Agenda item

Penderfyniadau:

Roedd yr Aelodau'n gefnogol o'r pryderon a fynegwyd gan y pwyllgor craffu blaenorol a gofynnwyd i bryderon y Cabinet gael eu hamlygu i Lywodraeth Cymru hefyd, fel y nodir isod.

1.   Rhoddir awdurdod dirprwyedig i'r Prif Weithredwr, mewn ymgynghoriad â'r Arweinydd, gytuno ar wneud cais am arian grant i Lywodraeth Cymru i sefydlu Cyd-bwyllgor Corfforaethol De-orllewin Cymru ac i dderbyn unrhyw gynnig grant a allai gael ei wneud gan Lywodraeth Cymru (boed hynny i'r cyngor hwn neu i awdurdod sy'n rhan o Gydbwyllgor Corfforaethol (CBC) Abertawe Cymru).

2.   Rhoddir awdurdod dirprwyedig i'r Prif Weithredwr gynnal trafodaethau ag awdurdodau a fydd yn cynnwys CBC De-orllewin Cymru, i ddatblygu cynigion ar gyfer sefydlu CBC De-orllewin Cymru.

3.   Cyflwyno adroddiad i'r aelodau i'w gymeradwyo, unwaith y bydd trafodaethau wedi'u cwblhau, er mwyn i aelodau gymeradwyo'r trefniadau ar gyfer CBC De-orllewin Cymru i'r graddau y maent yn ymwneud â Chyngor Bwrdeistref Sirol Castell-nedd Port Talbot.

4.   Cyflwyno sylwadau i Lywodraeth Cymru i fynegi pryderon am Gydbwyllgorau Corfforaethol fel y trafodwyd yng nghyfarfod Pwyllgor Craffu'r Cabinet a'r Cabinet ar 12 Mai 2021.

Rheswm dros y penderfyniadau:

Sicrhau cydymffurfiaeth â gofynion Deddf Llywodraeth Leol ac Etholiadau (Cymru) 2021 a sicrhau anghenion Cyngor Bwrdeistref Sirol Castell-nedd Port Talbot a'u hadlewyrchu yn natblygiad y Cydbwyllgorau Corfforaethol hyn.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.