Cofnodion:
Derbyniodd yr aelodau
gyflwyniad gan Ysgrifennydd y Prosiect a Chadeirydd Cymdeithas Twnnel y
Rhondda; roedd y cyflwyniad yn manylu ar y tair prif thema ganlynol:
·
Costau'r prosiect;
·
Creu atyniad 'rhaid ymweld ag ef';
·
Cynlluniau i symud y prosiect ym Mlaengwynfi yn ei flaen.
Nodwyd bod is-bwyllgor
technegol wedi'i sefydlu, a'i fod yn cynnwys Uwch Beirianwyr sydd wedi ymddeol;
roedd yr is-bwyllgor wedi cynhyrchu cynlluniau manwl ar gyfer y twnnel, a
gymeradwywyd gan Gyfarwyddwr Cyswllt Arup yng Nghaerdydd.
Hysbyswyd y pwyllgor y bydd
gwaith corfforol y prosiect yn cymryd 18 mis; a bod costau'r prosiect yn
cynnwys y canlynol:
·
Canolfannau Ymwelwyr ar ddau ben y twnnel;
·
Cynlluniau micro-hydro ar ddau ben y twnnel; roedd y
Gymdeithas yn gweithio gyda Cyfoeth Naturiol Cymru (CNC) i ddatblygu'r rhain.
Ychwanegwyd y bydd y cynlluniau micro-hydro yn darparu pŵer gwyrdd, a
hefyd yn rhoi cyfle i sefydlu cyfleusterau gweithio o bell yn y Canolfannau
Ymwelwyr.
Cadarnhaodd Ysgrifennydd
Prosiect y Gymdeithas fod cost y prosiect wedi'i dilysu gan Corderoy,
Syrfëwr Meintiau; a'r amcangyfrif a roddwyd ar gyfer y prosiect cyffredinol
oedd £13.111 miliwn.
Hysbyswyd yr aelodau fod gan
dde Cymru ddau dwnnel rheilffordd hir segur, un rhwng Abernant a Merthyr a'r
llall yn y Rhondda, Blaengwynfi; Roedd gan Gyngor Rhondda Cynon Taf borth yn y
ddau dwnnel. Dywedwyd bod twnnel Abernant-Merthyr yn llwybr teithio llesol
rhwng Merthyr ac Aberdâr, ac roedd twnnel y Rhondda yn fwy o atyniad i ymwelwyr
a dyma fyddai'r twnnel hwyaf yn Ewrop. O ran twnnel Abernant-Merthyr, nodwyd ei
fod wedi parhau â chyllid cyhoeddus ond nad yw wedi cael llawer o gefnogaeth
gan y cyhoedd; fodd bynnag, mae Cyngor Merthyr yn parhau i lobïo'n galed am
gymorth. Eglurodd Ysgrifennydd y Prosiect fod twnnel y Rhondda wedi cael llawer
o gefnogaeth gan y cyhoedd, fodd bynnag, ychydig iawn o arian cyhoeddus a
gafwyd yn ystod y blynyddoedd diwethaf; gallai cefnogaeth gref gan Gyngor
Castell-nedd Port Talbot helpu i gydbwyso hyn.
Tynnwyd sylw at y pwyntiau
canlynol o ran y sefyllfa bresennol:
·
Roedd y ddau dwnnel yn eiddo i Adran Drafnidiaeth San
Steffan (AD);
·
Cadarnhaodd yr AD y byddant yn trosglwyddo'r twneli i
Lywodraeth Cymru gyda swm bach; £60,000 ar gyfer twnnel y Rhondda, fodd bynnag
roedd Llywodraeth Cymru am gael sawl miliwn o bunnoedd ar ei gyfer;
·
Roedd Chris Bryant, Aelod Seneddol (AS), yn mynd i
gysylltu â'r AD ar ran Llywodraeth Cymru am arian;
·
Roedd Cyngor RhCT wrthi'n recriwtio ymgynghorydd i
weithio ar ysgrifennu cais drwy Gronfa Dreftadaeth y Loteri am £5 miliwn yn
benodol ar gyfer twnnel y Rhondda.
Chwaraewyd fideo i'r pwyllgor
a oedd yn dangos Chris Bryant AS yn San Steffan, yn gwahodd Grant Shapps AS i
ymweld â thwnnel y Rhondda.
