Agenda item

Penderfyniadau:

1.   Bod y canlynol yn cael eu cymeradwyo fel y meini prawf ar gyfer gwahodd ceisiadau am arian, a lywodraethir gan Gynllun Grantiau'r Trydydd Sector 2023-24:

·        Cyfrannu at gyflawni polisïau a blaenoriaethau allweddol sydd wedi'u cynnwys yng Nghynllun Corfforaethol 2022-2027 y cyngor.

·        Lleihau'r galw ar wasanaethau'r cyngor. Er enghraifft, hyrwyddo a chynorthwyo dinasyddion i ddefnyddio gwasanaethau digidol y cyngor; hyrwyddo cyfranogiad mewn gwasanaethau dewisol i gynyddu nifer sy'n eu defnyddio; neu drwy gynnig gweithgareddau ymyrryd yn gynnar ac atal sy'n cynnal neu'n gwella lles pobl

·        Manteisio ar adnoddau ychwanegol. Croesewir yn arbennig geisiadau sy’n dangos sut caiff arian y cyngor ei ddefnyddio i ddenu adnoddau ychwanegol i gefnogi polisïau a blaenoriaethau’r cyngor.

·        Cynaliadwyedd ariannol. Bydd y cyngor yn dymuno cael ei fodloni nad yw’r ymgeisydd yn ddibynnol ar arian parhaus gan y cyngor i gyflawni cynaladwyedd ariannol.

·        Yn ogystal â'r uchod, mae croeso arbennig i geisiadau sy'n canolbwyntio ar weithgareddau a fydd yn helpu grwpiau a chymdeithasau cymunedol i wella o'r pandemig a datblygu capasiti/cydweithio cymunedol ymhellach - gan adeiladu ar y gweithrediadau cymunedol a gefnogodd yr ymateb i bandemig COVID-19.

·        Mae'r cyngor yn parhau i ddarparu arian am hyd at 3 blynedd a fydd yn rhoi’r sicrwydd i sefydliadau'r trydydd sector wneud cais am arian o ffynonellau eraill a galluogi ymagwedd tymor hwy at gynllunio a sicrhau cynaladwyedd.

2.             Nodi'r mân ddiwygiadau a wnaed i'r cynllun fel sydd wedi'u nodi yn Atodiad 1.

Rhesymau dros y Penderfyniadau:

Sicrhau bod penderfyniadau cyllido a wneir ar gyfer blwyddyn ariannol 2023-24 mewn perthynas â grantiau a ddyfernir o dan Gynllun Grantiau'r Trydydd Sector, yn cyd-fynd â blaenoriaethau cyffredinol y cyngor.

Rhoi'r Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau sy'n dod i ben am 9am ddydd Llun, 1 Awst 2022.