Agenda a Chofnodion
Lleoliad: Multi-Location Meeting - Council Chamber, Port Talbot & Microsoft Teams. Cyfarwyddiadau
Cyswllt: Alison Thomas E-bost: a.thomas6@npt.gov.uk
Rhif | Eitem |
---|---|
Cyhoeddiad y Cadeirydd Cofnodion: Croesawodd y Cadeirydd bawb i'r cyfarfod. Derbyniwyd ymddiheuriadau gan y Cyng. N Gold-Up
John a'r Cyng D Thomas. Cadarnhaodd y Cadeirydd y byddai Aelodau'r Pwyllgor
yn craffu ar yr holl eitemau ar Agenda'r Cabinet. |
|
Datganiadau o fuddiannau Cofnodion: Derbyniwyd datganiadau o fuddiannau gan y Cyng. D
Whitelock, y Cyng. R Mizen, y Cyng. J Jones, y Cyng. P Rees a'r Cyng. W
Carpenter a ddatganodd eu bod yn Aelodau o Bwyllgor CYSAG. Gwnaeth y Cyng. S Reynolds ddatganiad o fuddiant yn
erbyn eitem 14 o Agenda Bwrdd y Cabinet.
|
|
Ymgynghoriad ar Gynigion Cyllidebol 2023/24 PDF 918 KB Dogfennau ychwanegol: Cofnodion: Cyflwynwyd yr ymgynghoriad ar Gynigion Cyllidebol
2023/24 i'r aelodau, fel y'i hamlinellwyd yn yr adroddiad a ddosbarthwyd. Atgoffwyd yr aelodau fod yr adroddiad wedi'i
gyflwyno yn ei gyfanrwydd a bod angen iddynt ganolbwyntio ar yr wybodaeth sy'n
ymwneud â'r Pwyllgor penodol hwn. Gofynnwyd i'r aelodau gynnig unrhyw awgrymiadau
cynhyrchu incwm ynghyd â chyfleoedd arbedion posib. Gwnaeth aelodau'r pwyllgor craffu godi cwestiynau
yn ymwneud ag ariannu ysgolion a'r gefnogaeth ar gyfer dyfarniadau cyflog i
staff ysgolion am y flwyddyn 2023/24. Roedd swyddogion yn gallu egluro y byddai ysgolion
yn gweld ffigur o 8.6% o ran cyllid, sydd ar hyn o bryd yn ychwanegol at y
gyfradd bresennol o 7.1%. Gwnaeth swyddogion hefyd amlinellu cyllid a
ddarparwyd gan Lywodraeth Cymru yn ystod y broses adfer o COVID, a chadarnhaodd
Swyddogion fod ysgolion yn derbyn yr holl gyllid, sy'n cefnogi gyda'r
cyllidebau wrth gefn. Tynnodd swyddogion sylw at y streic ddiwydiannol
sydd ar ddod, ond ar hyn o bryd oherwydd ansicrwydd y canlyniad a'r goblygiadau
posib, pe bai'r dyfarniad cyflog yn uwch na'r cyllid sydd eisoes ar gael, nid
oedd modd egluro i’r aelodau sut yr ymdrinnir â'r sefyllfa hon. Roedd ymholiad nesaf yr aelodau yn ymwneud â
chludiant rhwng y cartref a'r ysgol a'r ffigur arfaethedig o 9%. Gofynnwyd i
swyddogion a oedd unrhyw gynlluniau wrth gefn ar gael pe bai'r ffigur yn
cynyddu oherwydd yr argyfwng costau byw parhaus ac yn ail os yw cyfraddau
chwyddiant hefyd yn aros yn uchel. Cadarnhaodd swyddogion fod y cynnydd o 9% wedi'i
nodi er mwyn ystyried y costau chwyddiant presennol, gyda phwysau cyllidebol
ychwanegol o £1.276 miliwn ar gyfer cludiant ysgol. Amlinellodd swyddogion; y
cynigiwyd y costau i gefnogi'r cyfraddau presennol yn y gobaith y byddai
chwyddiant yn gweld gostyngiad dros y blynyddoedd dilynol, gyda disgwyl i
gontractau gynyddu 5%. Cafodd yr aelodau ddiweddariad byr o ran cynllun wrth
gefn, gyda Swyddogion yn datgan, yn dilyn ymarfer cwmpasu a'r ffaith bod
cyllidebau ar hyn o bryd yn gytbwys, nad oedd yn ddichonadwy bwrw ymlaen
ymhellach. Cafodd gynlluniau i leihau costau a gofynion teithio eu hamlinellu i
Aelodau, yn enwedig y rheini ar gyfer plant sy'n trosglwyddo i oedolaeth. Gofynnodd yr aelodau am ddefnyddio staff mewnol yn
y Gwasanaethau Hamdden a'r effaith y byddai hyn yn ei chael ar y gyllideb.
