Agenda item

Mae'r adroddiad a ddosbarthwyd i ddweud wrth aelodau am Fframwaith Datblygu Cymwyseddau Cynghorwyr arfaethedig CLlLC. Mae'r fframwaith yn amlinellu'r wybodaeth a'r ymddygiad sy'n ofynnol gan Gynghorwyr mewn awdurdodau unedol. Gofynnwyd i aelodau'r Pwyllgor roi unrhyw adborth/sylwadau ar y fframwaith y gall y Cadeirydd a'r swyddogion eu darparu i'r Aelodau Arweiniol a Swyddogion ar gyfer y Rhwydwaith Cymorth a Datblygu Aelodau.

Cadarnhawyd bod y fframwaith arfaethedig yn debygol o gael ei ystyried gan CLlLC yn y gwanwyn, ond ni wnaed penderfyniad eto ar amserlen bendant. Hysbyswyd yr Aelodau fod yr ymgynghoriad yn debygol o gynhyrchu fframwaith generig, ond byddai hyn yn cael ei drosi'n dempled CNPT, ar ôl cytuno arno.

Nododd yr Aelodau fod Fframwaith Cymwyseddau CLlLC yn gallu newid ac y gallai Aelodau barhau i roi sylwadau ar y fframwaith yn dilyn y cyfarfod, pe bai angen unrhyw sylwadau pellach.

Cyfeiriodd yr Aelodau'n benodol at A18 yn yr adroddiad – diogelwch personol. Cydnabu'r Aelodau'r sefyllfa ddiamddiffyn y gallai gwaith y cyngor eu rhoi ynddi weithiau. Trafododd yr Aelodau'r gofrestr o bobl dreisgar a arferai fodoli. Cadarnhawyd, oherwydd cyfyngiadau deddfwriaethol, y byddai angen sefydlu rheswm dilys dros weld y rhestr. Cadarnhaodd swyddogion y gellid datblygu protocol a fyddai'n caniatáu mynediad cyfreithlon at y rhestr.

Penderfynwyd:Y bydd Aelodau'n nodi'r Fframwaith Datblygu ar gyfer Cynghorwyr yng Nghymru 2021, yn nodi unrhyw adborth arfaethedig ac yn cynnig pwyntiau allweddol i alluogi'r Cadeirydd i baratoi ymateb ar ran y Pwyllgor i'r Aelodau Arweiniol a Swyddogion ar gyfer Rhwydwaith Cymorth a Datblygu Aelodau.