Agenda item

Nododd yr Aelodau yr wybodaeth ychwanegol a ddosbarthwyd cyn y cyfarfod fel atodiad cyhoeddus.

Penderfyniadau:

Ar ôl rhoi sylw dyledus i'r asesiadau effaith mewn perthynas â chydraddoldeb, risg, defnydd cymunedol a'r iaith Gymraeg, ac i Ddeddf Llesiant Cenedlaethau'r Dyfodol (Cymru 2015), ynghyd â'r goblygiadau cyfreithiol ac yn unol ag Adran 48 o Ddeddf Safonau a Threfniadaeth Ysgolion (Cymru) 2013.

1.           Cymeradwyo cyhoeddi cynnig statudol i sefydlu ysgol gynradd cyfrwng Cymraeg newydd yn Nheras Sant Ioan, Mynachlog Nedd, Castell-nedd. SA10 7ND.

2.           Y dyddiad ar gyfer rhoi hwn ar waith fydd 1 Ionawr 2023.

3.           Cyhoeddir yr hysbysiad o'r cynnig ar 30 Mehefin 2022, gan ganiatáu 28 o ddiwrnodau ar gyfer derbyn gwrthwynebiadau.  Bydd adroddiad yn cael ei ddwyn yn ôl at yr Aelodau yn dilyn canlyniad y cyfnod hwn ar gyfer penderfyniad terfynol.

Rhesymau dros y Penderfyniadau:

Galluogi'r cyngor i gydymffurfio â gofynion cyhoeddi ffurfiol y Côd Trefniadaeth Ysgolion a deddfwriaeth gysylltiedig.  Bydd rhoi'r cynnig ar waith yn galluogi'r cyngor i hyrwyddo safonau addysgol uchel a chyflawni potensial pob plentyn.  Bydd hefyd yn galluogi'r cyngor i gyflawni ei ddyletswydd i sicrhau addysg effeithlon yn ei ardal.

Rhoi'r Penderfyniadau ar Waith:

Gyda chytundeb Cadeirydd Craffu'r Cabinet, bydd y penderfyniad yn cael ei roi ar waith ar unwaith. Nid oedd unrhyw 'alwadau i mewn' am yr eitem hon.