Cadarnhaodd swyddogion fod cynnig wedi bod i ohirio hyn am ddeuddeng mis arall.
Mae'r costau fodd bynnag yn cael eu hadlewyrchu o fewn y cynllun cyllideb tymor
canolig. Trafodwyd gostyngiad mewn costau ynni, o ran paneli
solar a chynlluniau arfaethedig, a rhoddwyd gwybod i'r aelodau am hyn. Roedd
swyddogion yn asesu adeiladau a all fod yn addas ar gyfer y pwnc hwn ar hyn o
bryd.
|
|
Diweddariad ar ôl COVID PDF 389 KB Dogfennau ychwanegol:
Cofnodion: Cyflwynodd swyddogion drosolwg o'r adroddiad i'r
swyddogion. Nododd yr aelodau'r effeithiau cadarnhaol a gafwyd
o ganlyniad i'r swyddogion seicoleg plant a benodwyd yn ddiweddar. Yn ogystal,
amlinellodd swyddogion y cyfle i benodi therapyddion iaith a lleferydd. Mae hyn
yn flaenoriaeth ar ôl y pandemig a gellir bwrw ymlaen â hyn drwy ddefnyddio
ffynonellau arian grant. Tynnodd yr aelodau sylw at anawsterau plant o ran
cyfnodau pontio wrth ddychwelyd i'r ysgol yn dilyn y pandemig. Roedd swyddogion
yn falch o roi gwybod i’r aelodau am y swyddi a gadarnhawyd o ran seicolegwyr
plant, a oedd yn ail-ymgysylltu â phlant a theuluoedd, gan gynorthwyo gyda
materion iechyd meddwl a godwyd oherwydd y pandemig. Hysbyswyd yr aelodau y disgwylir adroddiad yn y
dyfodol agos mewn cydweithrediad â'r Gwasanaethau Cymdeithasol. Aeth swyddogion ymlaen
i ddweud y byddai cynllun gweithredu COVID-19 yn parhau fel dogfen barhaus, ac
y byddai'r aelodau'n cael eu diweddaru gydag adroddiadau gwybodaeth yn y
dyfodol. Mae'r adroddiad at
ddibenion gwybodaeth, felly nodwyd yr adroddiad.
|
|
Craffu Cyn Penderfynu Dewis
eitemau priodol o agenda’r Cabinet ar gyfer craffu cyn penderfynu (amgaeir
adroddiadau ar gyfer yr Aelodau Craffu) Cofnodion: Eitemau Agenda'r Cabinet - cytunwyd y dylid craffu
ar y canlynol Eitem 7 ar yr Agenda – Strategaeth Cyfranogiad ac
Ymgysylltu Hysbyswyd yr aelodau fod y strategaeth wedi cynnwys
llawer o randdeiliaid o fewn y broses ymgysylltu. Cafwyd ymatebion penodol gan
blant a phobl ifanc. Roedd swyddogion yn awyddus i dynnu sylw at bwysigrwydd
cynnwys y rhanddeiliaid penodol hyn yn y camau datblygu. Yn dilyn craffu,
cefnogwyd yr argymhelliad gan Fwrdd y Cabinet. Eitem 8 ar yr Agenda – Y Maes Llafur Cytunedig ar
gyfer Crefydd, Gwerthoedd a Moeseg yn Ysgolion Castell-nedd Port Talbot Cefnogwyd yr argymhelliad gan Fwrdd y Cabinet. Eitem 9 ar yr Agenda – Tîm Gwella Ysgolion Gofynnodd yr aelodau gwestiwn mewn perthynas â
mesurau arbennig a gwelliannau yn ysgolion Castell-nedd Port Talbot. Roedd
swyddogion yn gallu cadarnhau nad oedd unrhyw angen am y rhain ar hyn o bryd.
Cadarnhaodd swyddogion y byddai ymchwiliadau o'r natur hon yn cael eu cynnal yn
ffurfiol gan Estyn. Yn dilyn craffu, nodwyd cynnwys yr adroddiad. Eitem 10 ar yr Agenda – Adroddiad Diweddaru
Cyflogadwyedd a Sgiliau Cadarnhaodd y swyddogion i'r aelodau y byddai
Cymunedau a Mwy yn cael ei disodli gan raglen newydd a ariennir gan Lywodraeth
Cymru o 1 Ebrill 2023, gan gwmpasu pobl ifanc 16 oed ac yn hŷn. Diweddarwyd yr aelodau am gydweithio parhaus rhwng
adrannau mewn Cyfarwyddiaethau o ran darparu gwybodaeth i bobl ifanc am
raglenni sydd ar gael. Yn dilyn craffu, nodwyd cynnwys yr adroddiad. Eitem 11 ar yr Agenda – Cyllid Grant CADW Castell
Margam Rhoddwyd trosolwg o'r arian grant i'r aelodau o ran
gwaith brys i atgyweirio ffabrig yr adeilad. Aeth swyddogion ymlaen i esbonio y
rhagwelwyd y byddai'r gwaith, ar ôl ei gwblhau, yn caniatáu mynediad i'r
cyhoedd nad oedd ar gael ar hyn o bryd. Rhoddodd swyddogion ddiweddariad pellach i’r
aelodau ar brosiect parhaus 5 mlynedd a ariennir yn llawn gan Gronfa
Dreftadaeth y Loteri, a fyddai'n gweld y prosiect yn derbyn £10,000. Llongyfarchodd yr aelodau'r swyddogion am yr arian
llwyddiannus. Yn dilyn craffu, nodwyd cynnwys yr adroddiad. Eitem 12 ar yr Agenda – Adroddiad Gwasanaethau
Hamdden Darparwyd diweddariad ar yr adroddiad i'r aelodau.
Hysbyswyd yr aelodau, oherwydd cyfyngiadau ariannol, fod y dyddiad cwblhau
cychwynnol wedi'i ohirio ddeuddeng mis, a'r dyddiad newydd a gynigiwyd oedd 1
Ebrill 2024, yn hytrach na 2023. Holodd yr aelodau ynghylch manylion ariannol
cyflogi staff mewnol yn y Gwasanaethau Hamdden, a'r effaith ar y bwlch yn y
gyllideb. Dywedodd swyddogion y gallai'r aelodau ddod o hyd i
wybodaeth o'r cynllun Busnes a luniwyd, a fyddai'n cael ei ddosbarthu yn dilyn
y cyfarfod. Hysbyswyd yr aelodau am y potensial i greu incwm a mesurau arbed
effeithlonrwydd ynni. Cafodd yr aelodau drosolwg byr o ddisgwyliadau'r
cyngor ar ôl i'r gwasanaeth gael ei sefydlu'n ôl i'r awdurdod yn llawn. Yn dilyn craffu, nodwyd cynnwys yr adroddiad. Eitem 14 ar yr Agenda – Adroddiad atodol – Ehangu
Gofal Plant Dechrau'n Deg – Cam 2 Gwnaeth yr aelodau ymholiadau ar y bil cyfalaf yng Nghwmafan, a gofynnwyd i Swyddogion am ... Gweld y cofnodion lawn ar gyfer eitem 5. |
|
Blaenraglen Waith 2022/23 PDF 416 KB Cofnodion: Bod Blaenraglen Waith y Pwyllgor Craffu Addysg,
Sgiliau a Lles ar gyfer 2022/23 yn cael ei nodi. |
|
Eitemau brys Unrhyw
eitemau brys (boed yn gyhoeddus neu wedi’u heithrio) yn ol disgresiwn y
Cadeirydd yn unol ag Adran 100B (4) (b) o Ddeddf Llywodraeth
Leol 1972. Cofnodion: Ni dderbyniwyd unrhyw eitemau brys. |