Agenda item
Rhif y Cais P2022/0470 - Tir yn Ffordd Baglan
Erection
of an industrial unit (use class B2) (GIA 25,545sqm) with associated works
including sustainable drainage, car parking, cycle storage and landscaping.
At Land
at Baglan Way, Neath Port Talbot.
Cofnodion:
Darparodd Swyddogion gyflwyniad i’r Pwyllgor
Cynllunio ar y cais hwn (Adeiladu uned ddiwydiannol (dosbarth defnydd B2) (AMG
25,545 metr sgwâr) gyda gwaith cysylltiedig gan gynnwys draenio cynaliadwy,
meysydd parcio, storfa feiciau a gwaith tirlunio ar dir yn Ffordd Baglan,
Castell-nedd Port Talbot) fel y nodwyd yn yr adroddiad a ddosbarthwyd.
Roedd yr Aelodau Ward Lleol wedi gofyn am i’r cais
gael ei benderfynu gan y Pwyllgor ac roeddent yn bresennol i roi eu sylwadau yn
y cyfarfod.
Yn unol â phrotocol siarad cyhoeddus cymeradwy’r
cyngor, anerchwyd y Pwyllgor Cynllunio gan gynrychiolydd yr ymgeisydd.
PENDERFYNWYD:
Cymeradwyo Cais Rhif P2022/0470, yn unol ag argymhellion Swyddogion, yn amodol
ar yr amodau a gynhwyswyd yn yr adroddiad a ddosbarthwyd. a’r amod ychwanegol a
gynigiwyd ac a gytunwyd gan y Pwyllgor Cynllunio, fel y nodir isod:
23. Er gwaethaf y
Cynllun Teithio a gyflwynwyd, 12 mis ers defnydd llesiannol cyntaf y datblygiad
a gymeradwyir drwy hyn, caiff Cynllun Teithio diweddaredig ei gyflwyno i'r
Awdurdod Cynllunio Lleol a'i gymeradwyo'n ysgrifenedig ganddo. Bydd y Cynllun
Teithio diwygiedig yn cynnwys manylion penodi Cydlynydd Cynllun Teithio, ac yn
ogystal â mynd i’r afael â’r dulliau o annog staff i ddefnyddio dulliau teithio
mwy cynaliadwy a lleihau’r galw ar drafnidiaeth breifat, dylai’r cynllun
gynnwys manylion ynghylch sut y gellid defnyddio trafnidiaeth y datblygiadau i
annog staff ac ymwelwyr â’r safle i ddefnyddio cludiant cyhoeddus, a defnyddio
opsiynau trafnidiaeth gynaliadwy, fel beicio, cerdded neu rannu ceir. Dylai’r
cynllun hefyd gynnwys cynllun/amserlen fonitro fanwl, a fydd yn cynnwys
adolygiadau rheolaidd ar gyfer y cyfnod cychwynnol o bum mlynedd, ynghyd â
manylion ynghylch cyflwyno a chymeradwyo Cynlluniau Teithio diweddaredig
dilynol bob pum mlynedd ar gyfer cyfnod gweithredu’r datblygiad, a fydd yn
ceisio mynd i’r afael ag unrhyw faterion sydd wedi methu lleihau’r defnydd o’r
car a chyrraedd y targedau y cytunwyd arnynt a nodwyd yn y cynllun teithio.
Bydd yr holl fesurau a nodir mewn unrhyw Gynllun Teithio cymeradwy sy'n ofynnol
gan y cynllun yn cael eu rhoi ar waith o fewn tri mis ar ôl ei gymeradwyo.
Rheswm:
Er mwyn hyrwyddo trafnidiaeth gynaliadwy ac i sicrhau bod y datblygiad
yn cydymffurfio â Pholisi SP20 Cynllun Datblygu Lleol Castell-nedd Port Talbot.
Dogfennau ategol: