Cofnodion:
Rhoddodd swyddogion
ddiweddariad llafar ar y pwnc Noddi Asedau, gan gynnwys y ddau brif faes; adroddiad
statws ar noddi cylchfannau a'r cynnydd a wnaed gyda Clear Channel sy'n
gweithredu safleoedd bysus.
Rhoddodd Gydlynydd Masnachol y
cyngor wybodaeth gefndir i'r aelodau am nawdd asedau; gan dynnu sylw at y
ffaith y cudnabuwyd dros y blynyddoedd fod cyfleoedd posib i gynhyrchu incwm yn
cael eu cyflwyno gan asedau fel cylchfannau, ymylon ffyrdd, colofnau goleuo
etc.
Noddi Cylchfan
Yn dilyn proses dendro yn
2011, cynghorwyd yr aelodau fod y cyngor wedi dewis rhoi'r swyddogaeth rheoli a
gwerthu o ddarparu cyfleoedd hysbysebu ar gylchfannau i gynhyrchu cyllid, ar
gontract allanol i gwmni o'r enw Immediate Solutions; sefydlwyd yr hysbyseb
gyntaf yng Nghastell-nedd Port Talbot (CNPT) yn 2012, ac ym mis Mehefin 2017
estynnodd y cyngor y contract am bedair blynedd arall. Nodwyd bod refeniw yn
cyfateb i ddisgwyliadau yn ystod blynyddoedd cyntaf yr estyniad i'r contract;
fodd bynnag, heb fod yn hir ar ôl hynny, dechreuodd y refeniw ostwng.
Esboniwyd, ar ôl ymgynghori ag
aelodau a swyddogion amrywiol, fod y cyngor wedi dewis rhoi tri mis o rybudd o
derfynu contract i Immediate Solutions; teimlwyd y gellid dyrchafu'r gwaith hwn
drwy ddod ag ef yn fewnol, a gellid archwilio cyfleoedd amrywiol i gwsmeriaid,
yn ogystal â chreu mwy o incwm na'r hyn a dderbyniwyd o'r blaen.
Hysbyswyd y pwyllgor fod y
contract gydag Immediate Solutions wedi dod i ben ar ddiwedd Mehefin 2021; ers
hynny roedd y cyngor wedi bod yn amnewid contractau ar gyfer y cylchfannau a
noddir eisoes, ac yn sefydlu'r portffolio a'r systemau yr oedd angen eu rhoi ar
waith er mwyn cynnig y cyfleoedd hynny i gwsmeriaid lleol. Tynnwyd sylw at y
manteision amrywiol o weithredu hyn yn lleol; gan gynnwys gallu darllen y
farchnad i ddeall yr hyn y mae busnesau am ei hysbysebu, gallu ymateb yn llawer
gyflymach pan fydd rhywbeth yn mynd o'i le, a chreu mwy o incwm.
Darparwyd crynodeb, lle
rhoddwyd gwybod i'r pwyllgor fod y Cydlynydd Masnachol wedi bod mewn cysylltiad
â darpar gwsmeriaid ar gyfer hysbysebion cylchfan yn yr ardal, a bod nifer o
archebion wedi'u trefnu.
Hysbysebu ar Safleoedd Bysus
Esboniodd swyddogion fod cwmni
o'r enw Clear Channel ar hyn o bryd yn gwerthu’r hysbysebion safleoedd bysus yn
CNPT; roedd y cyngor yn berchen ar y rhan fwyaf o’r adeileddau safleoedd bysus
yn y Fwrdeistref Sirol, ac mae Clear Channel yn berchen ar tua 10.
Dywedwyd bod gan y cyngor
gytundeb y mae modd ei gopïo ar waith gyda Clear Channel lle byddent yn cynnal
ac atgyweirio unrhyw ddifrod i'r safleoedd bysus a ddefnyddiwyd ganddynt ar
gyfer hysbysebu; roedd hyn yn gyfnewid am ganiatáu iddynt wneud hynny.
