau iechyd meddwl gan y gymuned, sy'n achosi pwysau sylweddol ar adnoddau a'r gyllideb, ac adroddir am hyn  i'r Gwasanaethau Cymdeithasol, y Pwyllgor Craffu Tai a Diogelwch Cymunedol a Bwrdd y Cabinet maes o law.

Mynegodd aelodau bryderon bod toriadau i wasanaethau ysbyty yn cael effaith uniongyrchol ar y cyngor, a mynegwyd yr angen cryf i fynegi i'r Bwrdd Iechyd y gofyniad brys i wella gwasanaethau mewn perthynas ag iechyd meddwl, yn ogystal â gwasanaethau iechyd a gofal cymdeithasol ehangach.