Agenda item

Penderfyniadau:

1.      Nodi'r ffrydiau gwaith presennol sy'n gysylltiedig â Chyd-bwyllgor Corfforedig De-orllewin Cymru a'r gwaith sy'n cael ei wneud ar hyn o bryd gan Swyddogion i hwyluso gwaith o'r fath;

2.      Nodi sut y pennir cyfrifoldebau gweithredol;

3.      Cymeradwyo'r cynnig bod rhai Swyddogion Cyngor Bwrdeistref Sirol Castell-nedd Port Talbot yn ymgymryd â'r dyletswyddau fel y nodir ym Mharagraff 9 o'r adroddiad a ddosbarthwyd;

4.      Rhoi cymeradwyaeth i ymrwymo i gytundebau ar gyfer y Swyddogion hynny a fydd yn cyflawni swyddogaethau o'r fath i Gyd-bwyllgorau Corfforedig De-orllewin Cymru;

5.      Awdurdodi Cyfarwyddwr yr Amgylchedd ac Adfywio ac unrhyw Swyddog a enwebir ganddi i gymryd rhan ym Mwrdd Rhaglen Cyd-bwyllgor Corfforedig De-orllewin Cymru;

6.      Nodi'r cynnig o ran sut y bydd Cyd-bwyllgor Corfforedig De-orllewin Cymru arfaethedig a'r gwahanol is-bwyllgorau'n cael eu sefydlu:

7.      Cymeradwyo'r aelodau etholedig y cyfeirir atynt ym mharagraffau 19 – 20 o'r adroddiad a ddosbarthwyd i fod yn rhan o unrhyw Gyd-bwyllgor Corfforedig ac is-bwyllgorau.

8.      Awdurdodi’r Arweinydd i benodi aelod etholedig i fynd i gyfarfod os na fydd yr aelodau y cyfeirir atynt ym mharagraffau 19 -20 o'r adroddiad a ddosbarthwyd, yn gallu bod yn bresennol.

9.      Enwebu Dirprwy Arweinydd Cyngor Bwrdeistref Sirol Castell-nedd Port Talbot yn gynrychiolydd i Gyd-bwyllgor Corfforedig De-orllewin Cymru yn absenoldeb Arweinydd Cyngor Bwrdeistref Sirol Castell-nedd Port Talbot.

10.    Nodi cynnig Pwyllgor Craffu Rhanbarthol ac Is-bwyllgor Llywodraethu ac Archwilio ar gyfer Cyd-bwyllgor Corfforedig De-orllewin Cymru ac y dylid cyflwyno adroddiad yn y dyfodol i'r Cyngor Llawn i gytuno ar gynrychiolwyr Cyngor Bwrdeistref Sirol Castell-nedd Port Talbot;

11.    Cymeradwyo’r penderfyniad i ddirprwyo Pwyllgor Safonau Cyngor Bwrdeistref Sirol Castell-nedd Port Talbot fel Pwyllgor Safonau Cyd-bwyllgor Corfforedig De-orllewin Cymru.

12.    Rhoi awdurdod dirprwyedig i'r Prif Weithredwr, mewn ymgynghoriad ag Arweinydd Cyngor Bwrdeistref Sirol Castell-nedd Port Talbot, i gytuno ar unrhyw ddogfennau sy'n angenrheidiol i weithredu gofynion yr adroddiad hwn a'r argymhellion a nodir uchod.

Rheswm dros y penderfyniadau:

Sicrhau cydymffurfiaeth â gofynion Deddf Llywodraeth Leol ac Etholiadau (Cymru) a sicrhau bod anghenion Cyngor Bwrdeistref Sirol Castell-nedd Port Talbot yn cael eu hadlewyrchu yn natblygiad y Cyd-bwyllgorau Corfforedig hyn.

Rhoi'r Penderfyniad ar Waith:

Caiff y penderfyniad ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Sul, 19 Rhagfyr 2021.