Agenda a Chofnodion

Cytunwyd i benodi'r Cynghorydd S Jones yn Gadeirydd ar gyfer y cyfarfod.

Croesawodd y Cadeirydd bawb i'r cyfarfod.

Ni dderbyniwyd unrhyw ddatganiadau o fuddiannau.

·        6 Hydref 2022

·        28 Hydref 2022

Cymeradwyo cofnodion y cyfarfodydd a gynhaliwyd ar 6 Hydref 2022 a 28 Hydref 2022 fel cofnodion cywir.

Nodi'r Flaenraglen Waith.

Mae'n rhaid cyflwyno cwestiynau'n ysgrifenedig i'r Gwasanaethau Democrataidd, democratic.services@npt.gov.uk heb fod yn hwyrach na chanol dydd ar y diwrnod gwaith cyn y cyfarfod. Mae'n rhaid i'r cwestiynau ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni ofynnwyd unrhyw gwestiynau.

Nododd yr aelodau yr Asesiad Effaith Integredig diwygiedig.

Penderfyniad:

Ar ôl rhoi sylw dyladwy i'r Asesiad Effaith Sgrinio Integredig:

Y bydd Opsiwn 3 yn cael ei rhoi ar waith i reoli'r risg a gwella'r amgylchedd lleol, gyda’r gost yn cael ei hariannu gan Gronfa Wrth Gefn Gorfforaethol y cyngor, neu drwy unrhyw gyllid gan Lywodraeth Cymru sydd ar gael yn y dyfodol.

Rheswm dros y Penderfyniad:

I reoli'r risgiau a'r rhwymedigaethau sy'n gysylltiedig â llif malurion o domenni gwastraff ar y safle, gan mai dyma'r unig ateb fforddiadwy sydd ar gael i'r cyngor.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniadau:

Ar ôl rhoi sylw dyledus i'r Asesiad Effaith Integredig:

·        Y bydd y rhaglen o wariant, fel y nodir yn Atodiad A o'r adroddiad a ddosbarthwyd, yn cael ei chymeradwyo i'w chwblhau dros y 18 mis nesaf

·        Rhoi awdurdod dirprwyedig i Gyfarwyddwr yr Amgylchedd ac Adfywio, mewn ymgynghoriad â'r aelod perthnasol o'r cabinet, i ymgymryd â chaffael a/neu lunio rhaglenni sy'n seiliedig ar anghenion cysylltiedig sy'n cael eu blaenoriaethu a'u rhoi ar waith.

Rheswm dros y Penderfyniad:

Darparu offer ar gyfer darparu gwasanaethau a chynnal asedau y mae'r cyngor yn gyfrifol amdanynt, er mwyn helpu i fynd i'r afael â phryderon y gymuned mewn perthynas â'r amgylchfyd trefol.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyledus i'r Asesiad Effaith Integredig, cymeradwyo bod y cyngor yn dod yn un o lofnodwyr Siarter Teithio Iach Bae Abertawe. 

Rheswm dros y Penderfyniad:

Mae'r siarter yn ceisio lleihau'r effaith ar yr amgylchedd lleol drwy leihau'r defnydd a'r ddibyniaeth ar beiriannau tanio mewnol; i geisio gwneud staff yn fwy heini (yn unol â Deddf Teithio Llesol Cynulliad Cymru) i leihau anweithgarwch, gordewdra a rhoi hwb i'w lles.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyladwy i'r Asesiad Effaith Sgrinio Integredig:

Bydd hawl i barcio am ddim ym meysydd parcio talu ac arddangos Castell-nedd, Port Talbot a Phontardawe rhwng dydd Sadwrn 10 Rhagfyr 2022 a dydd Sul 1 Ionawr 2023 (ac eithrio meysydd parcio'r Gnoll, Parc Gwledig Coedwig Afan a Glan Môr Aberafan).

Rheswm dros y Penderfyniad:

Er mwyn cefnogi economi canol y dref, cydnabyddir y byddai darparu parcio am ddim i geir dros y Nadolig yn cefnogi ei hadferiad ymhellach.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyladwy i'r Asesiad Sgrinio Effaith Integredig, cyflwyno Gorchymyn Diddymu Llwybr Cyhoeddus yn unol ag adran 118 o Ddeddf Priffyrdd 1980 ar gyfer y llwybr a ddangosir fel A-B ar y cynllun sy’n atodedig i’r adroddiad a ddosbarthwyd, ac os na wneir unrhyw wrthwynebiadau, cadarnhau'r gorchymyn fel y gwnaed.

Rheswm dros y Penderfyniad:

·        Nid oes angen llwybr o’r hyd hwn at ddefnydd y cyhoedd o ystyried bod llwybr addas arall drwy'r llwybr A-C sy'n ymuno â'r droedffordd ochr yn ochr â Heol y Graig sy'n cysylltu â phwynt C.

·        Nid yw hyd gwreiddiol llwybr A-B ar gael mwyach ac mewn unrhyw achos mae graddiant y clawdd o'r tai y tu cefn i'r ffordd bengaead hyd at bwynt B yn fwy serth na thrwy'r droedffordd hyd at bwynt C.

·        Nid oes llwybr addas arall ar gyfer hyd A-B.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyledus i'r Asesiad Effaith Sgrinio Integredig, cyflwyno Gorchymyn Diddymu yn unol ag Adran 118 o Ddeddf Priffyrdd 1980 mewn perthynas â'r llwybr a ddangosir fel C-C1-D ar y cynllun sy’n atodedig i’r adroddiad a ddosbarthwyd, ac os na dderbynnir unrhyw wrthwynebiadau i'r gorchymyn, yna cadarnhau'r gorchymyn fel y gwnaed.

