Agenda a chofnodion drafft

Croesawodd y Cadeirydd bawb i'r cyfarfod.

Ni chafwyd unrhyw ddatganiadau o fuddiannau.

Tynnwyd yr eitem yn ôl o'r agenda.

Rhoddwyd gwybod i'r aelodau bod hwn yn adroddiad yn wreiddiol i'w ddrafftio mewn ymateb i ohebiaeth a dderbyniwyd gan Swyddfa Archwilio Cymru ar 17 Gorffennaf 2023. Roedd yr argymhellion yn yr ohebiaeth hon yn cynnwys llunio Strategaeth Cyfranogiad a Chynllun Gweithredu Tlodi Plant ac mae'r rhain yn cael eu llunio ar hyn o bryd. Disgwylir y bydd adroddiad yn cael ei gyflwyno cyn cyfarfod nesaf y pwyllgor hwn. Mae Swyddfa Archwilio Cymru wedi nodi eu bod yn bwriadu adolygu'r ymateb i'r ohebiaeth o fewn 18-24 mis yn dilyn dyddiad yr ohebiaeth gychwynnol. 

Ystyriodd yr aelodau yr adroddiad a ddosbarthwyd fel atodiad i'r agenda.

Amlinellodd swyddogion mai nod yr adroddiad yw amlinellu cyfrifoldeb y llywodraeth leol wrth ddatblygu cynlluniau buddsoddiad rhanbarthol ar gyfer y Gronfa Ffyniant Gyffredin ac yn nodi bod sail y rhaglen yn cynnwys y prosiectau angori, y cynllun grant a phrosiectau annibynnol.

Dywedwyd wrth aelodau bod 2025/2026 yn flwyddyn bontio ac y bydd trafodaethau'n parhau rhwng Llywodraeth Cymru a'r DU ynghylch y cyllid y tu hwnt i fis Mawrth 2026.

Mae'r adroddiad yn nodi cynnydd sylweddol mewn allbynnau perfformiad rhanbarthol, gan gynnwys creu swyddi, swyddi a ddiogelwyd a grantiau a ddyrannwyd i sefydliadau a mentrau.

Cododd yr aelodau bryderon ynghylch cyllid y Gronfa Ffyniant Gyffredin. Nodwyd ei fod wedi lleihau'n sylweddol ac y bydd hyn yn cael effaith ar nifer o sefydliadau yn yr ardal sydd wedi cael mynediad at y cyllid yn flaenorol.

Yn dilyn craffu, nodwyd cynnwys yr adroddiad.

Ystyriodd yr aelodau yr adroddiad fel a ddosbarthwyd fel atodiad i'r agenda.

Amlinellodd y swyddogion mai pwrpas yr adroddiad yw rhoi'r diweddaraf i aelodau ynghylch cynnydd a pherfformiad cyffredinol y Cyd-bwyllgor Corfforedig ar gyfer y flwyddyn 2024-2025.

Yn dilyn craffu, nododd aelodau'r cynnydd cyffredinol ar gyfer 2024/2025 a'i gymeradwyo cyn ei gyflwyno i aelodau Cyd-bwyllgor Corfforedig De-Orllewin Cymru ar 19 Mawrth 2025.

Ystyriodd yr aelodau yr adroddiad fel a ddosbarthwyd fel atodiad i'r agenda.

Rhoddwyd gwybod i'r aelodau y cytunwyd ar y blaenoriaethau arfaethedig ar gyfer Cyd-bwyllgor Corfforedig Rhanbarthol De-Orllewin Cymru 2025/2026 ym mis Ionawr, ar y cyd â'r gyllideb.

Nodwyd nad yw'r amcanion lles wedi newid, felly ni chafwyd unrhyw ymgynghoriad pellach ynghylch y rhain. Fodd bynnag, diweddarwyd y camau gweithredu angenrheidiol i gyflwyno'r amcanion lles yn yr adroddiad a gyflwynwyd yn y cyfarfod.

