Agenda a chofnodion drafft

Croesawodd y Cadeirydd bawb i'r cyfarfod.

Y Cynghorydd P Rogers Eitem 6(b) – Personol, Aelod o Neath Athletic RFC

·        20 Chwefror 2025

Cymeradwywyd cofnodion y cyfarfod a gynhaliwyd ar 20 Chwefror 2025 fel cofnod gwir a chywir.

·         Nid oes unrhyw eitemau o Flaenraglen Waith y Cabinet i’w hystyried.

Nid oedd unrhyw eitemau i'w hystyried o Flaenraglen Waith y Cabinet. 

·        Nid oes unrhyw eitemau o Flaenraglen Waith y Pwyllgor Craffu i’w hystyried

Nid oedd unrhyw eitemau i'w hystyried o Flaenraglen Waith y Pwyllgor Craffu.

Ystyriodd yr Aelodau'r eitemau monitro perfformiad fel a amlinellwyd yn yr agenda.

Ystyriodd yr aelodau’r adroddiad fel y'i dosbarthwyd yn y pecyn agenda.

Ceisiodd yr aelodau esboniad o'r sefyllfa o ran cronfeydd wrth gefn a gorwario o'i gymharu â'r gyllideb wreiddiol. Dywedodd swyddogion eu bod yn gallu paratoi a dosbarthu dogfen a fyddai'n amlinellu'r balans agoriadol, sefyllfa'r gwariant presennol mewn perthynas â'r gyllideb y penderfynwyd arni a'r balans disgwyliedig ar ddiwedd y flwyddyn ariannol.

Gofynnodd yr aelodau am yr arbedion mewn perthynas ag ENV11 a'r arbedion a briodolir i'r blychau ailgylchu a thoriadau. Nodir yr eitem yn oren yn yr adroddiad. Mae'n nodi y bydd gorwariant, ond caiff hyn ei adennill mewn ardaloedd eraill. Ceisiodd yr Aelodau rywfaint o eglurder ar yr eitem hon. Dywedodd swyddogion fod casgliadau gwastraff yn gweithredu o fewn y gyllideb, ond mae'r gwariant ar gyfarpar yn parhau i fod yn uwch na'r gyllideb. Bydd nifer y blychau'n lleihau wrth i nifer y blychau papur leihau gan fod papur yn cael ei gyfuno â cherdyn yn y sachau.

Er bod aelodau'n cydnabod yr wybodaeth a ddarperir, cydnabuwyd, o ran cynigion penodol, nid yw'n ymddangos bod yr arbedion wedi cael eu cyflawni. Dywedodd aelodau y byddai angen ystyried hyn ymhellach gyda'r swyddogion perthnasol.

Gofynnodd yr aelodau i'r swyddog am y diweddaraf o ran cludiant rhwng y cartref a'r ysgol a'r cynnydd a wnaed mewn perthynas â'r eitem hon. Dywedodd swyddogion y byddent yn gofyn i Andrew Thomas, Cyfarwyddwr Addysg a Nicola Pearce, Cyfarwyddwr yr Amgylchedd gyflwyno'r diweddaraf o ran yr eitem hon. Dywedodd Aelod y Cabinet, y Cynghorydd Simon Knoyle, fod diweddariad wedi cael ei gyflwyno ar gyfer yr eitem hon ac roedd modd dosbarthu gwybodaeth amdani.

Gofynnodd yr aelodau am y diweddaraf o ran sefyllfa gyllideb ysgolion ac unrhyw wybodaeth sydd ganddynt am ysgolion a allai fod yn ceisio diswyddiadau. Cadarnhaodd swyddogion y dylid ystyried yr eitem hon o fewn cwmpas y Pwyllgor Craffu Addysg, Sgiliau a Lles.

Nododd aelodau fod gorwariant rhagamcanol o £3m ar gyfer y tair cyllideb ysgol ganol. Cadarnhawyd mai ysgolion canol oedd y tair ysgol ar gyfer plant 3-16 oed yn y Fwrdeistref.

Yn dilyn craffu, nodwyd cynnwys yr adroddiad.

Ystyriodd yr aelodau’r adroddiad fel y'i dosbarthwyd yn y pecyn agenda.

Gofynnodd aelodau a fyddai'r cyllid mewn perthynas â thrac rasio Cwrt Herbert yn cael ei drosglwyddo i'r flwyddyn ariannol newydd. Cadarnhaodd swyddogion y byddai hyn yn digwydd. Nododd yr aelodau fod arian hefyd ar gael ar gyfer adnewyddu cyfleusterau'r bar. Cadarnhaodd swyddogion fod y bar yn cael ei gynnal gan Hamdden Celtic ac ar hyn o bryd mae'r bar yn adennill ei gostau, fodd bynnag yn dilyn y gwaith adnewyddu maent yn gobeithio y bydd y bar yn gwneud elw yn ystod y flwyddyn ariannol nesaf.

Gofynnodd aelodau a oedd modd newid grantiau Llywodraeth Cymru i gynorthwyo wrth gyflwyno eitemau nad oedd wedi'u cynnwys yn y grant. Cadarnhaodd swyddogion fod grantiau penodol ar waith i gyflawni blaenoriaethau gweinidogol penodol. Pan fydd grantiau'n cael eu cymeradwyo gan Lywodraeth Cymru, fydd yn anodd defnyddio'r grant ar gyfer unrhyw beth heblaw'r eitemau penodol sy'n rhan o'r cais.

Yn dilyn craffu, nodwyd cynnwys yr adroddiad.

Ystyriodd yr aelodau’r adroddiad fel y'i dosbarthwyd yn y pecyn agenda.

Yn dilyn craffu, nodwyd cynnwys yr adroddiad.

Unrhyw eitemau brys yn ôl disgresiwn y Cadeirydd yn unol ag Adran 100BA(6)(b) o Ddeddf Llywodraeth Leol 1972 (fel y’i diwygiwyd)

Nid oedd unrhyw eitemau brys.