Agenda a chofnodion drafft

Cafodd y Pwyllgor wybodaeth am gyflwyno Polisi Gofalwyr fel a nodir yn yr adroddiad a ddosbarthwyd.  Nod y Polisi oedd cefnogi gweithwyr â chyfrifoldebau gofalu.

Cafwyd cadarnhad mai dim ond 1 cais am addasiad gwaith fyddai'n cael ei ystyried bob blwyddyn, ond mewn amgylchiadau eithriadol, gellid apelio yn erbyn penderfyniadau.  Roedd y broses apelio yn hyblyg a byddai amgylchiadau lliniarol yn cael eu hystyried ar sail unigol.

Derbyniodd yr Aelodau wybodaeth am y rhaglenni prentisiaid a phrofiad gwaith yng Nghyngor Castell-nedd Port Talbot fel a nodir yn yr adroddiad a ddosbarthwyd.

Derbyniwyd gwybodaeth am Gofrestru Gweithwyr Gofal Cartref fel a nodir yn yr adroddiad a ddosbarthwyd.

Yn flaenorol, dywedwyd na fyddai'r awdurdod yn ad-dalu unrhyw ffïoedd cofrestru pellach, ond, ar ôl i gynrychiolwyr undebau llafur dynnu sylw at y ffaith bod y gweithlu Gofal Cartref yn cynnwys gweithwyr benywaidd rhan-amser yn bennaf, cytunwyd ag undebau llafur y byddai'r awdurdod yn talu 50% o'r ffi gofrestru. Ailadroddwyd mai taliad 'untro' oedd hwn ac ni fyddai'n berthnasol i unrhyw gofrestriadau pellach sy'n digwydd ar ôl 1 Ebrill 2020.

Derbyniodd y Pwyllgor wybodaeth am y Cynllun Cyfweliadau Gwarantedig ar gyfer Cyn-filwyr y Lluoedd Arfog, fel a nodir yn yr adroddiad a ddosbarthwyd.

Cafwyd cadarnhad y byddai'r cynnig yn berthnasol i swyddi gwag sy'n cael eu hysbysebu'n allanol yn unig. 

Derbyniodd yr Aelodau'r trefniadau agor/cau ar gyfer y prif Swyddfeydd Dinesig ar gyfer cyfnod gwyliau'r Nadolig a'r Flwyddyn Newydd 2020/2021, fel a nodir yn yr adroddiad a ddosbarthwyd.

Derbyniodd yr Aelodau wybodaeth am Adroddiad Gwybodaeth am y Gweithlu Chwarter 3 2019/20 fel a nodir yn atodiad 1 i'r adroddiad a ddosbarthwyd.

Roedd yr Aelodau'n falch ein bod yn y 7fed safle o hyd yng Nghymhariaeth Perfformiad Absenoldeb oherwydd Salwch 2018-2019 – data Cymru Gyfan.  Cafwyd trafodaeth am yr amrywiaeth o ddulliau a ddefnyddiwyd gan gynghorau ledled Cymru sy'n effeithio ar y data, ac o ganlyniad a oedd y data yn offeryn dibynadwy i'w ddefnyddio fel cymhariaeth.  Gofynnodd yr Aelodau i waith gael ei wneud i edrych ar wahanol ymagweddau'r ddau awdurdod gorau, ac i ganlyniadau'r gwaith hwnnw gael eu cyflwyno mewn cyfarfod o'r pwyllgor hwn yn y dyfodol.

Cafwyd trafodaeth bellach ar y broses atgyfeirio i Iechyd Galwedigaethol ac a oedd rhinwedd mewn edrych ar ddewis arall yn lle absenoldeb salwch, er enghraifft absenoldeb arbennig, absenoldeb anabledd.  Canlyniadau i'w cyflwyno mewn cyfarfod o'r pwyllgor hwn yn y dyfodol.

Esboniwyd bod Adnoddau Dynol yn sicrhau bod cysondeb yn y dull a gymerir o ran salwch, ond bod arddulliau rheoli yn wahanol wrth weithredu'r polisi.

Derbyniwyd gwybodaeth am y Datganiad Polisi Cyflog ar gyfer 2020/2021 fel a nodir yn Atodiad 1 yr adroddiad a ddosbarthwyd.

Cafodd y pwyllgor fanylion am gam gweithredu brys y swyddog - rhif 0319 ynghylch y Cynnydd yn y Gyfradd Wrth Gefn fel a nodir yn yr adroddiad a ddosbarthwyd.

Yn unol ag Adran 100A(4) a (5) o Ddeddf Llywodraeth Leol 1972, gwahardd y cyhoedd o'r eitemau busnes canlynol a oedd yn cynnwys datganiadau posib o wybodaeth eithriedig, fel a diffinnir ym Mharagraff 12 ac 15 Adran 4 Atodlen 12A y Ddeddf uchod.

Cafodd y pwyllgor wybodaeth mewn perthynas â'r trafodaethau cyflog cenedlaethol fel a nodir yn yr adroddiad a ddosbarthwyd yn breifat.

Tynnwyd yr adroddiad yn ôl o'i ystyried yn y cyfarfod heddiw.