Agenda item

Derbyniodd y cyngor adroddiad Cyfarwyddwr yr Amgylchedd ac

Adfywio mewn perthynas â Chynllun Datblygu Lleol yr Awdurdod.

Nodwyd bod yr adroddiad wedi'i argymell i'r cyngor gan y Cabinet ar 25 Mehefin 2020.

Mynegwyd pryder bod y tywydd gwael ar ddechrau'r flwyddyn a chyfyngiadau symud COVID- 19 wedi atal aelodau, y cyhoedd a rhanddeiliaid rhag cyfrannu at y broses ymgynghori. Byddai pwysigrwydd mewnbwn aelodau i’r broses yn cael ei amlygu

yn y Cytundeb Cyflawni. Nodwyd y byddai'r broses i ddatblygu

CDLl newydd yn cymryd tair blynedd a hanner ac y byddai'r

CDLl cyfredol yn parhau i fod yn ei le nes bod y fersiwn newydd wedi'i mabwysiadu.

Mewn perthynas â chyfyngiadau symud COVID-19, teimlwyd bod hyn wedi amlygu pwysigrwydd lleoliaeth, ysbryd cymunedol, gwella hygyrchedd i'r cymoedd ar gyfer y cyhoedd a'r amgylchedd.  Cytunodd aelodau fod angen i'r cynllun fod yn hyblyg a nodwyd y byddai hyblygrwydd y cynllun yn cael ei asesu

fel rhan o'r profion cadernid.

Derbyniodd yr aelodau sicrwydd y byddai polisïau mewn perthynas â Thai Amlbreswyl (HMO’s) yn cael eu cynnwys yn y cynllun. Mewn perthynas â datblygiadau tai bach, nodwyd nad oedd rhai datblygiadau wedi ymddangos eto a bod hyn efallai oherwydd materion dichonoldeb. Cynhelir adolygiad o nifer yr aneddiadau a'u ffiniau hefyd. Nodwyd bod y gallu i gyflwyno hefyd yn brawf o gadernid y cynllun.

Mae cyfyngiadau symud COVID-19 wedi arwain at lawer o bobl yn gweithio gartref a'r gobaith oedd y gallai hyn barhau ar ôl y cyfyngiadau symud gan arwain at fwy o gyflogaeth yn ardaloedd y cymoedd.

PENDERFYNWYD:       Cymeradwyo'r ymatebion a'r

                                       argymhellion i'r sylwadau a

                                       dderbyniwyd, fel y nodir yn Atodiad 1 i'r 

                                       adroddiad a ddosbarthwyd, a bod yr

                                       Adroddiad Adolygu terfynol, fel y nodir

                                       yn Atodiad 2 i'r adroddiad a

                                       ddosbarthwyd, yn cael ei gymeradwyo.