Rheswm dros y Penderfyniad:

·        Mae angen datrys y mater o'r hyd yma o lwybr sy'n croesi dros ddwy ardd.

·        O ganlyniad i'r datblygiad tai, collwyd y llwybr gwreiddiol trwy’r cae, ond gellir cael mynediad ar draws y safle o Heol Castell-nedd i lwybr cyhoeddus rhif 39 o hyd ar hyd ffyrdd yr ystâd yn bennaf.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyledus i'r Asesiad Effaith Sgrinio Integredig, cyflwyno Gorchymyn Dargyfeirio llwybr cyhoeddus yn unol ag Adran 119 o Ddeddf Priffyrdd 1980 mewn perthynas â'r llwybr a ddangosir fel A-B-C-D i A-E-D ar gynllun rhif 1 yn yr adroddiad a ddosbarthwyd, ac os na dderbynnir unrhyw wrthwynebiadau, yna cadarnhau'r gorchymyn fel y gwnaed.

Rheswm dros y Penderfyniad:

Er mwyn bodloni'r rhesymau dros wneud y gorchymyn dan brofion hwylustod gan y bydd yn gwella preifatrwydd i’r preswylwyr sy'n byw yn agos at y llwybr ac ni fydd y dargyfeiriad yn cael unrhyw effaith sylweddol ar fwynhad o’r llwybr yn ei gyfanrwydd.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyledus i'r Asesiad Effaith Integredig a disgrifiad o'r argymhelliad, y bydd y grant yn cael ei gymeradwyo.

Rheswm dros y Penderfyniad:

Rhoi darpariaethau'r cynllun Grant Eiddo Masnachol ar waith yn unol â'r meini prawf a thelerau gweinyddu'r grant, er mwyn cyfrannu at adfywio canol tref Castell-nedd.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniadau:

Ar ôl rhoi sylw dyledus i'r Asesiad Effaith Integredig:

·       Caiff y gwrthwynebiadau eu cadarnhau ar gyfer Siding Terrace, Lôn Las, Sgiwen - (Dirymu) a (Gwahardd Aros ar Unrhyw Adeg, Gwahardd Aros, Llwytho neu Ddadlwytho ar Unrhyw Adeg, a Deiliaid Hawlen Barcio i Breswylwyr yn Unig) (fel y manylir yn Atodiad A i'r adroddiad a ddosbarthwyd) a bod y cynllun diwygiedig (fel y manylir yn Atodiad B i'r adroddiad a ddosbarthwyd) yn cael ei roi ar waith ar y safle.

·       Caiff y gwrthwynebwyr eu hysbysu o'r penderfyniad yn unol â hynny.

Rheswm dros y Penderfyniad:

Gwella'r cynllun parcio presennol i breswylwyr.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Ar ôl rhoi sylw dyledus i'r Asesiad Effaith Integredig:

Bod y Rhestr o Gontractwyr Cymeradwy yn cael ei diwygio fel a ganlyn:-

Cwmnïau i'w hychwanegu at y Rhestr o Gontractwyr Cymeradwy

Mae'r cwmnïau canlynol wedi gwneud cais i gael eu cynnwys ar y rhestr ac wedi pasio'r asesiadau angenrheidiol:

Rheswm dros y Penderfyniad:

·        Sicrhau bod y Rhestr o Gontractwyr Cymeradwy yn gyfoes, a chyhyd ag y bo modd, sicrhau proses gaffael gystadleuol.

·        Caiff yr argymhellion hyn eu mabwysiadu at ddiben darparu Rhestr o Gontractwyr Cymeradwy ar gyfer gwahoddiad i dendro yn y categori perthnasol.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.

Penderfyniad:

Dylid nodi'r adroddiad.

Any urgent items (whether public or exempt) at the discretion of the Chairperson pursuant to Statutory Instrument 2001 No. 2290 (as amended).

Ni dderbyniwyd unrhyw eitemau brys.

Yn unol ȃ Rheoliad 4 (3) a (5) Offeryn Statudol 2001 Rhif 2290, gellir gwahardd y cyhoedd ar gyfer yr eitem fusnes ganlynol a oedd yn debygol o gynnwys datgelu gwybodaeth eithriedig fel a ddiffinnir ym Mharagraff 14 Rhan 4 Atodlen 12A o Ddeddf Llywodraeth Leol 1972.

Penderfyniad:

Penderfynwyd gwahardd y cyhoedd o'r cyfarfod wrth ystyried yr eitem fusnes ganlynol ar y sail ei bod yn debygol o ddatgelu gwybodaeth eithriedig fel y nodir ym mharagraff eithrio 14 o Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 yn amodol ar gymhwyso Prawf Budd y Cyhoedd (lle bo'n briodol.

Penderfyniad:

Ar ôl rhoi sylw dyledus i'r Asesiad Effaith Integredig cam cyntaf, cymeradwyo rhoi'r brydles yn ôl y telerau a nodir yn yr adroddiad a ddosbarthwyd.

Rheswm dros y Penderfyniad:

Bydd rhoi'r brydles yn caniatáu i'r safle gwag hwn sydd mewn lleoliad amlwg i gael ei osod a'i weithredu gan gwmni sector hamdden mawr a darparu incwm blynyddol i'r cyngor.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Rhagfyr 2022.