Agenda a Chofnodion

Croesawodd y Cadeirydd bawb i'r cyfarfod.

Dywedodd y cadeirydd y gallai fod problemau o bosib gyda chworwm. Er mwyn sicrhau y gellir symud trwy'r eitemau'n gyflym, cytunodd y Cadeirydd i amrywio trefn yr agenda.

Ni dderbyniwyd unrhyw ddatganiadau o fuddiannau.

·        16 Gorffennaf 2024

Cymeradwywyd cofnodion y cyfarfod a gynhaliwyd ar 16 Gorffennaf 2024 fel cofnod gwir a chywir.

Ystyriodd yr Aelodau y diweddariad ar bolisi (drafft) ac ymgynghoriad y cynllun trafnidiaeth rhanbarthol fel y'i dosbarthwyd o fewn y pecyn agenda.

Amlinellodd swyddogion mai pwrpas yr adroddiad oedd rhoi'r wybodaeth ddiweddaraf am y Cynllun Trafnidiaeth Rhanbarthol, y gwahanol ffrydiau gwaith sydd wedi'u datblygu a'r cynnydd a wnaed i aelodau. Ail bwrpas yr adroddiad yw ceisio cefnogaeth gan y pwyllgor ar y fframwaith polisi sydd wedi'i ddrafftio. Cadarnhaodd swyddogion fod y fframwaith polisi wedi ystyried y fframwaith a gyhoeddwyd gan Lywodraeth Cymru ac maent wedi'i wneud yn berthnasol ar gyfer fframwaith lleol. Y pwrpas terfynol yw cymeradwyo'r rhaglen waith datblygu Cynllun Trafnidiaeth Rhanbarthol ddiwygiedig.

Nododd swyddogion fod yr amserlen yn heriol ond bod cynnydd sylweddol yn cael ei wneud yn erbyn hyn. Dywedodd swyddogion fod llyfr o ddata wedi'i gynhyrchu a fydd yn helpu i ddeall y rhanbarth a'r effeithiau tebygol ar y rhwydwaith trafnidiaeth. Cadarnhaodd swyddogion fod llawer iawn o waith dadansoddi wedi'i wneud sy'n ystyried hygyrchedd i bwyntiau teithio allweddol yn y rhanbarth, gan ganolbwyntio'n bennaf ar amser teithio. Mae hefyd yn ystyried teithio llesol.

Cadarnhaodd swyddogion y bu adborth cadarnhaol ar yr achos o blaid newid gan Lywodraeth Cymru ac mae wedi bod yn destun yr ymgynghoriad diweddar. Cafwyd 814 o ymatebion i'r ymgynghoriad ac roedd y mwyafrif helaeth o'r ymatebion hyn gan unigolion. Y ddwy thema allweddol a ddaeth i'r amlwg o'r ymgynghoriad oedd pryder ynghylch potensial mesurau teithio llesol y gallai'r cynllun eu cynnwys. Hefyd y gydnabyddiaeth yn yr ymgynghoriad efallai na fydd gofod teithio llesol yn addas i bawb, yn enwedig yn yr ardaloedd mwy gwledig. Yr ail thema oedd argaeledd a chost trafnidiaeth gyhoeddus; bysus a rheilffyrdd. Yn ogystal â hyn roedd pryder am amlder gweithrediad, y prisiau a godir a chwmpas y rhwydwaith. Roedd pryderon hefyd yn cynnwys cyfnewid effeithiol rhwng y rhwydweithiau bysus a rheilffyrdd.

Gweithgaredd allweddol a nodwyd dros yr wythnosau nesaf fydd ymgysylltu â rhanddeiliaid technegol. Bydd adroddiad yn cael ei gyflwyno sy'n amlinellu'r gweithgareddau a gynhaliwyd, i'w ystyried yn ddiweddarach.

Ar hyn o bryd mae swyddogion yn y broses o nodi sail yr asesiad lles integredig. Ymgysylltir â'r cyrff statudol perthnasol i gytuno â dadansoddiad cwmpasu yr asesiad.

Nododd yr Aelodau fod y Bwrdd Teithio Llesol Annibynnol wedi cyhoeddi adroddiad am gerdded a beicio lle disgrifiwyd Cymru fel gwlad sy'n 'arafu cynnydd yn sylweddol' o ran annog pobl i gerdded a beicio. Er y cydnabuwyd bod yr adroddiad newydd gael ei gyhoeddi, gofynnodd yr aelodau pa ystyriaeth y rhoddir i'r adroddiad hwn i sicrhau bod y gwerth gorau yn cael ei gyflawni o ran cerdded a beicio?

