Agenda item

Diolchodd yr Aelodau i'r Swyddogion am yr holl waith yr oeddent wedi'i wneud wrth ddatblygu'r cynnig hwn gerbron yr Aelodau heddiw.

Penderfyniadau:

1.Ar ôl rhoi sylw dyladwy i'r ymgynghoriad, y gwrthwynebiadau a'r asesiadau effaith mewn perthynas â chydraddoldeb, risg, defnydd cymunedol a'r Gymraeg ynghyd â'r goblygiadau cyfreithiol, ac yng ngoleuni'r holl ddeunydd, yn unol ag adran 53 o Ddeddf Safonau a Threfniadaeth Ysgolion (Cymru) 2013, cymeradwyir sefydlu ysgol cyfrwng Saesneg, yn weithredol o 1 Medi 2024, gyda Chanolfan Cefnogi Dysgu mewn adeiladau newydd i dderbyn disgyblion o ddalgylchoedd presennol ysgolion cynradd yr Alltwen, Godre’r Graig a Llangiwg, y byddai pob un ohonynt yn cau ar 31 Awst 2024.

2.Y dyddiadau gweithredu fydd 31 Awst/1 Medi 2024.

3.      Datgenir na fydd angen safleoedd ac adeiladau'r tair ysgol wag mwyach o ran gofynion gweithredol y Gwasanaeth Addysg, Hamdden a Dysgu Gydol Oes.

Rhesymau dros y Penderfyniadau:

Galluogi'r cyngor i gydymffurfio â'r gofynion deddfwriaethol sy'n darparu ar gyfer gweithredu'r cynnig. Bydd hefyd yn galluogi'r cyngor i hyrwyddo safonau uchel a chyflawni potensial pob plentyn a chyflawni’i ddyletswydd i sicrhau addysg effeithlon yn ei ardal.

Rhoi'r Penderfyniadau ar Waith:

Caiff y penderfyniad ei roi ar waith ar ôl y cyfnod tri diwrnod galw i mewn.