Agenda item

Rhoddwyd adroddiad i'r Pwyllgor ar ganlyniadau asesiad o ddigonolrwydd adnoddau yn y Tîm Gwasanaethau Democrataidd.

Yn dilyn penodiad llwyddiannus Rheolwr y Gwasanaethau Democrataidd i swydd Pennaeth y Gwasanaethau Democrataidd, roedd angen ystyried gallu a strwythur gweithredol y Tîm Gwasanaethau Democrataidd; roedd rôl Pennaeth y Gwasanaethau Democrataidd yn cynnwys canolbwyntio mwy ar agweddau strategol y swyddogaeth gan gynnwys gweithredu'r gofynion o Fesur Llywodraeth Leol (Cymru) 2011 a pharatoi ar gyfer Sefydlu Aelodau 2022.

Roedd Atodiad 1 yr adroddiad a ddosbarthwyd yn manylu ar strwythur presennol y Tîm Gwasanaethau Democrataidd, ac roedd Atodiad 2 yn manylu ar y strwythur arfaethedig. Cynigiwyd cyflwyno dau Uwch-swyddog Gwasanaethau Democrataidd ar Radd 9 i'r Tîm; byddai'r swyddi hyn yn cael eu clustnodi i aelodau presennol y Tîm Gwasanaethau Democrataidd o ystyried lefel yr arbenigedd a'r wybodaeth y bydd angen iddynt feddu arnynt). Tynnwyd sylw at y ffaith y byddent yn gyfrifol am oruchwylio Cefnogaeth Craffu a Rheoli Prosiectau, a Gweinyddiaeth y Pwyllgorau a Blaenraglenni Gwaith yn eu tro. Ychwanegodd swyddogion y bwriedir hefyd recriwtio i swydd wag Swyddog Gwasanaethau Democrataidd Gradd 7.

Yn dilyn trafodaeth, roedd yr Aelodau'n cefnogi'r argymhellion a gynhwyswyd yn yr adroddiad.