Agenda a Chofnodion

Cytunwyd penodi'r Cynghorydd J Hurley yn Gadeirydd ar gyfer y cyfarfod.

Croesawodd y Cadeirydd bawb i'r cyfarfod.

Ni dderbyniwyd unrhyw ddatganiadau o fuddiannau.

Bod cofnodion y cyfarfod a gynhaliwyd ar 3 Mawrth 2023 yn cael eu cymeradwyo fel cofnod cywir.

Nodi'r Flaenraglen Waith.

Mae'n rhaid cyflwyno cwestiynau'n ysgrifenedig i'r Gwasanaethau Democrataidd, democratic.services@npt.gov.uk heb fod yn hwyrach na chanol dydd ar y diwrnod gwaith cyn y cyfarfod. Mae'n rhaid i'r cwestiynau ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni ofynnwyd unrhyw gwestiynau.

Penderfyniad:

Ar ôl rhoi sylw dyledus i'r Asesiad Effaith Integredig, diwygio'r Rhestr o Gontractwyr Cymeradwy i gynnwys y cwmnïau canlynol gan eu bod wedi pasio'r asesiadau gofynnol:

Rheswm dros y penderfyniad:

Sicrhau bod y Rhestr o Gontractwyr Cymeradwy yn gyfoes, a chyhyd ag y bo modd, sicrhau proses gaffael gystadleuol.

Caiff yr argymhellion hyn eu mabwysiadu at ddiben darparu Rhestr o Gontractwyr Cymeradwy ar gyfer gwahoddiad i dendro yn y categori perthnasol.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Mehefin 2023.

Penderfyniadau:

·        Ar ôl rhoi sylw dyledus i'r asesiad effaith integredig, bod y gwrthwynebiad yn cael ei wrthod mewn perthynas â'r B4242 Heol Pontneathvaughan a'r Stryd Fawr (Dirymiad) (Gwahardd Aros, Llwytho a Dadlwytho ar Unrhyw Adeg), a (Gwahardd Aros ar y Droedffordd ar Unrhyw Adeg) - Gorchymyn 2023.

·        Rhoi'r cynllun ar waith, fel yr hysbyswyd, a'i fonitro wrth symud ymlaen.

·        Hysbysu’r gwrthwynebydd o'r penderfyniad yn unol â hynny.

Rheswm dros y penderfyniad:

Mae'r Gorchmynion yn angenrheidiol er mwyn atal parcio diwahaniaeth er budd diogelwch ffyrdd.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Mehefin 2023.

Ystyriodd yr Aelodau y cynnig a dderbyniwyd gan Bwyllgor Craffu'r Amgylchedd, Adfywio a Gwasanaethau Cymdogaeth, a gynhaliwyd cyn y cyfarfod hwn, gan ychwanegu'r canlynol at yr argymhellion: 'bod oriau gweithredu'r parth cerddwyr yng Nghastell-nedd yn cael eu hadolygu yn y dyfodol.' Cytunwyd y byddai ymateb yn cael ei baratoi a'i anfon at Gadeirydd y Pwyllgor Craffu.

Penderfyniad:

Nodi’r adroddiad.

Unrhyw eitemau brys (boed yn gyhoeddus neu wedi'u heithrio) yn ôl disgresiwn y Cadeirydd yn unol â Rheoliad 5(4)(b)  Offeryn Statudol 2001 Rhif. 2290 (fel y’i diwygiwyd).

Ni dderbyniwyd unrhyw eitemau brys.

Yn unol ȃ Rheoliad 4 (3) a (5) Offeryn Statudol 2001 Rhif 2290, gellir gwahardd y cyhoedd ar gyfer yr eitem fusnes ganlynol a oedd yn debygol o gynnwys datgelu gwybodaeth eithriedig fel a ddiffinnir ym Mharagraff 14 Rhan 4 Atodlen 12A o Ddeddf Llywodraeth Leol 1972.

Penderfyniad:

Penderfynwyd gwahardd y cyhoedd o'r cyfarfod wrth ystyried yr eitem fusnes ganlynol ar y sail ei bod yn debygol o ddatgelu gwybodaeth eithriedig fel y nodir ym mharagraff eithrio 14 o Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 yn amodol ar gymhwyso Prawf Budd y Cyhoedd (lle bo'n briodol).

Penderfyniad:

Ar ôl rhoi sylw dyledus i gam cyntaf yr asesiad effaith integredig, cymeradwywyd y penderfyniad i wahardd Rheolau Gweithdrefnau Contractau (RhGC) y cyngor a dyfarnu contract dwy flynedd uniongyrchol i Biogen ar gyfer trin gwastraff bwyd, yn unol â'u dyfynbris o £42 o incwm fesul tunnell.

Rheswm dros y penderfyniad:

Sicrhau triniaeth barhaus o wastraff bwyd a gesglir gan wneud incwm sylweddol uwch.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Mehefin 2023.

Penderfyniad:

Ar ôl rhoi sylw dyledus i'r Asesiad Effaith Integredig, cymeradwyo'r cynnig arfaethedig i gaffael y capel.

Rheswm dros y penderfyniad:

Sicrhau bod y cyngor yn caffael safle strategol, yn unol â'i gynigion cyffredinol i adfywio canol y dref.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Mehefin 2023.

Penderfyniad:

Cymeradwyo dyfarnu contract Ymgynghorwyr uniongyrchol ar gyfer gwaith mewn perthynas ag adleoli'r cerbydlu casglu yng Ngorsaf Trosglwyddo Gwastraff Crymlyn Burrows, i SLR Consulting Ltd ar gyfer cyfnod o flwyddyn y prosiect ar gyfer gwasanaethau a nodir yn yr adroddiad.

Rhoi cymeradwyaeth i swyddogion gwblhau'r cytundeb angenrheidiol a'r dogfennau cysylltiedig ar gyfer Fframwaith EPSO y sector cyhoeddus at yr un dibenion.

Rheswm dros y penderfyniad:

Hwyluso cynnydd y gwaith i Adleoli'r Cerbydlu Casglu a gytunwyd yn flaenorol gan Aelodau a lleihau risgiau’r prosiect.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod tri diwrnod galw i mewn sy'n dod i ben am 9am ddydd Mawrth, 6 Mehefin 2023.