Agenda item

Cymeradwywyd cofnodion y cyfarfod blaenorol a gynhaliwyd ar 3 Mawrth 2020 fel cofnod cywir.

Yna nododd yr Aelodau y canlynol:

·       Eglurodd swyddogion bryderon blaenorol yr Aelodau ynghylch GDPR o ran Panel Annibynnol Cymru ar Gydnabyddiaeth Ariannol (IRPW) a'r lwfans gofalwyr sy'n cael ei hawlio; nodwyd er y byddai'n cael ei gadarnhau yn y cofnod, pe bai rhywun yn hawlio lwfans gofalwyr, dywedwyd bod y person yn derbyn y swm penodol hwnnw, ac na fyddai'r manylion a'r rheswm pam ei fod yn ei hawlio’n cael ei gyhoeddi.

·       Rhoddodd yr ychydig Aelodau a oedd yn treialu Office 365 adborth cadarnhaol ar y system ac amlygwyd ei bod yn gweithio'n dda iawn ac yn ddarn hanfodol o gyfarpar i Aelodau ei gael ar eu ipads. Nodwyd bod Aelodau eraill wedi gofyn a ellid cyflwyno Office 365 i'r holl Aelodau gan fod y pecyn bellach wedi'i dreialu, a fyddai'n ddefnyddiol iawn yn enwedig yn ystod amgylchiadau presennol pandemig COVID-19; yr unig fater a godwyd oedd y gallai fod angen hyfforddiant ar rai Aelodau ar sut i ddefnyddio'r pecyn. Cadarnhaodd swyddogion fod Cadeiryddion ac Is-gadeiryddion y Fforwm Craffu wedi trafod cefnogaeth TG i'r Aelodau a'u bod wedi cytuno y byddai arolwg yn cael ei gynnal mewn perthynas â pha gyfarpar oedd gan bob Aelod ac a oeddent yn cael unrhyw anawsterau wrth ddefnyddio'r cyfarpar, ac o hyn byddai'n ymchwilio i gyflwyno Office 365. Soniwyd ei fod wedi'i godi gyda Dave Giles (Rheolwr y Gwasanaeth TGCh) a byddai'r broses o wneud hyn yn dechrau yn yr ychydig wythnosau nesaf. Awgrymwyd y dylid codi'r mater o ddiweddariad o ran TG yr Aelodau yng nghyfarfod nesaf y Pwyllgor Gwasanaethau Democrataidd ac efallai bydd y Grŵp Cyfeirio TG eisiau ystyried a fyddai angen cynnal cyfarfod rhwng nawr a'r cyfarfod hwnnw.