Agenda a Chofnodion

Cyflwynodd a chroesawodd Swyddog Monitro'r Cyd-bwyllgor Corfforedig y Pwyllgor.

Penodwyd y Cyng. Richard Sparks yn Gadeirydd ar gyfer Cyd-bwyllgor Corfforedig De-orllewin Cymru - Is-bwyllgor Trosolwg a Chraffu

Penodwyd Y Cyng. Tim Bowen fel Is-Gadeirydd Cyd-bwyllgor Corfforedig De-orllewin Cymru - Is-bwyllgor Trosolwg a Chraffu

Ni ddatganwyd unrhyw fuddiannau.

Ni ddatganwyd unrhyw fuddiannau.

Rhoddwyd trosolwg o'r cyfrifoldebau o fewn strwythur Cyd-bwyllgor Corfforedig De-orllewin Cymru a'r broses benderfynu i'r Aelodau, fel a fanylwyd yn yr adroddiad a ddosbarthwyd.

Gofynnod aelodau am gyfranogiad y Parciau Cenedlaethol ar y prif Gyd-bwyllgor Corfforedig, fodd bynnag nid oeddent yn rhan o'r Pwyllgor Craffu. Hysbysodd swyddogion yr aelodau fod hyn yn cael ei drafod o hyd ac y byddai adroddiad yn cael ei gyflwyno i'r Cyd-bwyllgor Corfforedig i drafod sut y bydd y parciau cenedlaethol yn ymwneud â phob statws gwahanol wrth symud ymlaen.  Nododd yr aelodau y byddai swyddogion yn rhoi diweddariad i'r pwyllgor trosolwg a chraffu, yn amodol ar adroddiad yn cael ei gyflwyno i'r Cyd-bwyllgor Corfforedig yn y dyfodol.

Yn dilyn gwaith craffu, nododd yr aelodau'r adroddiad.

Rhoddwyd trosolwg i aelodau mewn perthynas â chylch gorchwyl Cyd-bwyllgor Corfforedig De-orllewin Cymru a'r Pwyllgor Craffu, fel a fanylwyd yn yr adroddiad a ddosbarthwyd.

Gofynnwyd am eglurder ynghylch y cyrff allanol a fyddai  ar gael ar gyfer craffu, fel a amlygwyd yn y cylch gorchwyl. Cadarnhaodd swyddogion y byddai'n gyfyngedig, fodd bynnag byddai unrhyw gyrff allanol a fyddai'n rhan o broses y Cyd-bwyllgor Craffu Corfforedig yn agored i graffu.

Yn dilyn craffu, nodwyd cynnwys yr adroddiad.

Croesawodd yr aelodau Brif Weithredwr y Cyd-bwyllgor Corfforedig

Diweddarwyd yr aelodau am flaenraglen waith bresennol y Cyd-bwyllgor Corfforedig a rôl Prif Weithredwr y Cyd-bwyllgor Corfforedig ynghyd â'r trefniadau a fydd ar waith ar gyfer rhyddhau gwasanaethau, fel a nodwyd yn yr adroddiad a ddosbarthwyd.

Cafwyd trafodaethau ynghylch fformat y gyllideb a'i phrosesu. Rhoddodd y Prif Swyddog Cyllid drosolwg o'r gyllideb. Nodwyd bod dolen i gyfarfod blaenorol y Cyd-bwyllgor Corfforedig lle cymeradwywyd y gyllideb ar gyfer 2022/23. Gofynnodd yr aelodau i gyllideb 2023/24 gael ei chynnwys yn y flaenraglen waith ym mis Ionawr.

Nododd yr aelodau fod y Cyd-bwyllgor Corfforedig yn datblygu Cynllun Trafnidiaeth erbyn mis Rhagfyr 2022 ac y byddai ymgynghoriad cyhoeddus yn cael ei gynnal ym mis Mehefin 2022. Holodd yr aelodau a oedd y dyddiadau hyn yn gywir. Eglurodd swyddogion fod y dyddiadau'n gywir pan ddrafftiwyd yr adroddiad gwreiddiol, fodd bynnag roeddent yn aros am arweiniad pellach gan Lywodraeth Cymru a oedd wedi achosi oedi o ran y dyddiadau.  Cadarnhaodd swyddogion, yn dilyn arweiniad pellach byddai diweddariad yn cael ei roi i'r Pwyllgor Trosolwg a Chraffu.

Cafwyd trafodaethau ynghylch pynciau yr oedd yr aelodau am eu cynnwys yn y flaenraglen waith Trosolwg a Chraffu. Cytunwyd y byddai sesiwn flaenraglen waith yn cael ei threfnu i ganiatáu i'r pwyllgor ychwanegu ymhellach at eu blaenraglen waith. 

Yn dilyn craffu, nodwyd cynnwys yr adroddiad.

(Unrhyw eitemau brys (boed yn gyhoeddus neu wedi’u heithrio) yn ol disgresiwn y Cadeirydd yn unol ag Adran 100B (4) (b) o Ddeddf Llywodraeth Leol 1972)

Ni datganwyd unrhyw fuddiannau.