Nodwyd bod canol twnnel y
Rhondda yn sych ac yn fwyn drwy'r flwyddyn, a bod ganddo 526 o alcofau a oedd
yn darparu llawer o gyfleoedd; roedd y twnnel yn cynnig gofod arddangos enfawr,
ac un syniad oedd defnyddio'r alcofau ar gyfer arddangosfeydd rhyngweithiol o
hanes Cymru. Ychwanegwyd y gellid noddi rhai o’r arddangosfeydd, ac roedd
llawer o ddiddordeb gan Lyfrgell Genedlaethol Cymru; roedd gan y rheini sy'n
gweithio ar y prosiect lawer o syniadau gwahanol, ac roeddent yn croesawu
syniadau pellach. Awgrym arall y tynnwyd sylw ato oedd defnyddio'r waliau moel
ar gyfer arddangosfeydd sain a golau.
Cyflwynwyd cynlluniau i'r
pwyllgor ar gyfer rhan arddangos arfaethedig twnnel y Rhondda; roedd cynlluniau
i roi rhwystr y gellir ei symud i lawr y canol, i ehangu'r twnnel i'w led llawn
(4.3 metr) ac i ddyrannu ochr i gerddwyr gydag alcofau arddangos, a'r ochr
arall i feicwyr ei defnyddio.
Hysbyswyd yr aelodau am y
cynlluniau i ymestyn y twnnel ychydig, a fydd yn gwneud y twnnel dros ddwy
filltir o hyd; byddai'n cymryd awr i gerdded o un pen i'r llall. Nodwyd y
byddai datblygu twnnel mor hir yn her ac roedd angen ystyried hyn yn ofalus,
fodd bynnag byddai'n arbennig ar gyfer de Cymru; dyna pam yr oedd llawer o
bwyslais ar y cyfleusterau/arddangosfeydd yn y twnnel, gan y bydd yr elfennau
hyn yn ei gwneud yn fwy na thwnnel cerdded/beicio hwyaf Ewrop.
Roedd y cyflwyniad yn cynnwys
lluniau o safle twnnel y Rhondda ym Mlaengwynfi o'r 1970au a sut mae'n edrych
heddiw; gan arddangos faint roedd y safle wedi newid. Soniwyd bod angen twll
dwfn i gael mynediad i borth y twnnel, ac o hyn bydd llawer o wastraff i'w
symud; y cynllun presennol oedd cloddio'r llwybr dynesu. Hysbyswyd yr aelodau
fod cwmni o'r enw hyperTunnel wedi cysylltu â'r Gymdeithas gyda thechnoleg
dwnelu newydd i greu estyniad i'r twnnel. Esboniodd Ysgrifennydd y Prosiect yr
hyn y byddai'r cwmni'n ei wneud i greu llai o aflonyddwch a gwastraff, a llai o
newid ym Mlaengwynfi; roedd cynlluniau hefyd i ymchwilio i ddewis amgen
"Torri a Gorchuddio" a oedd yn fwy confensiynol.
Rhannwyd delweddau sy'n dangos
y cynlluniau a'r syniadau presennol ar gyfer pwynt mynediad twnnel y Rhondda;
byddai'r estyniad yn dod â phorth y twnnel i'r arwyneb, a fyddai'n atal amharu
ar ochr y bryn.
Darparwyd crynodeb byr o'r
dechneg hyperTunnel i'r aelodau; ynghyd â'r cynlluniau manwl a luniwyd gan yr
is-bwyllgor technegol. Roedd y cynlluniau manwl yn tynnu sylw at faint o
wastraff y byddai angen ei symud a'i ddyddodi pe bai'r twnnel yn cael ei
gloddio, a hefyd pe bai'r twnnel yn cael ei ymestyn.
Cynhaliwyd trafodaeth
ynglŷn â pherchnogaeth y twnnel; dangoswyd map a oedd yn tynnu sylw at y
rhannau o dir yr oedd Cyngor CNPT yn berchen arnynt. Esboniwyd bod y rhan fwyaf
o'r twnnel, gan gynnwys y safle ar gyfer yr estyniad arfaethedig, o fewn tir
CNPT; felly, bydd y cais cynllunio yn y dyfodol yn cael ei gyflwyno yn ystod
cyfarfod Pwyllgor Cynllunio Cyngor CNPT.
