Agenda item

Adroddiad y Dirprwy Prif Weithredwr a’r Prif Swyddog Digidol.

Yn unol â Chofnod Rhif 3 y cyfarfod a gynhaliwyd ar 11 Gorffennaf, derbyniodd yr Aelodau gynllun prosiect drafft mewn perthynas â chynyddu cyfranogaeth y cyhoedd yn y broses ddemocrataidd gan gynnwys gwe-ddarlledu.

Trafododd Aelodau'r cynllun prosiect drafft gan gytuno yn ogystal â'r hyn a gynigiwyd yn y cynllun, fod angen i'r cyfarfod cyntaf hefyd ystyried

·        yr hyn yr oedd yr awdurdod eisoes yn ei wneud o ran cyfranogiad cyhoeddus

·        faint o awdurdodau lleol sy'n gwe-ddarlledu ar hyn o bryd, a faint o'r cyhoedd sy'n manteisio ar y gwasanaeth hwn?

Nododd Aelodau fod Cyd-bwyllgor Craffu'r Fargen Ddinesig wedi cytuno i we-ddarlledu ac y byddai hyn yn rhoi profiad  i swyddogion ac aelodau perthnasol o ffyrdd gwahanol o ddarparu'r gwasanaeth.

Gofynnodd Aelodau am esboniad o Effeithiau Cymunedau'r Cymoedd, fel y'u cynhwysir yn yr adroddiad a gylchredwyd, a dywedwyd wrthynt y rhagwelir y bydd angen i'r gwaith hwn ystyried effaith cynigion ar gymunedau'r cymoedd.  Er enghraifft, gallai cynhwysiad digidol fod yn broblem mewn rhai ardaloedd. 

PENDERFYNWYD: 1. Sefydlu Grŵp Tasg a Gorffen i ymgymryd â'r gwaith a amlinellwyd yn yr adroddiad er

mwyn paratoi cyngor i’w roi i’r Cyngor erbyn 31 Mawrth 2020;

2.      Y byddai holl aelodau Pwyllgor y Gwasanaethau Democrataidd yn cael eu cadarnhau'n aelodau o'r Grŵp Tasg a Gorffen, oni bai fod aelodau'n dweud wrth swyddogion nad oeddent am fod yn rhan ohono; ac

3.        Y byddai'r cynllun prosiect arfaethedig a gynigir yn yr adroddiad a gylchredwyd yn cael ei gymeradwyo yn amodol ar ychwanegu'r canlynol:

·        yr hyn yr oedd yr awdurdod eisoes yn ei wneud o ran cyfranogiad cyhoeddus

·        faint o awdurdodau lleol sy'n gwe-ddarlledu ar hyn o bryd a nifer yr aelodau o'r cyhoedd sy'n defnyddio'r gwasanaeth hwn?