Cofnodion:
Craffodd y
Pwyllgor ar yr eitemau canlynol ar agenda Bwrdd y Cabinet:
Clefyd Coed
Ynn
Roedd
adroddiad Bwrdd y Cabinet a gylchredwyd yn cynnwys gwybodaeth am effaith
ariannol ac amgylcheddol posib Clefyd Coed Ynn Chalara yn y dyfodol, a oedd ar
hyn o bryd yn effeithio ar nifer mawr o goed ar dir y cyngor a thir
preifat.
Holodd yr
aelodau a oedd cyfeiriad at leoedd chwarae yn yr adroddiad hefyd yn cyfeirio at
leoedd chwarae a berchnogir ac a reolir gan Gynghorau Tref/Cymuned. Cadarnhaodd
swyddogion fod y ffigurau yn yr adroddiad yn berthnasol i'r lleoedd chwarae a
berchnogir gan y cyngor yn unig. Dyletswydd perchnogion y tir fyddai rheoli'r
coed ar eu tir. Fodd bynnag, byddai'r cynllun gweithredu'n cynnwys sut byddai'r
cyngor yn rhaeadru'r wybodaeth am y clefyd i berchnogion tir eraill. Byddai hyn
yn cynnwys Cynghorau Tref a Chymuned.
Nodwyd hefyd
lle bo tir wedi'i brydlesu gan y cyngor, byddai telerau'r brydles unigol yn
pennu pwy fydd yn gyfrifol am unrhyw goed ar y tir hwnnw.
Holwyd
ynghylch cludo ac ailddefnyddio'r pren marw. Cadarnhawyd bod Clefyd Coed Ynn
bellach mor gyffredin, nad oedd unrhyw gyfyngiad ar gludo'r holl goed a
dorrwyd. Golygai hyn y gellid defnyddio'r pren hefyd mewn prosiectau bach ac
mewn stofiau coed ac ati. Fodd bynnag, rhagwelwyd y byddai gwerth ailwerthu'r
pren yn isel o ganlyniad i nifer y coed y mae angen eu torri, a byddai'r rhan fwyaf o'r pren yn
cael ei ailgylchu.
Nododd
aelodau er bod Gorsafoedd Ynni Biomas yn defnyddio pren i greu ynni, ni fyddai
coed ynn yn addas ym mhob achos, gan y dyluniwyd y broses i ddefnyddio coed
syth megis conifferau sy'n haws eu rheoli gyda'u prosesau.
Byddai
ailblannu'r coed a gymynwyd â rhywogaethau eraill, at ddibenion gweledol a
bioamrywiaeth yn cael ei gynnwys yn y cynllun gweithredu, a threfnwyd
cyfarfodydd parhaus ynghylch rheoli coetiroedd.
Oherwydd
maint y gweithrediad, gellir defnyddio contractwyr yn ogystal â staff y cyngor
er mwyn i dorri'r coed a chael gwared arnynt.
Trafodwyd y
meysydd canlynol hefyd:
·
Clefyd Coed Llarwydd,
·
Rhododendronau,
·
Cyllido'r prosiect,
·
Diogelwch y briffordd.
Yn dilyn
craffu, roedd y pwyllgor yn gefnogol o'r cynigion i'w hystyried gan Fwrdd y
Cabinet.
Profi Cerrig
Coffa a Chofebau
Roedd yr
adroddiad a gylchredwyd yn cynnwys polisi arfaethedig ar gyfer profi cerrig
coffa a chofebau a fyddai'n ffurfioli'r gweithdrefnau presennol ac yn darparu
ymagwedd glir a chyson at archwilio cerrig coffa a chofebau yn yr holl
fynwentydd a reolir gan yr awdurdod.
Trafododd
Aelodau pa mor aml y byddai'r archwiliadau'n cael eu cynnal, a nodwyd y
byddai'n digwydd pob pum mlynedd, er os penderfynwyd bod carreg goffa'n
ddiogel, ond bod angen arsylwi arni, yna byddai'r archwiliadau dilynol yn fwy
aml. Nodwyd mai rhoi cerrig coffa i orwedd fyddai'r dewis olaf, ac y byddai
cerrig coffa yn cael eu hatgyfnerthu â pholyn neu eu claddu mewn twll dyfnach
lle bo modd.
Yn dilyn
craffu, roedd y pwyllgor yn gefnogol o'r cynigion i'w hystyried gan Fwrdd y
Cabinet
Parcio dros
Nadolig 2019
Nododd
aelodau yn y blynyddoedd blaenorol pan gynigiwyd parcio am ddim dros y Nadolig
yn yr wythnosau cyn y Nadolig, fod nifer yr ymwelwyr wedi cynyddu yng nghanol
trefi - 11% ym Mhort Talbot er enghraifft. Er ei bod hi'n anodd cael gwybodaeth
fesuradwy gan fasnachwyr lleol, teimlant bod budd o'r parcio am ddim.
Yn dilyn
craffu, roedd y pwyllgor yn gefnogol o'r cynigion i'w hystyried gan Fwrdd y
Cabinet.