Agenda item

Adroddiad ar y cyd gan y Prif Weithredwr, y Prif Weithredwr Cynorthwyol a’r Prif Swyddog Digidol yn atodedig.

Ystyriodd yr Aelodau yr adroddiad uchod gan nodi nad oedd y goblygiadau a ddeilliai o leihau'r oedran etholiad wedi'u cynnwys yn y cynigion na hefyd y cynnydd yn nifer yr etholwyr o ganlyniad i'r mewnlifiad o fyfyrwyr. 

Teimlai rhai Aelodau fod y cynigion yn effeithio ar gymunedau'r cymoedd mewn modd anghymesur drwy leihau cynrychiolaeth aelodau ac effeithio'n andwyol ar hunaniaethau'r cymoedd.  Nid oedd ystyriaeth wedi'i rhoi i'r effaith y byddai'r cynigion yn ei chael ar y preswylwyr.

Roedd rhai Aelodau'n anhapus â'r argymhellion a gafwyd yn yr adroddiad a ddosbarthwyd, yn arbennig:

·        Y bwriad i alinio wardiau Pelenna, Bryn a Chwmafon.

·        Y bwriad i gyfuno wardiau Glyn-nedd a Blaengwrach.

·        Y bwriad i gyfuno wardiau Pontardawe a Threbannws.

·        Y cynnig ar gyfer ward Aberafan.

Roedd atodiad wedi'i ddosbarthu, cyn y cyfarfod, yn amlinellu pryderon Grŵp Plaid Cymru ac yn cynnig diwygiad i'r argymhellion a gafwyd yn yr Adroddiad ar y cyd.  

Atgoffwyd yr Aelodau fod y ddogfen ymgynghori wedi'i chyhoeddi gan y Comisiwn Ffiniau ac na ellid ystyried lefelau amddifadedd, troseddu ac ati.  Roedd y cynigion yn seiliedig ar niferoedd y boblogaeth. 

Cafodd y diwygiad a gynhwyswyd yn yr atodiad ei gyflwyno yn y cyfarfod.  Methodd hyn ac ystyriwyd y prif argymhelliad fel y'i cynhwyswyd yn yr Adroddiad ar y Cyd.

 PENDERFYNIAD: Dylid awdurdodi'r Prif Weithredwr i gyflwyno ymateb i'r Comisiwn Ffiniau yn seiliedig ar yr asesiad gan swyddogion a gynhwysir yn yr adroddiad a ddosbarthwyd.