Agenda item

Rhoddodd Pennaeth y Gwasanaethau Cyfreithiol a Democrataidd drosolwg i Aelodau'r Cyngor o'r adroddiad a ddosbarthwyd i hysbysebu swyddi gwag ar gyfer aelodau annibynnol i Bwyllgor Safonau Cyngor Bwrdeistref Sirol Castell-nedd Port Talbot.

Amlygwyd y byddai adroddiad yn cael ei gyflwyno i'r cyngor yn cadarnhau'r ymgeiswyr llwyddiannus.

PENDERFYNWYD:    

1.   Bod dau aelod annibynnol arall yn cael eu recriwtio i wasanaethu ar Bwyllgor Safonau Castell-nedd Port Talbot.  

2.   Bod panel ymgynghorol o un aelod lleyg o'r panel (Mrs Gaynor Richards), aelod o'r grŵp annibynnol sydd hefyd yn gynghorydd tref a chymuned (a enwebwyd gan Arweinydd y Cyngor), y Maer a dau Aelod Annibynnol o'r Pwyllgor Safonau yn cael eu cynnull i gynnal unrhyw gyfweliad, gydag argymhellion yn cael eu cyflwyno i'r cyngor.

3.   Bod y gyfres o ddogfennau sy'n cael eu rhoi i unrhyw ymgeiswyr sy'n dymuno gwneud cais am y ddwy swydd wag yma yn cael eu cymeradwyo.