Cododd yr aelodau bryderon ynghylch y ddogfen a'r iaith wrthdrawiadol a ddefnyddir mewn perthynas â thargedau sero net. Tynnodd yr aelodau sylw'r swyddogion at y datganiadau sy'n amlinellu'r angen i sicrhau cydbwysedd a chymesuroldeb tuag at gyflawni allyriadau sero net heb effeithio ar yr economi. Mae'r datganiadau'n nodi bod angen i gyflawniad allyriadau sero net fod yn gymesur â'r ardal heb effeithio ar yr economi leol a heb ychwanegu tlodi. Mynegodd yr aelodau eu pryder bod tôn y ddau ddatganiad yn gwrthdaro â'r cyfleoedd mawr ar gyfer manteision economaidd lleol a rhanbarthol o ganlyniad i ddiwydiannau gwyrdd. Roedd hefyd yn ymddangos bod y datganiadau'n diystyru'r gydnabyddiaeth o'r gwelliannau i ansawdd bywyd a geir o ganlyniad i bethau fel cartrefi sydd wedi'u hinswleiddio'n well, stoc tai a sicrwydd ynni gwell oherwydd ynni gwyrdd. Roedd aelodau'n awyddus i ddeall y cyfiawnhad, gan gynnwys y datganiadau yn y cynllun, gan mai ynni gwyrdd sy'n rhoi'r cyfle gorau am dwf.

Nododd swyddogion fod y datganiadau wedi'u cynnwys fel rhan o'r ymatebion i'r ymgynghoriad. Mynegodd yr aelodau eu pryderon bod y ddogfen yn rhoi negeseuon sy'n gwrthdaro ynghylch ymrwymiad y rhanbarth tuag at allyriadau sero net a denu buddsoddiadau ar gyfer ynni gwyrdd.

Roedd y ddogfen hefyd yn amlinellu'r gwaith a wneir gan y Cyd-bwyllgor Corfforedig gyda Sero Net Cymru i hyrwyddo'r rhanbarth i fuddsoddwyr posib. Fodd bynnag, mynegodd yr aelodau eu pryderon bod y datganiad hwn yn groes i'r datganiadau sydd wedi'u cynnwys o'r ymgynghoriad.

Er bod yr aelodau'n derbyn bod angen cydnabod yr ymatebion a dderbyniwyd fel rhan o'r ymgynghoriad, mynegwyd pryder ynghylch eu cynnwys yn y ddogfen, gan fod hyn yn cyflwyno safbwyntiau gwrthdrawiadol o'r Cyd-bwyllgor Corfforedig. Gofynnodd yr aelodau wrth y swyddogion am ystyried yn ddwys a ddylid cael gwared ar y datganiadau sy'n cyflwyno darlun amwys o amcanion y Cyd-bwyllgor Corfforedig.

Cyfeiriodd yr aelodau at y Cynllun Datblygu Strategol a amlinellir yn y ddogfen. Nodwyd y byddai hyn yn annhebygol o wneud cynnydd nes bod cyllid ar gael gan Lywodraeth Cymru i gefnogi ei ddatblygiad. Nododd y swyddogion fod y Cyd-bwyllgor Corfforedig yn drafftio llythyr at Ysgrifennydd y Cabinet i amlinellu'r pryderon a'r heriau a wynebir. Cytunodd y pwyllgor eu bod am gymeradwyo eu cefnogaeth o'r llythyr hwn a bod Llywodraeth Cymru'n methu â chydnabod y gofyniad angenrheidiol o ddarparu cyllideb ddigonol i gefnogi'r gwaith o ddrafftio a chyflwyno'r Cynllun Datblygu Strategol.

Yn dilyn craffu, cymeradwyodd yr aelodau fersiwn ddrafft rhif tri o Gynllun Corfforaethol 2023 - 2028 i'w gymeradwyo gan Gyd-bwyllgor Corfforedig Rhanbarthol De-orllewin Cymru, yn ogystal ag ychwanegu llythyr a anfonwyd at y Cyd-bwyllgor gan  ...  Gweld y cofnodion lawn ar gyfer eitem 6.

·        Blaenraglen Waith Cyd-bwyllgor Corfforedig De-orllewin Cymru 2024-2025

·        Blaenraglen Waith Is-bwyllgor Trosolwg a Chraffu Cyd-bwyllgor Corfforedig De-orllewin Cymru 2024-2025

Mynegodd yr aelodau eu pryderon bod yr adroddiadau'n cael eu dosbarthu ar ôl cyhoeddi'r agenda. Roedd hyn yn golygu nad oedd gan yr aelodau ddigon o amser i ystyried yr adroddiadau cyn y cyfarfod. Cytunodd yr aelodau y dylid mynegi eu pryderon i Gadeirydd y Cyd-bwyllgor Corfforedig mewn perthynas â'r eitem hon.

Nodwyd y Flaenraglen Waith.

Unrhyw eitemau brys yn ôl disgresiwn y Cadeirydd yn unol ag Adran 100BA(6)(b) o Ddeddf Llywodraeth Leol 1972 (fel y’i diwygiwyd)

Nid oedd unrhyw eitemau brys.