Agenda item

Rhoddodd y Prif Weithredwr drosolwg i'r aelodau o'r adroddiad a ddosbarthwyd. 

 

Mewn ymateb i ymholiadau aelod, esboniwyd y byddai gwaith ychwanegol yn cael ei wneud fel rhan o gynllunio adferiad i sicrhau bod ymagwedd gryfach at ddatblygu cymunedau. Byddai hyn yn sicrhau aliniad rhwng Cydlynu Ardaloedd Lleol a datblygu cymunedol arall a gwaith sy'n seiliedig ar leoedd ar draws y cyngor.

 

Holodd yr aelodau ai'r Gwasanaethau Cymdeithasol ddylai fod yn gyfrifol am Ddiogelwch Cymunedol.  Eglurodd y Prif Weithredwr fod gan y swyddogaeth synergedd â'r Gwasanaethau Cymdeithasol ac Addysg, Hamdden a Dysgu Gydol Oes. Ar y cyfan, roedd mwy o le yn debygol o fod ar gael yn y Gyfarwyddiaeth Addysg, Hamdden a Dysgu Gydol Oes ar hyn o bryd i gynnal y gwaith presennol. Esboniwyd nad oedd Diogelwch Cymunedol yn berthnasol i un maes yn unig, roedd yn cwmpasu agendâu'r Gwasanaethau Cymdeithasol ac Addysg.

 

Holodd yr aelodau a fyddai gwrthdaro o ran budd o ran y ffaith bod y Cyfarwyddwr Cyllid a Gwasanaethau Corfforaethol yn cadeirio'r Grŵp Llywodraethu Corfforaethol.  Sicrhaodd y Prif Weithredwr yr aelodau fod y Grŵp Llywodraethu Corfforaethol yn cydlynu ac yn darparu goruchwyliaeth broffesiynol o drefniadau llywodraethu'r cyngor ac yn cymryd cyfrifoldeb am baratoi'r Datganiad Llywodraethu Blynyddol a gyflwynir i'r Cabinet unwaith y flwyddyn ac a gymeradwyir hefyd gan y Pwyllgor Archwilio fel rhan o'r broses o gyfrifo prosesau cyfrifon. 

 

Cafwyd trafodaeth ynghylch cyfuno rolau Gwasanaethau Cyfreithiol, Gwasanaethau Democrataidd a Gwasanaethau Etholiadol.  Eglurodd y Prif Weithredwr fod gan y Gwasanaethau Democrataidd berthynas weithredol agos â'r Gwasanaethau Cyfreithiol, a oedd yn cynnwys cyswllt eang rhwng Pennaeth y Gwasanaethau Cyfreithiol a'r Tîm Gwasanaethau Democrataidd.  O ran y Gwasanaethau Etholiadol, tynnwyd sylw at y ffaith bod gan y cyngor Reolwr Etholiadau profiadol, ond am resymau cynllunio olyniaeth a chynllunio cadernid byddai'r cynigion yn caniatáu i Bennaeth y Gwasanaethau Cyfreithiol gymryd mwy o ran yn y gwaith hwn.

 

Holodd yr aelodau a fyddai’r cynigion yn cael effaith ar gyflog swyddogion. Cadarnhawyd nad oedd unrhyw effeithiau o'r fath yn deillio o'r cynigion ar gyfer y Penaethiaid Gwasanaeth neu'r Cyfarwyddwyr yr effeithiwyd arnynt. 

 

PENDERFYNWYD:  cymeradwyo'r argymhellion canlynol:

 

1.           Dileu swydd y Prif Weithredwr Cynorthwyol a'r Prif Swyddog Digidol.

 

2.      Creu swydd newydd ar raddfa pennaeth gwasanaeth, sef y Prif Swyddog Digidol, gan adrodd yn uniongyrchol i'r Cyfarwyddwr Cyllid a’r Gwasanaethau Corfforaethol.

 

3.      Bod y Prif Weithredwr, mewn ymgynghoriad â'r Arweinydd ac

 Aelod Cabinet dros Gydraddoldebau a Gwasanaethau Corfforaethol yn cael eu  hawdurdodi i baratoi disgrifiad swydd a manyleb person addas  ar gyfer rôl y Prif Swyddog Digidol ac i gychwyn  y prosesau sy'n angenrheidiol i recriwtio person addas i'r rôl.

 

4.      Caiff y gwaith hwnnw o reoli'r Is-adran Gwasanaethau Digidol ei ymgorffori ym mhortffolio'r Prif Swyddog Digidol.

 

5.      Bydd datblygu Strategaeth Creu Incwm y cyngor yn rhan o

rôl y Pennaeth Cyllid. Trosglwyddo rheolaeth llinell y Cydlynydd Masnachol i'r Pennaeth Cyllid. Bydd y Pennaeth Cyllid hefyd yn gyfrifol am gadeirio Grŵp Llywio'r Rhaglen Gyfalaf ac adrodd i'r Grŵp Cyfarwyddwyr Corfforaethol ar faterion rhaglenni cyfalaf.

 

6.      Diwygio portffolio'r Cyfarwyddwr Cyllid a Gwasanaethau Corfforaethol i gynnwys cyfrifoldeb am gadeirio'r Grŵp Llywodraethu Corfforaethol, trosolwg o'r gwaith o baratoi'r Datganiad Llywodraethu Blynyddol a gweithgareddau cysylltiedig; ac ymgorffori cyfrifoldebau'r Uwch-berchennog Risg Gwybodaeth.

 

7.      Diwygio rôl y Rheolwr Strategol ar gyfer Polisi a

Gwasanaethau Democrataidd i ddileu'r cyfrifoldeb am y

Gwasanaethau Democrataidd a’r Gwasanaethau Etholiadol ac i gynyddu lefel

cyfrifoldeb y rôl ar gyfer y swyddogaethau gweddilliol. Ail-ddynodi'r swydd yn Rheolwr Strategol ar gyfer  Polisi a

Chymorth Gweithredol.

 

8.      Ail-ddynodi Pennaeth yr Adnoddau Dynol yn Bennaeth Datblygiad Dynol a Sefydliadol, gan adrodd yn uniongyrchol i'r Prif Weithredwr. Bydd y rôl yn cynnwys

cyfrifoldebau presennol y Pennaeth Adnoddau Dynol ond hefyd yn cynnwys bod yn rheolwr llinell y Rheolwr Strategol ar gyfer Polisi a Chymorth Gweithredol

 

9.      Ail-ddynodi Pennaeth y Gwasanaethau Cyfreithiol yn Bennaeth y Gwasanaethau Cyfreithiol a Democrataidd, gan adrodd yn uniongyrchol i'r Prif Weithredwr. Bydd y rôl yn cynnwys swyddogaethau presennol Pennaeth y Gwasanaethau Cyfreithiol ond caiff ei hehangu i gynnwys bod yn rheolwr linell i'r Rheolwr Gwasanaethau Etholiadol a'r Rheolwr Gwasanaethau Democrataidd.

 

10.    Newid rheolwr linell y Partneriaethau Rheolwyr Strategol

a Chydlyniant Cymunedol gyda'r

swydd a bod y gweithlu/portffolio cysylltiedig yn adrodd yn uniongyrchol i'r Pennaeth Cyfranogiad.