Agenda item

Diolchodd yr Aelodau i'r Prif Swyddog Cyllid a'r Tîm Cyllid am yr holl waith yr oeddent wedi'i wneud wrth baratoi a chwblhau'r adroddiadau sy'n cael eu hystyried heddiw.

 

Penderfyniadau:

 

Ar ôl rhoi sylw dyledus i'r Asesiad Effaith Integredig:

 

1.Cymeradwyo buddsoddiadau Cyllideb Refeniw a chynllun gwasanaeth y cyngor ar gyfer 2022/2023 fel y nodir yn Atodiad 1 a 2 i'r adroddiad a ddosbarthwyd.

 

2.Bod y £2.8 miliwn o'r gronfa yswiriant wrth gefn i'w defnyddio i gyflawni nifer o fuddsoddiadau untro i gefnogi adferiad COVID-19 gan gynnwys recriwtio staff i gyflawni gwaith o gwmpas y cynllun dechrau gorau mewn bywyd.

 

3.      Rhoi awdurdod dirprwyedig i'r Cyfarwyddwr Corfforaethol priodol yn dilyn ymgynghoriad ag Arweinydd y Cyngor, yr Aelod Cabinet perthnasol a Chadeirydd y Pwyllgor Craffu perthnasol:

 

·        Pennu ffïoedd a thaliadau (ar gyfer swyddogaethau gweithredol) ar gyfer blwyddyn ariannol 2022/2023.

 

·        Gosod Ffioedd a Thaliadau (Gweithrediaeth) sy'n gymwys mewn unrhyw flwyddyn ariannol ddilynol a sydd, ym marn y Cyfarwyddwr Corfforaethol perthnasol, angen ei osod cyn y flwyddyn ariannol am resymau gweithredol.

 

4.Rhoi awdurdod dirprwyedig i'r Cyfarwyddwr Corfforaethol priodol yn dilyn ymgynghoriad ag Arweinydd y Cyngor, y Dirprwy Arweinydd a Chadeirydd y Pwyllgor Anweithredol perthnasol i:

 

·        Bennu Ffïoedd a Thaliadau ar gyfer swyddogaethau (anweithredol) ar gyfer y flwyddyn 2022/2023.

 

·        Pennu ffïoedd a thaliadau (ar gyfer swyddogaethau anweithredol) sy'n berthnasol ar gyfer unrhyw flwyddyn ariannol ddilynol ac, ym marn y Cyfarwyddwr Corfforaethol, y mae angen eu pennu cyn y flwyddyn ariannol honno am resymau gweithredol.

 

5.Mewn perthynas ag unrhyw amrywiad rhwng setliad terfynol Llywodraeth Cymru a'r setliad dros dro. Rhoi awdurdod dirprwyedig i'r Prif Swyddog Cyllid, mewn ymgynghoriad â'r Prif Weithredwr, yr Arweinydd ac Aelod y Cabinet dros Gyllid, i wneud unrhyw ddiwygiad sy'n angenrheidiol drwy ddefnyddio cronfeydd wrth gefn cyffredinol, o ganlyniad i'r setliad terfynol sy'n ddyledus ar 2 Mawrth 2022.

 

6.Cymeradwyo'r cynnig o dim cynnydd yn Nhreth y Cyngor yn 2022/2023 gyda lefelau treth yn cael eu rhewi ar werthoedd 2021/2022.  Bydd y cynnig i gadw'r swm cyfatebol ar gyfer Band D Treth y Cyngor 2022/2023 Cyngor Bwrdeistref Sirol Castell-nedd Port Talbot yn £1,660.02 yn cael ei argymell i'r cyngor i'w gymeradwyo.

 

Rhesymau dros y Penderfyniadau:

 

I sicrhau bod y cyngor yn cyflawni ei ofynion statudol i

benderfynu ar y gyllideb ar gyfer 2022/2023.  Darparu mecanwaith ar gyfer ymdrin ag unrhyw amrywiad rhwng setliad dros dro a therfynol Llywodraeth Cymru a chytuno ar drefniadau ar gyfer penderfynu ar Ffioedd a Thaliadau.

 

Rhoi'r Penderfyniadau ar Waith:

 

Bydd y penderfyniad yn cael ei roi ar waith ar ôl iddo gael ei ystyried a'i gymeradwyo gan y cyngor yn ystod cyfarfod a gynhaliwyd ar 1 Mawrth 2022.

 

Ymgynghoriad:

 

Cynhaliwyd ymgynghoriad rhwng 5 Ionawr a 1 Chwefror 2022 fel y nodir yn yr adroddiad a ddosbarthwyd.