Roedd swyddogion yn cydnabod na fydd yr opsiwn teithio llesol yn opsiwn a fydd yn addas i bawb. Bydd yn fwy perthnasol mewn rhai ardaloedd nag eraill. Mae'r fframwaith polisi wedi'i ddrafftio i adlewyrchu'r blaenoriaethau ar draws rhanbarth amrywiol. Er ei fod yn cydnabod cerdded a beicio, mae hefyd yn adlewyrchu'r angen i gynnwys y mathau eraill o deithio. Fodd bynnag, nododd swyddogion nad ydynt wedi gallu ystyried yr adroddiad yn  ...  Gweld y cofnodion lawn ar gyfer eitem 4.

Ystyriodd yr aelodau'r strategaeth gydraddoldeb, amrywiaeth a chynhwysiant ar y cyd – y Cynllun Cydraddoldeb Strategol, fel y'i dosbarthwyd o fewn y pecyn agenda.

Rhoddodd swyddogion yr wybodaeth ddiweddaraf i'r aelodau am y Cynllun Cydraddoldeb Strategol.

Cefnogodd yr Aelodau gymeradwyo'r Strategaeth Gydraddoldeb, Amrywiaeth a Chynhwysiant ar y cyd (Atodiad A), er mwyn galluogi datblygu Cynllun Cydraddoldeb Strategol Rhanbarthol cyn ceisio cymeradwyaeth gan Gyd-bwyllgor Corfforedig De-orllewin Cymru.

Ystyriodd yr Aelodau Adroddiad Monitro Ariannol Chwarter 1 24/25 fel y'i dosbarthwyd o fewn y pecyn agenda.

Aeth swyddogion drwy'r adroddiad. Tynnwyd sylw'r aelodau at atodiad A. Mae'r adroddiad hwn yn manylu ar fonitro ariannol chwarter 1 a'r sefyllfa a ragwelwyd ar gyfer diwedd blwyddyn 24/25. Roedd swyddogion yn ailadrodd y sefyllfa a ragwelwyd o ran arian dros ben ac arian wrth gefn a amlinellwyd yn yr adroddiad ar ddiwedd y flwyddyn ariannol.

Rhoddwyd gwybod i'r Aelodau y byddai gweithdy yn cael ei gynnal yn yr hydref, lle byddai blaenoriaethau'r Cyd-bwyllgor ar gyfer y dyfodol yn cael eu trafod. Holodd yr aelodau a fyddant yn ystyried y gostyngiad yn yr ardoll ar gyfer y flwyddyn sydd i ddod o ystyried lefel y cronfeydd wrth gefn. Dywedodd swyddogion y gellir ystyried hyn yn ystod y gweithdy.

Holodd yr aelodau pwy oedd yn mynd i fod yn rhan o'r gweithdy. Mae swyddogion yn rhagweld y bydd yn cynnwys swyddogion ac aelodau o'r grwpiau perthnasol. Dywedodd swyddogion y byddent yn hapus i fynd i gyfarfod y pwyllgor craffu yn y dyfodol i wrando ar farn yr aelodau ac yna'i throsglwyddo i'r gweithdy.

Yn dilyn craffu, nodwyd cynnwys yr adroddiad.

·        Blaenraglen Waith Cyd-bwyllgor Corfforedig De-orllewin Cymru 2024-2025  

·        Cyd-bwyllgor Corfforedig De-orllewin Cymru – Pwyllgor Trosolwg a Chraffu 2024-2025   

Dewisodd yr Aelodau yr eitemau canlynol i'w hychwanegu at y Flaenraglen Waith ar gyfer y cyfarfod a drefnwyd ar gyfer 14 Hydref 2024.

·        Cynllun Trafnidiaeth Rhanbarthol Drafft, Arfarniad Lles Integredig a'r Cynllun Cyflawni Trafnidiaeth Rhanbarthol

·        Safonau'r Gymraeg – Diweddariad ar Gydymffurfio

·        Y Diweddaraf am y Gyllideb - Adroddiad Rhagarchwiliad

·        Monitro Ariannol Chwarter 2 2024/25

·        Polisi Ynni Rhanbarthol a Chyflwyno Sefyllfa De-orllewin Cymru – Cais am Gyllid Ynni

Any urgent items at the discretion of the Chairperson pursuant to Section 100BA(6)(b) of the Local Government Act 1972 (as amended).

Nid oedd unrhyw eitemau brys.