Agenda item

Nododd yr Aelodau'r gwall yn yr adroddiad a ddosbarthwyd, mewn perthynas â Thudalen 10. Roedd yn dweud "Mae hyn yn cynnwys £21 filiwn (neu fwy o bosib)" a dylai fod wedi dweud £25 miliwn.

Penderfyniadau:

Ar ôl rhoi sylw dyladwy i'r Asesiad Effaith Sgrinio Integredig:

1.   Bod cais am Borthladd Rhydd sy'n cwmpasu porthladd Port Talbot a phorthladd Aberdaugleddau a'r ardaloedd amgylchynol, yn y ffurflen sy'n atodedig yn Atodiad B o'r adroddiad a ddosbarthwyd, yn amodol ar unrhyw amrywiadau a all fod yn angenrheidiol cyn iddi gael ei gyflwyno, yn cael ei gymeradwyo.

2.   Bod y Prif Weithredwr, mewn ymgynghoriad ag Arweinydd y Cyngor, yn cael awdurdod dirprwyedig i gytuno ar ddiwygiadau i'r cais cyn ei gyflwyno'n derfynol i Lywodraeth Cymru.

3.   Bod yr enwebiad i Gyngor Bwrdeistref Sirol Castell-nedd Port Talbot fod yn gorff cyfrifol ar gyfer y fframwaith arfaethedig, yn cael ei gymeradwyo.

4.   Bod Arweinydd y Cyngor yn cyflwyno llythyr i Lywodraeth Cymru sy'n cyfleu cefnogaeth Cyngor Bwrdeistref Sirol Castell-nedd Port Talbot ar gyfer Porthladd Rhydd sy'n cwmpasu porthladd Port Talbot a phorthladd Aberdaugleddau.

5.   Bod y Prif Weithredwr, mewn ymgynghoriad â'r Arweinydd yn cymryd camau yn ôl yr angen i hyrwyddo'r cais ar ôl ei gyflwyno hyd at yr adeg y ceir penderfyniad y Gweinidogion ar lwyddiant y cais neu fel arall.

Rheswm dros y Penderfyniad:

Gallai cyflawni statws Porthladd Rhydd weithredu fel catalydd ar gyfer twf economaidd sylweddol yn yr ardal a'r rhanbarth ehangach sy'n gysylltiedig â'r sector ffermydd gwynt ar y môr sy'n dod i'r amlwg a'r agenda ynni adenwyddadwy ehangach.  Bydd y cynnig hefyd yn cefnogi gwaith i ddatgarboneiddio diwydiant, tai a thrafnidiaeth yn lleol ac yn rhanbarthol gan helpu i gyrraedd targedau carbon sero net.  Bydd twf economaidd gwyrdd yn helpu i fynd i'r afael â materion strwythurol tlodi ac amddifadedd yn yr economi leol a rhanbarthol gan ysgogi'r gadwyn gyflenwi leol a chynyddu sgiliau a chymwysterau'r boblogaeth breswyl.

Rhoi'r Penderfyniadau ar Waith:

Caiff y penderfyniad ei roi ar waith ar unwaith.