Agenda item

Amlinellodd swyddogion yr amserlen wedi'i diweddaru i sicrhau bod y pwyllgor yn ymwybodol o'r rhaglen. Mae'r amserlen yn un uchelgeisiol a fydd yn canolbwyntio'n gyntaf ar y sgiliau allweddol y bydd eu hangen ar aelodau yn dilyn yr etholiad, ac yna bydd yn adeiladu ar y sgiliau hyn drwy gydol y flwyddyn.

Amlinellodd swyddogion mai'r bwriad oedd cynnal yr holl hyfforddiant trwy fodel hybrid.  Bydd hyn yn caniatáu ar gyfer hyblygrwydd o ran lleoliad er mwyn i bobl fod yn bresennol yn y cyfarfod. Rhoddir ystyriaeth hefyd i recordio'r hyfforddiant ac yna bydd ar gael yn Members Hub. Mae'r awdurdod hefyd yn gweithio gyda CLlLC, sy'n dylunio adnoddau y bydd aelodau'n gallu eu defnyddio fel hyfforddiant parhaus. Bydd y rhain yn cynnwys meysydd megis craffu, diogelu data etc.

Soniodd yr aelodau am Restr Safleoedd Ymgeisiol y Cynllun Datblygu Lleol a oedd ar ddod, a chaiff ei hystyried yn fuan wedi'r etholiad. Dymunodd aelodau sicrhau bod aelodau'n derbyn cyfle cynnar ar gyfer hyfforddiant i sicrhau y gellir ystyried yr eitem hon yn briodol gan aelodau.

Cododd yr aelodau bryderon am fynediad i Siambr y Cyngor o ran unrhyw anableddau ac a oes gan y siambr yr hyn y mae ei angen ar gyfer yr holl aelodau. Dywedodd swyddogion, fel rhan o'r Rhaglen Sefydlu, cynhelir arolwg hygyrchedd i sicrhau y tynnir sylw ar unrhyw eitemau perthnasol a gellir rhoi darpariaeth ar waith i ymateb i'r rhain.

Gofynnodd aelodau i ni archwilio system gyfeillio ar gyfer aelodau newydd yn dilyn yr etholiad. Dywedodd swyddogion fod hyn yn cael ei hystyried ar hyn o bryd ac yn ogystal â hyn roedd yn cael ei harchwilio o safbwynt swyddog. Mae'r ddarpariaeth i gael Swyddog Gwasanaethau Democrataidd penodol ar waith fel pwynt cyswllt cyntaf i aelodau ag unrhyw ymholiadau'n cael ei hystyried.

Nododd Bwyllgor y Gwasanaethau Democrataidd y Rhaglen Sefydlu Aelodau a'r Amserlen ar gyfer Etholiadau Llywodraeth Leol 2022.