Amlygwyd y pwyntiau canlynol
yn y crynodeb o'r cyflwyniad:
·
Roedd Cymdeithas Twnnel y Rhondda wedi bod yn ymgyrchu
ers 2015;
·
Cafwyd cefnogaeth wleidyddol enfawr, fodd bynnag roedd
adroddiadau ac oedi diddiwedd;
·
Roedd y gymdeithas am godi'r arian ar gyfer estyniad
Blaengwynfi, yn annibynnol ar gyllid cyhoeddus;
·
Gellid agor y siafft aer ar gyfer abseilio i ddenu
ymwelwyr cyn i'r prif dwnnel agor, a fyddai'n dechrau cyflwyno manteision wrth
i weddill y twnnel gael ei ddatblygu;
·
Roedd cynigion petrus o rywfaint o gyllid eisoes wedi'u
derbyn;
·
Cynhaliwyd trafodaethau gyda Chyngor RhCT ynghylch
darparu'r "arian cyfatebol", a oedd yn hanfodol ar gyfer y rhan fwyaf
o geisiadau;
·
Roedd y gymdeithas yn dal i aros am gynnig costio llawn
gan hyperTunnel. Fodd bynnag, roedd rhai amcangyfrifon wedi'u hystyried o ran
faint o arian y byddai'n ei gostio i roi'r dewis amgen "Torri a
Gorchuddio" ar waith;
·
Derbyniwyd llythyr gan yr Ymddiriedolaeth Treftadaeth
Rheilffyrdd, a ddyfarnodd grant o £100,000 tuag at ailagor porth Blaengwynfi
twnnel y Rhondda. Roeddent hefyd wedi cynnig rhagor o arian y flwyddyn nesaf,
er bod angen cadarnhau hyn yn y gyllideb yr oeddent yn ei thrafod gyda'r
Priffyrdd Cenedlaethol.
Dywedodd yr aelodau ei bod yn
braf gweld yr uchelgais a'r ymrwymiad at brosiect; fodd bynnag, soniodd y bydd
llawer o'r cynnydd yn cael ei bennu gan faint o arian y bydd Llywodraeth y DU
yn fodlon ei glustnodi. Nodwyd, wrth symud ymlaen, y byddai'n hanfodol cadw
llygad ar y gwahanol ffrydiau ariannu a chyfleoedd ariannol a allai fod ar gael
yn y dyfodol agos; Roedd yr aelodau'n barod i helpu drwy lobïo ASau lleol.
Rhoddodd yr Aelodau Lleol a
oedd yn bresennol yn y cyfarfod eu cefnogaeth i'r prosiect, gan ganmol y gwaith
a gwblhawyd hyd yma; Tynnodd yr aelodau sylw hefyd at bwysigrwydd y math hwn o
brosiect i Gwm Afan.
Hysbyswyd yr aelodau am y
gwahanol gyfnodau gwaith a gynigiwyd; er y nodwyd y byddai rhywfaint o hyn yn
dibynnu ar y pecyn ariannu rhwng San Steffan a Llywodraeth Cymru. Un o'r camau
cyntaf a amlygwyd oedd cyflwyno cais cynllunio i agor y porth ym Mlaengwynfi,
er mwyn cael mynediad i'r twnnel; ac yna newid y siafft aer yn elfen abseilio.
Dywedwyd y bydd hyn yn dechrau'r prosiect, a rhagwelwyd y bydd y momentwm yn
cael ei gario ymlaen ar ôl hyn; roedd amryw swyddi y gellid eu cwblhau am gost
eithaf isel, wrth gasglu arian i gwblhau gweddill y gwaith.
Holwyd a fyddai angen i'r
gymdeithas drosglwyddo'r berchnogaeth o'r AD cyn y gall y gwaith datblygu
ddechrau; roedd y gwaith sy'n ymwneud â'r estyniad wedi'i leoli'n gyfan gwbl o
fewn tir CNPT, felly ni fyddai angen trosglwyddo'r berchnogaeth i ddechrau'r
elfen hon o'r gwaith.
Cynhaliwyd trafodaeth
ynglŷn â'r cysylltiad rhwng isadeiledd a thwristiaeth y prosiect.
Cadarnhawyd bod cylch troi bws ar ochr y Rhondda ym Mlaencwm a fyddai o
ddefnydd; roedd gwasanaeth bws 20 munud i lawr y dyffryn hefyd, a oedd o fewn
400 medr i'r porth yn y Rhondda. O ran cynlluniau ar gyfer y dyfodol, nodwyd
bod y gymdeithas yn bwriadu cynnwys llwybr beicio di-draffig i orsaf
Treherbert, a bws gwennol i'r rheini a oedd am gerdded un ffordd drwy'r twnnel
yn unig; byddai'r bws gwennol wedyn yn mynd â'r unigolion hynny yn ôl i'r
dechrau. Ychwanegwyd y byddai'r gymdeithas hefyd yn hoffi datblygu llwybr
beiciau llogi, a fydd yn lledaenu'r manteision ledled y cwm. Cadarnhaodd
Ysgrifennydd y Prosiect y byddai'r gymdeithas yn gweithio gyda Chyngor CNPT
gymaint â phosib, yn enwedig yn ystod y cam cyn cynllunio, i drafod yr elfennau
hyn.
Diolchodd yr aelodau i
Ysgrifennydd y Prosiect a Chadeirydd Cymdeithas Twnnel y Rhondda am eu
cyflwyniad a'r gwaith a wnaed hyd yma i fwrw ymlaen â'r prosiect.
Dogfennau ategol: