Agenda a Chofnodion

Croesawodd y Cadeirydd bawb i'r cyfarfod.

Ni chafwyd unrhyw ddatganiadau o fuddiannau.

Trafododd yr Aelodau eitemau o Flaenraglen Waith y Cabinet.

Rhoddodd Gyfarwyddwr y Gwasanaethau Cymdeithasol, Iechyd a Thai, drosolwg byr o'r adroddiad a gynhwysir yn y pecyn agenda. Rhoddwyd gwybod i aelodau y byddai adborth gan y Pwyllgor Craffu'n cael ei gyflwyno i'r cyngor llawn. Tynnodd yr adroddiad sylw at y gwaith da sy'n cael ei wneud yn ogystal â'r heriau a wynebir gan wasanaethau yn ystod cyfnodau o alw cynyddol a nifer cynyddol  achosion cymhleth. Roedd y Cadeirydd yn cydnabod y buddsoddiad sylweddol gan y cyngor a rhoddodd ddiolch am y gefnogaeth barhaus gan aelodau. Nododd y Cyfarwyddwr yr angen i adolygu'r fformiwla gyllido i gefnogi iechyd a gofal cymdeithasol tymor hir yn well.

Diolchodd yr Aelodau i'r cyfarwyddwr am yr adroddiad cynhwysfawr ond gwnaed sylwadau am y defnydd o acronymau yn yr adroddiad.

Gwnaeth yr aelodau sylwadau am y defnydd o ganrannau ar dudalen 79 yr adroddiad. Gofynnodd yr aelodau i'r ffigurau a'r canrannau gael eu cynnwys yn adroddiadau'r dyfodol.

Roedd y Cyfarwyddwr yn cydnabod bod hyn wedi cael ei godi gan aelodau yn y gorffennol ac ymddiheurwyd am yr hepgoriad. Rhoddwyd sicrwydd i aelodau y byddai adroddiadau'r dyfodol yn cynnwys ffigurau a chanrannau.

Rhoddodd y Cyfarwyddwr ddiolch i'r aelodau am dynnu sylw at y defnydd o acronymau yn yr adroddiad. Rhoddwyd sicrwydd i'r aelodau y byddai'r defnydd o acronymau'n cael ei ystyried yn y dyfodol i sicrhau bod adroddiadau'n cael eu hystyried mewn iaith syml sy'n hawdd ei deall.

Yn dilyn gwaith craffu, cefnogodd yr aelodau'r argymhelliad a amlinellwyd yn adroddiad drafft y Cabinet.

Trafododd yr Aelodau eitemau o Flaenraglen Waith y Pwyllgor Craffu

Rhoddodd y Pennaeth Tai a Chymunedau drosolwg i'r aelodau o'r adroddiad a gynhwysir yn y pecyn agenda.

Gofynnodd yr aelodau a ellid defnyddio'r grant cymorth tai i gomisiynu gwasanaethau'n unig neu a oedd modd ei defnyddio i brynu eiddo'n uniongyrchol.

Esboniodd y Pennaeth Gwasanaeth fod y grant yn seiliedig ar refeniw ac nad oes modd ei defnyddio fel cyfalaf er mwyn prynu eiddo. Caiff y grant ei arwain gan wasanaethau a chaiff ei ddefnyddio i gomisiynu gwasanaethau a hefyd i ariannu nifer o wasanaethau mewnol.

Yn dilyn craffu, nododd y pwyllgor yr adroddiad.

Ystyriodd yr aelodau eitemau monitro perfformiad.

Rhoddodd y Pennaeth Gwasanaethau i Oedolion drosolwg o'r adroddiad a gynhwysir yn y pecyn agenda. Cyfeiriodd y Pennaeth Gwasanaeth at y cynllun gweithredu a gynhwysir yn atodiad un yr adroddid a nodwyd bod y rhan fwyaf o'r tasgau naill ai wedi cael eu rhoi ar waith neu ar y trywydd iawn.

Croesawodd yr Aelodau yr wybodaeth a gofynnwyd am y ddiweddaraf o ran cydweithio gyda'r gwasanaethau iechyd, gan gynnwys meddygon teulu, ysbytai a fferyllfeydd.

Cadarnhaodd swyddogion fod gwaith wedi'i wneud gyda chlystyrau gofal sylfaenol a oedd yn cynnwys meddygon teulu, fferyllfeydd, optometryddion a deintyddion. Ar hyn o bryd mae cynllun peilot yn cael ei gynnal yn ardal Pontardawe i gyflwyno hyfforddiant gofalwyr i bob fferyllfa. Bydd yn esbonio hawliau gofalwyr a'r gwasanaethau cefnogi sydd ar gael yng Nghastell-nedd Port Talbot ar gyfer gofalwyr o bob oedran. Mae gwaith yn mynd rhagddo gyda'r bwrdd iechyd i gefnogi meddygon teulu i allu dod o hyd i ofalwyr a'u cyfeirio at wasanaethau priodol. Hefyd, mae gwaith yn mynd rhagddo i nodi gofalwyr yn yr ysbyty a sut y gallant gael eu cefnogi wrth ryddhau cleifion.

Gofynnodd yr aelodau am nifer y bobl a oedd wedi cwblhau'r hyfforddiant ar gyfer meddygon teulu a fferyllfeydd.