Hysbyswyd yr aelodau fod y
Cydlynydd Masnachol wedi gwneud gwaith ymchwil yn ddiweddar mewn perthynas â
hysbysebu ar safleoedd bysus, a chanfu fod Awdurdodau Lleol eraill wedi derbyn
comisiwn arnynt; yn dilyn hyn, aeth swyddogion ymlaen i fynd drwy'r prosesau
perthnasol er mwyn i Gyngor CNPT gael comisiwn. Tynnwyd sylw at y ffaith y
gwnaed argymhelliad i ail-lofnodi cytundeb pum mlynedd arall gyda Clear
Channel, ond y tro hwn gyda swm penodol o arian wedi'i gynnwys fel rhan o'r
contract; gan gynnwys ffi flynyddol benodol ar gyfer pob poster y maent am ei
newid i sgrîn ddigidol. Dywedodd swyddogion fod y sgriniau digidol yn cynyddu o
ran poblogrwydd; roedd gan y cwmni gynllun uchelgeisiol i newid llawer o'r
posteri mewn lleoliadau poblogaidd i sgriniau digidol. Ychwanegwyd bod
swyddogion yn symud ymlaen â'r argymhelliad hwn; Roedd uwch-swyddogion yn
edrych dros y manylion ar hyn o bryd.
Meysydd gwaith allweddol
eraill
Yn ogystal â'r uchod, tynnwyd
sylw at y ffaith bod y Cydlynydd Masnachol wedi bod yn siarad â busnesau bach
lleol, ac wedi canfod mai ychydig iawn o gyfleoedd oedd iddynt hysbysebu a
hyrwyddo eu hunain; er enghraifft, roedd hysbysebion ar safleoedd bysus yn cael
eu defnyddio'n bennaf gan gwmnïau cenedlaethol ac roeddent yn eithaf drud.
Dywedodd swyddogion oherwydd hyn y bydd rhai busnesau bach yn defnyddio posteri
anghyfreithlon a/neu faneri i hysbysebu. Er mwyn lleihau'r defnydd o hysbysebu
anghyfreithlon, roedd swyddogion yn gobeithio creu cyfleoedd llai, tymor byr i
hysbysebu’n lleol am gost ratach; gallai'r cyngor reoli'r rhestr eiddo a
chynhyrchu incwm o hyn, yn ogystal â chefnogi ei fusnesau lleol.
Cynhaliwyd trafodaeth
ynglŷn â risgiau iechyd a diogelwch y mathau anghyfreithlon o hysbysebu
awyr agored, fel baneri. Cadarnhawyd bod swyddogion yn gweithio ar bolisi a
fydd yn cwmpasu'r holl elfennau perthnasol sy'n ymwneud â'r mater hwn; fodd
bynnag, roedd gorfodi arwyddion anghyfreithlon yn cyd-fynd â chael cyfleoedd i
gynnig i’r busnesau hyn. Ychwanegwyd y gallai rhoi cyfleoedd hysbysebu i
fusnesau lleol helpu i leihau hysbysebu anghyfreithlon; a bydd y polisi'n
darparu cysondeb ac yn helpu i reoli'r materion, a bydd yn ddogfen y gall pob
parti ei deall a chyfeirio ati.
Gofynnodd yr aelodau a
oedd potensial i incwm gael ei gynhyrchu ar gyfer noddi mewn ffyrdd eraill.
Cadarnhaodd swyddogion fod cyfleoedd diddiwedd o greu refeniw; Roedd yr
Awdurdodau Lleol yn cyrraedd 100% o'u cynulleidfa, preswylwyr yr ardal, ac un
o'r prif dasgau oedd dod o hyd i ffyrdd gwahanol o gysylltu â nhw.
Yn ogystal â
chynhyrchu incwm, nodwyd hefyd fod cynorthwyo cyfathrebu rhwng busnesau lleol a
chwsmeriaid lleol yn bwysig; Gall cynghorau greu a gwerthu cyfleoedd yn
annibynnol, a thrwy gefnogi busnesau lleol, mae'n helpu i roi'r arian yn ôl i'r
gymuned.
Tynnwyd sylw at y
ffaith bod y gwaith sy'n ymwneud â nawdd asedau a chefnogi busnesau lleol yn
rhoi cyfle i unigolion gael ymdeimlad o le a chymuned; roedd llawer o
fanteision i hyn megis gwella'r amgylchedd lleol ac ychwanegu cysylltiadau at
dwristiaeth.
Canmolwyd y Cydlynydd
Masnachol am ei waith caled ar noddi asedau, a chroesawodd yr aelodau
ddiweddariadau pellach yn y dyfodol.
Yn dilyn craffu, nodwyd
cynnwys y diweddariad.