Agenda item

Nodwyd mai hwn oedd cam cyntaf y prosiect ar hyn o bryd ac nad oedd amserlenni pendant ynghylch pryd y byddai'r ddeddfwriaeth yn cael ei rhoi ar waith, a'r diwygiadau'n cael eu gwneud, ond y byddai gwaith gan Lywodraeth Cymru yn parhau yn 2022.

Gofynnwyd am eglurder ynghylch anhysbysrwydd tystion, a nododd yr Aelodau na fyddai unrhyw unigolion yn cael eu henwi yn yr hysbysiadau penderfynu.

Trafodwyd arweiniad i Aelodau Etholedig ar gyfryngau cymdeithasol, a nodwyd bod 2 elfen o hyfforddiant yn cael eu rhoi i Aelodau newydd ar hyn o bryd – materion 'Gweithredol' (hyfforddiant cyfryngau cymdeithasol cyffredinol) a 'Chôd Ymddygiad'.

PENDERFYNWYD:     Nodi cam cyntaf Adolygiad Annibynnol y Fframwaith Safonau Moesegol yng Nghymru.