Cadarnhaodd swyddogion fod nifer sylweddol o bobl wedi cwblhau'r hyfforddiant. Darperir yr hyfforddiant mewn partneriaeth â Gwasanaeth Gofalwyr Castell-nedd Port Talbot, y Cyngor Gwasanaethau Gwirfoddol, y Gwasanaeth Ieuenctid a rhai gofalwyr. Darperir hyfforddiant yn ystod sesiynau hyfforddi meddygon teulu. Mae fferyllfeydd wedi ymgysylltu'n dda â'r hyfforddiant ac maent yn edrych ar ffyrdd y gallent symleiddio'r broses a chofnodi lle y mae gofalwyr yn gweithio er mwyn gwella cefnogaeth.

Yn dilyn craffu, nododd y pwyllgor yr adroddiad.

Gyda chytundeb y pwyllgor, gohiriwyd yr eitem hon tan y cyfarfod nesaf. Gofynnodd aelodau i'r wybodaeth hon gael ei chyflwyno i'r pwyllgor naill ai bob chwe mis neu'n flynyddol.

Gohiriwyd yr eitem hon.

Dywedodd swyddogion wrth aelodau am y newidiadau a wnaed, gyda chytundeb y Cadeirydd, i Flaenraglen Waith y Pwyllgor Craffu. Rhoddwyd cyfle i'r aelodau ofyn am eitemau pellach i'w hystyried.

Caiff yr adroddiadau canlynol eu hystyried yn ystod cyfarfodydd yn y dyfodol:

13 Mawrth 2025

•         Adroddiad Blynyddol y Bwrdd Cynllunio Ardal ar gyfer 2023/24

•         Adroddiad ynghylch y Diweddaraf am y Gwasanaeth Pwynt Cyswllt Unigol ar gyfer Gwasanaethau i Oedolion.

•         Cynllun Corfforaethol - Monitro Perfformiad - Chwarter 3

1 Mai 2025

•         Adroddiad Blynyddol Trais yn erbyn Menywod, Cam-drin Domestig a Thrais Rhywiol

Dywedwyd wrth aelodau fod yr adroddiadau canlynol wedi cael eu hychwanegu at Flaenraglen Waith y Cabinet ar gyfer 12 Mawrth:

•         Prynu Llety Brys i Leihau Digartrefedd

•         Sicrhau Ansawdd wrth Gomisiynu Gwasanaethau Gofal Cymdeithasol.

Oherwydd yr amserlen gyfyngedig, ni fydd cyfle i aelodau ddewis yr eitemau hyn ar gyfer craffu cyn penderfynu. Byddwn yn rhoi gwybod i aelodau pan fydd yr adroddiadau'n cael eu cyhoeddi ac atgoffwyd yr aelodau fod y pwyllgor yn gallu dethol eitem ar gyfer craffu ar ôl penderfynu neu gallant gwestiynu penderfyniad y Cabinet os ydynt am wneud hynny.

Dywedwyd wrth yr aelodau fod rhestr o adroddiadau data perfformiad awgrymedig yn cael ei dosbarthu cyn ei nodi yn y flaenraglen waith. Gofynnwyd i'r aelodau roi gwybod i'r Cadeirydd os ydynt am awgrymu adroddiadau ychwanegol sy'n ymwneud â pherfformiad. 

Nododd yr Aelodau'r Flaenraglen Waith.

Unrhyw eitemau brys yn ôl disgresiwn y Cadeirydd yn unol ag Adran 100BA(6)(b) o Ddeddf Llywodraeth Leol 1972 (fel y’i diwygiwyd)

Nid oedd unrhyw eitemau brys.

Mynediad i gyfarfodydd i benderfynu a ddylid gwahardd y cyhoedd o'r eitem ganlynol yn unol ag Is-adran 100a(4) a (5) Deddf Llywodraeth Leol 1972 a'r paragraffau eithriedig perthnasol o Ran 4 Atodlen 12a y Ddeddf uchod.

Mynediad i gyfarfodydd i benderfynu a ddylid gwahardd y cyhoedd o'r eitem ganlynol yn unol ag Is-adran 100a(4) a (5) o Ddeddf Llywodraeth Leol 1972 a'r paragraffau eithriedig perthnasol o Ran 4 Atodlen 12A y Ddeddf uchod.

Trafododd yr aelodau yr eitemau preifat o Flaenraglen Waith y Cabinet.

Yn dilyn gwaith craffu, cefnogodd yr aelodau'r argymhelliad a amlinellwyd yn adroddiad drafft y Cabinet.

Yn dilyn gwaith craffu, nid oedd yr aelodau'n cefnogi'r argymhelliad a amlinellwyd yn adroddiad drafft y Cabinet.

Yn dilyn gwaith craffu, cefnogodd yr aelodau'r argymhelliad a amlinellwyd yn adroddiad drafft y Cabinet.

Yn dilyn gwaith craffu, cefnogodd yr aelodau'r argymhelliad a amlinellwyd yn adroddiad drafft y Cabinet.

Yn dilyn craffu, nododd y pwyllgor yr adroddiad.

Yn dilyn craffu, nododd y pwyllgor yr adroddiad.